यूहन्ना 21:15 - बिलासपुरी नौआं नियम

¹⁵ जलपान करने ते बाद यीशुये शमौन पतरसा जो गलाया, “हे यूहन्ना रे पुत्र शमौन, क्या सच्चमुच तू मेरने इन्हांते जादा प्यार कराँ?” पतरसे यीशुये जो जवाव दित्या, “हाँ, प्रभु! तू जाणाँ भई हऊँ तिज्जो प्यार करां।” यीशुये पतरसा जो गलाया, “मेरे चेलयां जो सम्भाल़ सै जे मेमनयां साई ये।”

यूहन्ना 21:15 ပူးပေါင်းရင်းမြစ်များ

मत्ती 10:37

“सै जे अपणे माता-पिता जो मेरते जादा प्यार कराँ, सै मेरा चेला बणने रे लायक नींये; कने सै जे अपणे बेटे या बेटिया जो मेरते जादा प्यार कराँ, सै मेरा चेला बणने रे लायक निआं;

मत्ती 16:17

यीशुये तिस्सो जबाब दित्या, योना रे पुत्र, शमौन, परमेशर आशीष देओ तिज्जो, काँह्भई माहणुये नीं, पर स्वर्गा च रैहणे औल़े मेरे पिता, तूह पर जाहिर किति।

मत्ती 18:10

इस खातर देक्खा, तुहें मेरे इन्हां मासूम चेलयां चते किसी जो बी घटिया नीं समझयां; हऊँ तुहांजो दस्सां भई तिन्हारी हिफाज़त करने औल़े स्वर्गदूतां री पहुँच स्वर्गा च मेरे पिता ले सदा बणीरी रैईं।

मत्ती 26:33

पतरसे तिस्सो जबाब दित्या, “चाये सारयां रा विश्वास तुहां परा ते टुटी जांगा, पर मेरा विश्वास कदीं नीं टुटणा।”

मत्ती 26:35

फेरी पतरसे तिसने गलाया, “जे मिन्जो तेरिया सौगी मरने बी पौ, तां बी मांह तेरे बारे च कदीं नीं मुकरना।” कने बाकी सारयां चेलयां बी येढ़ा इ गलाया।

मरकुस 14:29

पतरसे तिसने गलाया, “जे सारे तिज्जो छड्डिने चली बी जांगे, तां मांह तुहांजो नीं छडणा।”

लूका 12:32

“इस खातर भेडां साई भोल़े-भाल़े, मेरे छोट्टे झुण्डा! मता घबरान्दे, काँह्भई तुहांजो स्वार्गा रा राज देणे च पिता परमेशरा जो बड़ा नन्द औआं।

लूका 22:32

पर शमौन, प्राथना च मैं तेरे खातर बिनती किति भई तेरा विश्वास टुटी नीं जाओ, इस खातर ताहली जे तू अपणे पापां ते मन फिराई ने मेरले वापस आई जाओ, ताहली अपणे भाईयां जो बी विश्वासा च मजबूत करयां।”

यूहन्ना 1:42

फेरी अन्द्रियास शमौना जो यीशुये ले ली आया, तिने शमौन्ना जो ध्यान्ना ने देख्या कने गलाया, “तू यूहन्ना रा मुण्डु शमौन आ: तू कैफा यनि पतरस रे नौआं ते पछयाणया जाणा।”

यूहन्ना 13:37

पतरसे तिसते पुच्छया, “प्रभु जी, हुण हऊँ कांह् नीं आई सकदा? हऊँ तेरे खातर मरने जो त्यार आ।”

यूहन्ना 16:27

मेरा पिता परमेशर तुहांजो बौहत प्यार कराँ, काँह्भई तुहें मेरने बौहत प्यार कित्या, कने ये बी विश्वास कराँ ये भई हऊँ पिता रिया तरफा ते आईरा।

यूहन्ना 21:12

यीशुये तिन्हांजो गलाया, “येत्थी औआ कने रोटी खावा।” तिसरे चेलयां चते किसी जो बी ये पुछणे री हिम्मत नीं हुई भई “तू कुण आ?” काँह्भई तिन्हांजो पता लगी गरा था भई सै प्रभु आ।

यूहन्ना 21:7

फेरी तिने चेले तिसने जे यीशु प्यार करां था पतरसा ने बोल्या, “येत प्रभु आ!” ताहली जे शमौन्ने ये सुणया भई सै प्रभु आ, तां तिने अपणे सै कपड़े पैहनी ले सै जे तिने काम्म करदे वगत खोल्ही तरे थे कने झीला च छैल़ मारीती, काँह्भई तिस वगत तिने अधे कपड़े पैहनीरे थे।

यूहन्ना 8:42

यीशुये तिन्हाजो जबाब दित्या, “जे परमेशर तुहांरा पिता हुन्दा, तां तुहें मेरने प्यार रखदे; काँह्भई हऊँ तुहांले परमेशरा रिया तरफा ते आईरा; हऊँ येत्थी अपणिया मर्जिया ने नीं आईरा, पर तिने मिन्जो भेज्जिरा।

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

प्रेरितां 20:29

हऊँ जाणाँ भई मेरे जाणे ते बाद लोक सै जे फाड़णे औल़े भेड़ियां साई तुहांरे बिच्च औणा कने परमेशरा रे लोकां जो नष्ट करने री कोशिश करनी।

रोमियो 14:1

तिसरा विश्वास जे कमजोर आ, तिसरा बी स्वागत करा, पर तिस्सो क्या करना चाहिन्दा या क्या नीं करना चाहिन्दा इस बारे च बैहस नीं करा।

रोमियो 15:1

अहें जे विश्वासा च मजबूत ये, तां अहांजो तिन्हांरियां कमजोरियां च मदद करनी चाहिन्दी सै जे विश्वासा च मजबूत नींये, नां भई सिर्फ खुद अप्पूँ जोई खुश रखिये।

1 कुरिन्थियों 8:11

इस तरिके ने तेरे ज्ञाना रिया वजह ते तिस कमजोर विश्वासिये रा विनाश हुई जाणा तिसरे खातर जे मसीह मरया।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

इफिसियां 4:14

तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।

इफिसियां 6:24

परमेशरा रा अनुग्रह तिन्हां सब्बीं पर बणीरा रौ सै जे अहांरे प्रभु यीशु मसीह ने बेथौह प्यार कराँ ये।

इब्रानियों 13:20

कने शान्ति देणे औल़ा परमेशर सै जे भेड्डां रा महान रखवाला यनि मसीह यीशु, अहांरे प्रभुये जो अनन्त वाचा रे लहूये रे जरिये मूईरयां चते जिऊंदा कित्या,

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।

1 पतरस 1:8

हलाँकि तुहें कदी यीशु मसीह जो नीं देख्या फेरी बी तुहें तिसने प्यार कराँ ये; कने हुण तुहें तिस्सो नीं देखदे, फेरी बी तुहें तिस पर विश्वास कराँ ये कने येढ़े आनन्दित कने मगन हुआं ये सै जे बखान करने ते बाहर कने महिमा ने भरीरा,

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।

1 पतरस 2:25

पैहले तुहें भटकी रियां भेड्डां साई थे, पर हुण अपणे प्राणां रे चरवाहे कने देख-रेख करने औल़े ले वापस आई चुक्कीरे।

1 यूहन्ना 4:19

अहें इस खातर परमेशरा जो कने इक्की दूये जो प्यार कराँ ये काँह्भई पैहले परमेशरे अहांने प्यार कित्या।

1 यूहन्ना 5:1

सै जे कोई ये विश्वास करां भई यीशु इ मसीह आ, सै परमेशरा रा बच्चा; कने सै जे कोई पिता परमेशरा ने प्यार रक्खां, सै तिसने बी प्यार रक्खां, सै जे तिसरा बच्चा।

प्रकाशितवाक्य 2:23

मांह तिसारे बच्चयां जो मारी देणा; फेरी सारी कलीसियां ये जाणी लेणा भई दिल कने मना रा परखणे औल़ा हऊँ इ हाया; कने मांह तुहां चते हरेक जो तिसरयां कम्मां रे मुतावक ईनाम देणा।