यूहन्ना 2:4 - बिलासपुरी नौआं नियम

⁴ यीशुये तिसाजो गलाया, “माता ये तू मिन्जो कां दस्या राईं? मेरा बगत हल्तिये नीं आईरा।”

यूहन्ना 2:4 ပူးပေါင်းရင်းမြစ်များ

मत्ती 15:28

फेरी यीशुये तिसाजो जबाब दित्या, “हे औरत तेरा विश्वास बड़ा बड्डा। सै जे तू चाँई, पूरा ओ।” कने तिस इ घड़ी तिसारी कुड़ी ठीक हुईगी।

मत्ती 8:29

सै दोन्नो अचानक यीशुये पर चिल्लान्दे हुए बोलणे लगे, “हे परमेशरा रे पुत्र, अहांते तुहांजो क्या काम्म आ? क्या तू अहांजो परमेशरा रे तैह कित्तिरे वगता ते पैहले सजा देईने तिसरी अवहेलना नीं करीरां?”

लूका 2:49

फेरी यीशुये तिन्हाजो गलाया, “तुहें मिन्जो कजो टोल़ी कराँ थे? क्या तुहांजो येढ़ा पता निआं भई मेरा अपणे पिता रे घरें हूणा जरूरी आ?”

यूहन्ना 12:23

पर यीशुये तिन्हांजो बोल्या, “सै वगत आई गरा भई माहणुये रे पुत्रा री महिमा हो।

यूहन्ना 13:1

फसह रे त्योहारा ते पैहले, यीशुये जाणील्या भई, सै बगत नेड़े आ ताहली जे तिस इस संसारा जो छड्डिने पिता परमेशरा लौ चली जाणा। तिने संसारा च सै जे तिसरे अपणे लोक थे कने सै जे तिसने प्यार कराँ थे, तिन्हांने बौहत सारा प्यार जताया।

यूहन्ना 2:3

ताहली जे दाखरस घटणे लगया, तां यीशुये रिये माते तिसजो गलाया, “इन्हांले हुण होर दाखरस निआं।”

यूहन्ना 20:13

तिन्हें तिसाजो पुच्छया, भैहण तू काँह रोया राईं? तिसे जबाब दित्या, सै मेरे प्रभुये रिया लाशा जो चक्की ने लई गये, कने पता मनी या भई तिन्हें तिस्सो किति रखीत्या?

यूहन्ना 20:15

यीशुये तिसाजो गलाया, “तू काँह रोया राईं? तू किस्सो टोल्या राईं?” ये सोची ने भई सै माली आ, तिसे यीशुये ने गलाया, जे तू यीशुये रिया लाशा जो चक्कीने लेई गरा तां मिन्जो दस्सी दे, तैं तिसजो किति रखीरा, मांह तिसा लाशी जो लई जाणा।

यूहन्ना 7:30

तिसरिया इसा गल्ला पर सै यीशुये जो गिरफ्तार करना चाहया, पर कोई बी तिसजो हात्थ नीं पाई सक्कया, काँह्भई तिसरा बगत हल्तियें नीं आईरा था।

यूहन्ना 7:6

फेरी तिने तिन्हांने गलाया, “तुहांरे खातर सारा बगत आ, पर हल्तियें तक मेरा सही बगत नीं आईरा।

यूहन्ना 7:8

तुहें त्योहारा च जावा; हऊँ हल्तियें इस त्योहारा च नीं जाई सकदा, काँह्भई हल्तियां तक मेरा बगत पूरा नीं हुईरा।”

यूहन्ना 8:20

ये गल्लां तिने मन्दरा रे अंगणा च उपदेश देन्दे हुये भण्डार घरा च बोल्ली, कने किन्हिये बी तिस्सो नीं पकड़या, काँह्भई तिसरे दुख सैहणे कने मरने रा बगत हल्तियें नीं आईरा था।

2 कुरिन्थियों 5:16

इस खातर हुण ते अहें किसी बी माहणुये रा न्याय संसारा रे नजरिये ने नीं करो। इक बगत था ताहली जे अहें मसीह रा न्याय बी संसारा रे नजरिये ने कित्या था। पर हुण अहें मसीह जो संसारा रिया नज़राँ ने नीं देखदे।