यूहन्ना 20:26 - बिलासपुरी नौआं नियम

²⁶ अट्ठां दिनां बाद यीशुये रे चेले फेरी भीं घरा च कट्ठे हुये, कने थोमा तिन्हांने सौगी था। (दरवाजे पर ताला लगीरा था।) यीशु आया कने तिन्हां च खढ़ी गया, कने तिन्हांजो गलाया, “तुहांजो शान्ति मिलो।”

यूहन्ना 20:26 ပူးပေါင်းရင်းမြစ်များ

मत्ती 17:1

छेआं दिनां बाद यीशु पतरस, याकूब कने तिसरे भाईये यूहन्ने जो सौगी लेआ कने सुनसान जगह च ऊच्चे पहाड़ा पर गया।

मरकुस 16:14

फेरी यीशु तिन्हां ग्याराँ चेलयां जो बी दुस्या, तंजे सै रोटी खाणे बैठिरे थे। तिने लोकां रे लगातार विश्वास करने जो नकारने कने ढिठाईया पर ल़ुहामा दित्या, काँह्भई तिन्हेंजे तिसजो मुड़दयां चते जिऊंदा हुणे ते बाद देख्या था, तिन्हें बी तिसरा विश्वास नीं कित्या।

लूका 24:36

कने जिस वगत जे सै ये गल्लां करी रां थे तां यीशु इकदम तिन्हारे विच दिखया; कने तिन्हाने गलाया, “परमेशर तुहांजो शान्ति देओ।”

लूका 9:28

इन्हां गल्लां ते कोई अट्ठां दिनां बाद यीशु, पतरस, याकूब कने यूहन्ना जो लेईने प्राथना करने खातर पहाड़ा पर गये।

यूहन्ना 11:16

फेरी थोमा तिस्सो जे दिदुमुस बोलां ये, तिने अपणयां साथी चेलयां ने बोल्या, “औआ, अहें बी प्रभुये ने तित्थी चलिये ताकि अहें बी तिस सौगी मरी सक्को।”

यूहन्ना 14:27

हऊँ तुहांजो शान्ति देआं, तेढ़ी नीं, तिस तरिके री जे संसार देआं; पर हऊँ तुहांजो अपणी शान्ति देआं तिसते जे तुहांरा मन नांत घबराओ कने न डरो।

यूहन्ना 20:19

तिस त्वारा रे संजके बगता, सै जे हफ्ते रा पैहला दिन था, चेले यहूदी अगुवेयां रे डरा रे मारे दरवाजा बन्द करीने बैठिरे थे। तां यीशु तित्थी आईने तिन्हांरे बिच खड़ा हुईग्या, कने तिन्हांजो गलाया, “तुहांजो शान्ति मिलो।”

यूहन्ना 20:21

यीशुये तिन्हांजो फेरी भीं गलाया तुहांजो शान्ति मिलो, तियां जे पिता परमेशरे मिन्जो संसारा च भेज्या तियां इ हऊँ बी तुहांजो संसारा च भेज्या रां।

यूहन्ना 21:1

इन्हां गल्लां ते बाद तिबिरियास नदिया रे कण्डे (गलील समुद्रा रा दुज्जा नौं आ) यीशु चेलयां ले भीं ते आया। कने ये सब किछ इयां हुया भई;

यूहन्ना 21:14

मूईरयां चते जिऊंदा हुणे ते बाद ये तिज्जी बार यीशुये अपणया चेलयां जो दर्शण दित्या।

प्रेरितां 1:3

यीशुये रे दुख सैहणे कने क्रूसा पर लटकाये जाणे ते बाद कई सारे पक्कयां सबूतां ने अप्पूँजो प्रेरितां रे सामणे ज्यूंदा परगट कित्या, कने चाल़ियां दिनां तक सै तिन्हांजो दुसदा रैया, कने परमेशर माहणुआं पर कियां राज कराँ ये गल्लां दस्सियां।