यूहन्ना 2:21 - बिलासपुरी नौआं नियम

²¹ पर अपणिया गल्ला च यीशुये तिस मन्दरा रा जे जिकर कित्या था सै तिसरा अपणा इ शरीर था।

यूहन्ना 2:21 ပူးပေါင်းရင်းမြစ်များ

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 2:22

पर ताहली जे सै मूईरयां चते भीं ते जिऊंदा हुया तां तिसरे चेलयां जो याद आया भई यीशुये येढ़ा बोलीरा था; कने तिन्हे पवित्रशास्त्र सै जे मसीह रे मरने ते बाद जिऊंदा हुणे रे बारे च दस्सां यीशुये रियां गल्लां पर विश्वास कित्या।

1 कुरिन्थियों 3:16

क्या तुहें नीं जाणदे भई तुहें परमेशरा रा मन्दर ये, कने परमेशरा रा आत्मा तुहां च वास कराँ।

1 कुरिन्थियों 6:19

क्या तुहें नीं जाणदे भई तुहांरा शरीर पवित्र आत्मा रा मन्दर आ; सै जे तुहां च बसीरा कने तुहांजो परमेशरा रिया तरफा ते मिलीरा? कने तुहें अपणे नींये,

2 कुरिन्थियों 6:16

परमेशरा रे मन्दरा रा मूर्तियां ने क्या नाता? काँह्भई अहें खुद तिस जीवित परमेशरा रे मन्दर ये; तियां जे परमेशरे पवित्रशास्त्रा च बोल्या, “माह तिन्हां लोकां च बसणा कने तिन्हां सौगी हमेशा रैहणा; कने हऊँ तिन्हांरा परमेशर हूणा कने सै मेरे लोक हुणे।”

कुलुस्सियां 1:19

काँह्भई पिता परमेशरा री खुशी इस ची भई परमेशरा रा सारा स्वाभाव मसीह च वास कराँ।

कुलुस्सियां 2:9

काँह्भई ताहली जे मसीह माहणुये रे रुपा च आया, तां बी सै पूरे तरिके ने परमेशर था।

इब्रानियों 8:2

कने सै जे महां पवित्र जगह कने स्वर्गा रे तिस सच्चे तम्बुये च सेवा कराँ तिस्सो जे किसी माहणुये नीं पर प्रभुये खड़ा कित्तिरा।