यूहन्ना 20:21 - बिलासपुरी नौआं नियम

²¹ यीशुये तिन्हांजो फेरी भीं गलाया तुहांजो शान्ति मिलो, तियां जे पिता परमेशरे मिन्जो संसारा च भेज्या तियां इ हऊँ बी तुहांजो संसारा च भेज्या रां।

यूहन्ना 20:21 ပူးပေါင်းရင်းမြစ်များ

मत्ती 10:16

खबरदार! हऊँ तुहांजो असहाय भेड्डां साई लोकां रे बिच भेज्जां सै जे भेड़िये साई खतरनाक ये। इस खातर सर्पां साई चलाक कने समझदारिया ने काम्म करा, कने कबूतरां साई भोल़े-भाल़े कने खरयां गुणां जो परगट करा।

मत्ती 10:40

“सै जे तुहांजो ग्रहण कराँ, सै मिन्जो ग्रहण कराँ; कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

लूका 24:36

कने जिस वगत जे सै ये गल्लां करी रां थे तां यीशु इकदम तिन्हारे विच दिखया; कने तिन्हाने गलाया, “परमेशर तुहांजो शान्ति देओ।”

यूहन्ना 13:20

हऊँ तुहांजो सच बोलां, भई सै जे मेरे भेज्जीरे जो ग्रहण कराँ, सै मिन्जो ग्रहण कराँ, कने सै जे मिन्जो ग्रहण कराँ, सै मेरे भेजणे औल़े जो ग्रहण कराँ।

यूहन्ना 14:27

हऊँ तुहांजो शान्ति देआं, तेढ़ी नीं, तिस तरिके री जे संसार देआं; पर हऊँ तुहांजो अपणी शान्ति देआं तिसते जे तुहांरा मन नांत घबराओ कने न डरो।

यूहन्ना 20:19

तिस त्वारा रे संजके बगता, सै जे हफ्ते रा पैहला दिन था, चेले यहूदी अगुवेयां रे डरा रे मारे दरवाजा बन्द करीने बैठिरे थे। तां यीशु तित्थी आईने तिन्हांरे बिच खड़ा हुईग्या, कने तिन्हांजो गलाया, “तुहांजो शान्ति मिलो।”

यूहन्ना 20:22

येढ़ा बोलीने तिने तिन्हां पर फूक मारी, कने गलाया, “पवित्र आत्मा जो ग्रहण करा।

यूहन्ना 20:26

अट्ठां दिनां बाद यीशुये रे चेले फेरी भीं घरा च कट्ठे हुये, कने थोमा तिन्हांने सौगी था। (दरवाजे पर ताला लगीरा था।) यीशु आया कने तिन्हां च खढ़ी गया, कने तिन्हांजो गलाया, “तुहांजो शान्ति मिलो।”

यूहन्ना 3:17

काँह्भई परमेशरे अपणे पुत्रा जो संसारा च इस खातर नीं भेज्या भई सै संसारा रे लोकां जो सजा रा हुक्म देओ, पर इस खातर भेज्या भई संसारा रे लोक तिसरे जरिये छुटकारा पाओ।

प्रेरितां 1:2

तिस दिना तक तदुआं तका जे यीशुये जो परमेशर स्वर्गा च लेईने नीं गया। पर स्वर्ग जाणे ते पैहले तिने अपणे प्रेरितां जो तिन्हांजो जे तिने चुणया था पवित्र आत्मा रिया अगुवाईया ते हुक्म दित्या था।

प्रेरितां 1:8

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

2 तिमुथियुस 2:2

कने बौहत लोकां रे सामणे जो शिक्षायें तैं माहते सुणी रियां, तिन्हौं बफादार माहणुआं जो सौंपी दे सै जे दुज्यां जो बी सखाणे रे लायक हो।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

3 यूहन्ना 1:14

बल्कि हऊँ आशा कराँ भई मांह तेरले जल्दी औणा फेरी अहां आमणे-सामणे गल्ल-बात करनी।