यूहन्ना 21:17 - बिलासपुरी नौआं नियम

¹⁷ यीशुये फेरी तिज्जी बार पतरसा जो गलाया, “यूहन्ना रे पुत्र शमौन, क्या तू मिन्जो प्रेम कराँ?” पतरस बौहत परेशान हुईग्या भई यीशुये तिस्सो तिज्जी बार ये पुच्छया, क्या तू मिन्जो प्रेम कराँ? तां पतरसे यीशुये जो गलाया, “हे प्रभु! तू सब किछ जाणाँ, तू जाणाँ भई हऊँ तेरने प्रेम कराँ।” यीशुये तिस्सो गलाया, मेरियां भेड्डां जो चरा।

यूहन्ना 21:17 ပူးပေါင်းရင်းမြစ်များ

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

मरकुस 14:72

तां ताहलूं दुज्जी बारी कुकड़े झांग दित्ति। पतरसा जो यीशुये री गलाई री गल्ल याद आई, भई “कुकड़ा रे दो बार झांग देणे ते पैहले तू तिन्न बारी मेरा इन्कार करना।” सै इसा गल्ला जो सोच्चीने दुखी हुया कने रोणे लगया।

यूहन्ना 12:8

काँह्भई गरीब लोकां त सदा तुहां सौगी रैहणा, पर मांह सदा तुहांरे सौगी नीं रैहणा।”

यूहन्ना 13:38

यीशुये जवाब दित्या, “क्या मेरे खातर अपणा प्राण देंगा? हऊँ तेरने सच बोलां भई कुकड़ा झांग नीं देणी तदुआं तक जे तूं तिन्न बार मेरा इन्कार नीं करी लेंगा।”

यूहन्ना 14:15

“जे तुहें मेरने प्यार कराँ ये, तां तुहां मेरयां हुक्मां जो मनणा।

यूहन्ना 15:10

जे तुहें मेरयां हुक्मां जो मनगे तां तुहां मेरे प्यारा च बणीरे रैहणा। तियां जे हऊँ पिता परमेशरा रे हुक्मां रा पालन करीने तिसरे प्यारा च बणीरा रैआं।

यूहन्ना 16:30

हुण अहें समझीगे भई तू सब किछ जाणाँ, हुण किसी जो बी तेरते किछ बी पुछणे री जरूरत नीं, काँह्भई इसते अहांजो ये विश्वास हुईग्या भई तू परमेशरा रिया तरफा ते आईरा।”

यूहन्ना 18:27

तां फेरी भीं पतरसे नां दईती। कने ताहलूं इ कुकड़े झांग दईती।

यूहन्ना 18:4

फेरी यीशु तिन्हां सारियां गल्लां जो सै जे तिस सौगी हुणे औल़ियां थिआं जाणीने अग्गे बधया कने सिपाईयां ते पुच्छणे लगया, “तुहें किस्सो टोले रायें?”

यूहन्ना 21:18

हऊँ तेरने सच्च बोलां, भई ताहली जे तू जवान था, तां तू खुद अपणे लक्का जो बन्हीने तित्थी जे तेरा दिल कराँ तित्थी जो चली जां था। पर ताहली जे तू बुड्डे हुई जाणा, तां तू अपणे हात्थ फैलाणे कने किसी होरी तिज्जो बन्ही लेणा कने तिज्जो उत्थी लेई जाणा तित्थी जे तू जाणा नीं चाहन्गा।

यूहन्ना 4:16

इस पर यीशुये तिसाजो गलाया, “जा अपणे घरा-औल़े जो सद्दीने इत्थी लीऔ।”

प्रेरितां 1:24

कने ये प्राथना किति, “हे प्रभु, तू जे सब्बीं रे मना जो जाणाँ, ये प्रगट कर भई इन्हां चते तैं किस्सो चुणीरा,

प्रेरितां 11:10

तिन्न बार येढ़ा इ हुआ; तां सब किछ अम्बरा परा खंजोईग्या।

प्रेरितां 15:8

मना रे जाँचणे औल़े परमेशरे तिन्हांजो बी अहां साई पवित्र आत्मा देईने ये साबित कित्या भई तिने तिन्हांजो अपणयां लोकां साई ग्रहण कित्या;

2 कुरिन्थियों 1:12

अहांजो इसरा गर्व आ भई अहें ये गल्ल आच्छे मना ने बोल्ली सक्कां ये भई अहें इस संसारा च कने खास कर तुहां लोकां रे बिच ईमानदारिया ने कने सच्चाईया ने जीवन बिताया सै जे परमेशरा ते मिलीरा। अहें संसारिक ज्ञाना पर नीं पर परमेशरा रे अनुग्रह पर भरोसा कित्तिरा।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

1 पतरस 1:6

इस वजह ने तुहांजो इन्हां सारियां गल्लां रे बारे च खुश हूणा चाहिन्दा, हलाँकि हुण तुहांजो किछ वगता तक कई तरह रियां परेशानियां उदास करी सक्कां इयां।

2 पतरस 3:1

मेरे प्यारे मित्रो, हुण ये दुज्जी चिट्ठी सै जे हऊँ तुहांजो लिखिराँ। इन्हां दुईं चिट्ठियां च मैं तुहांजो तिन्हां गल्लां री याद दिलाई, तिन्हांजो जे तुहें पैहले तेई जाणाँ ये, ताकि ताहली जे तुहें मेरी लिखी रिया गल्लां जो याद कराँ ये, तां ये तुहांजो सही ढंगा ने सोचणे च मदद करगियां।

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।

प्रकाशितवाक्य 3:19

हऊँ तिस-तिसने जे प्यार कराँ, तिन्हां सब्बीं जो थिड़कीने सधेराँ; इस खातर ईमानदारिया ने अपणयां पापां ते मन फिरा।