यूहन्ना 20:19 - बिलासपुरी नौआं नियम

¹⁹ तिस त्वारा रे संजके बगता, सै जे हफ्ते रा पैहला दिन था, चेले यहूदी अगुवेयां रे डरा रे मारे दरवाजा बन्द करीने बैठिरे थे। तां यीशु तित्थी आईने तिन्हांरे बिच खड़ा हुईग्या, कने तिन्हांजो गलाया, “तुहांजो शान्ति मिलो।”

यूहन्ना 20:19 ပူးပေါင်းရင်းမြစ်များ

मत्ती 10:13

जे तिस घरा रे लोक लायक हुंगे तां तुहांरा आशीर्वाद तिन्हां रिया सौगी-सौगी हूणा, पर जे सै इसरे लायक नीं हुंगे तां तुहांरा आशीर्वाद तुहांले बापस आई जाणा।

मत्ती 18:20

काँह्भई तित्थी जे दो या तिन्न जणे मेरे नौआं पर परमेशरा ते सहायता खातर प्राथना करने जो कट्ठे हुआं ये, तित्थी हऊँ तिन्हारी सहायता करने खातर तिन्हारे बिच मौजूद आ।”

मरकुस 16:14

फेरी यीशु तिन्हां ग्याराँ चेलयां जो बी दुस्या, तंजे सै रोटी खाणे बैठिरे थे। तिने लोकां रे लगातार विश्वास करने जो नकारने कने ढिठाईया पर ल़ुहामा दित्या, काँह्भई तिन्हेंजे तिसजो मुड़दयां चते जिऊंदा हुणे ते बाद देख्या था, तिन्हें बी तिसरा विश्वास नीं कित्या।

यूहन्ना 14:27

हऊँ तुहांजो शान्ति देआं, तेढ़ी नीं, तिस तरिके री जे संसार देआं; पर हऊँ तुहांजो अपणी शान्ति देआं तिसते जे तुहांरा मन नांत घबराओ कने न डरो।

यूहन्ना 16:22

ठीक इयां इ हुण तुहांजो बी दुख हुणा: पर मांह तुहांजो फेरी मिलणा, कने तुहांरे दिल खुशियां ने भरी जाणे, कने तुहांजो तिसा खुशिया जो मनाणे ते कोई बी रोकी नीं सकदा।

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

यूहन्ना 20:21

यीशुये तिन्हांजो फेरी भीं गलाया तुहांजो शान्ति मिलो, तियां जे पिता परमेशरे मिन्जो संसारा च भेज्या तियां इ हऊँ बी तुहांजो संसारा च भेज्या रां।

यूहन्ना 20:26

अट्ठां दिनां बाद यीशुये रे चेले फेरी भीं घरा च कट्ठे हुये, कने थोमा तिन्हांने सौगी था। (दरवाजे पर ताला लगीरा था।) यीशु आया कने तिन्हां च खढ़ी गया, कने तिन्हांजो गलाया, “तुहांजो शान्ति मिलो।”

यूहन्ना 21:1

इन्हां गल्लां ते बाद तिबिरियास नदिया रे कण्डे (गलील समुद्रा रा दुज्जा नौं आ) यीशु चेलयां ले भीं ते आया। कने ये सब किछ इयां हुया भई;

यूहन्ना 21:14

मूईरयां चते जिऊंदा हुणे ते बाद ये तिज्जी बार यीशुये अपणया चेलयां जो दर्शण दित्या।

यूहन्ना 7:13

तां बी यहूदी अगुवेयां रे डरा रे मारे कोई बी माहणु तिसरे बारे च खुल्ही ने नीं बोल्ली पां था।

प्रेरितां 1:3

यीशुये रे दुख सैहणे कने क्रूसा पर लटकाये जाणे ते बाद कई सारे पक्कयां सबूतां ने अप्पूँजो प्रेरितां रे सामणे ज्यूंदा परगट कित्या, कने चाल़ियां दिनां तक सै तिन्हांजो दुसदा रैया, कने परमेशर माहणुआं पर कियां राज कराँ ये गल्लां दस्सियां।

रोमियो 15:33

शान्ति देणे औल़ा परमेशर तुहां सौगी रौ। आमीन।

1 कुरिन्थियों 15:5

कने मसीह कैफा जो कने फेरी बाराँ चेलयां जो दिखाई दित्या।

इफिसियां 2:14

यहूदी कने गैर-यहूदी अप्पूँ चियें इक्की दुज्जे ते नफरत कराँ थे कने लग हुईगरे थे; ठीक इयां तियां जे तिन्हांरे बिच कोई दवाल खढ़िरी हो। पर मसीहे नफरता रिया तिसा दवाल्ला जो गिराईत्या कने दुईं जो इक करील्या।

इफिसियां 6:23

परमेशर अहांरे पिता कने अहांरे प्रभु यीशु मसीह तुहां विश्वासियां जो शान्ति देओ कने तुहें इक्की दूये ने प्यार करो कने मसीह पर लगातार विश्वास करदे रौओ।

फिलिप्पियां 1:2

अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलदी रौ।

2 थिस्सलुनीकियां 3:16

हुण शान्ति देणे औल़ा प्रभु खुद तुहांजो हमेशा हर तरिके ने शान्ति देओ, प्रभु तुहां सब्बीं सौगी रौ।

इब्रानियों 7:2

इस्सो इ अब्राहमे कव्जा कित्ती रियां सारियां चिज़ां रा दशमांश बी दित्या, मेलिकिसिदक रा मतलबा न्याय रा राजा, कने फेरी शालेम रा राजा यनि शान्तिया रा राजा।

3 यूहन्ना 1:14

बल्कि हऊँ आशा कराँ भई मांह तेरले जल्दी औणा फेरी अहां आमणे-सामणे गल्ल-बात करनी।

प्रकाशितवाक्य 1:4

हऊँ यूहन्ना, ये आसिया प्रदेशा री सात्त कलीसियां जो लिख्या राँ: तिस परमेशरा रिया तरफा ते सै जे हाया, सै जे था, सै जे औणे औल़ा; कने तिन्हां सत्तां आत्मां रिया तरफा ते, सै जे तिसरे संघासणा रे सामणे इयां,