यूहन्ना 20:27 - बिलासपुरी नौआं नियम

²⁷ फेरी तिने थोमा जो गलाया, आओ कने अपणी गुट्ठी मेरे हात्था च पाईने देख, कने अपणा हात्थ मेरे बखिया च पाईने देख। शक करना छड्डिने मांह पर विश्वास कर भई हऊँ जिऊंदा हुईगरा।

यूहन्ना 20:27 ပူးပေါင်းရင်းမြစ်များ

मत्ती 17:17

यीशुये जबाब दित्या, “अड़ीमूर कने अविश्वासी लोको, माह कितणे बगता तक होर तुहां सौगी रैहणा? कितना बगत हऊँ इयां इ तुहांरी सैहन्दा रैहन्गा? तिस्सो येत्थी मेरले ल्यावा।”

मरकुस 9:19

ये सुणीने यीशुये तिन्हांजो जवाब देईने गलाया, “इस जुगा रे अविश्वासी लोको, हऊँ कितणे वगता तक तुहां सौगी रैहन्गा? कने कदुआं तक तुहांरी सैहन्गा? तिस मुण्डुये जो मेरले ल्यावा।”

लूका 24:39

मेरे हत्थां कने पैराँ खा देक्खा, तुहें देक्खी सक्कां ये भई हऊँ सैई हाया। मेरने छोईने देक्खा भई हऊँ कोई भूत नींआ, काँह्भई भूतां रा कोई शरीर नीं हुन्दा। पर तियां जे तुहें देखी रायें भई मेरा शरीर आ, तिसच जे हड्डी कने मांस आ!”

लूका 24:40

ये बोल्लीने यीशुये अपणे हत्थ तिन्हाजो दसणे खातर अग्गे कित्ते, कने तिन्हे अपणे पैर बी दस्से।

लूका 9:41

यीशुये जवाब दित्या, “अविश्वासी कने अड़ीमूर लोको मैं तुहांरे खातर इतणा किछ कित्या पर तुहें विश्वास नीं करदे? हऊँ कदुआं तक तुहां सौगी रैंहगा, अपणे पुत्रा जो येत्थी ल्यावा।”

यूहन्ना 20:20

ये बोल्लीने यीशुये अपणे हाथ कने बखिया रा जख्म तिन्हांजो दस्या। चेलयां तंजे प्रभुये जो देख्या, तां सै बौहत खुश हुईगे।

यूहन्ना 20:25

दुज्यां चेलयां तिस्सो बोल्या भई, “अहें प्रभुये जो देख्या।” पर तिने जबाब दित्या, “तदुआं तका जे हऊँ तिसरयां हत्थां च मेखां रे सुराख नीं देक्खी लुँ, कने तिन्हां च अपणी गुट्ठी पाईने नीं देक्खी लुँ, कने बखिया पर भाले रे सुराखा जो हात्थ नीं पाई लुँ तदुआं तक मिन्जो विश्वास नीं हूणा भई यीशु मूईरयां चते जिऊंदा हुईगरा।”

यूहन्ना 20:28

थोमे जबाब दित्या, “मेरे प्रभु, हे मेरे परमेशरा!”

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,