यूहन्ना 2:2 - बिलासपुरी नौआं नियम

² यीशु कने तिसरे चेले बी तिस ब्याह च न्यून्दा देईने सद्दीरे थे।

यूहन्ना 2:2 ပူးပေါင်းရင်းမြစ်များ

मत्ती 12:19

तिस कदीं नीं चिखणा नांई लड़ना, लोकां इसजो गल़ियां कुच्चयां च ऊच्चिया अवाज़ा च सखान्दे नीं सुणना।

मत्ती 25:40

फेरी राजे यनि मांह तिन्हाजो जबाब देणा, हऊँ तुहांजो सच्च बोलीराँ ताहली जे कदीं तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ कित्या हुंगा तां सै तुहें मेरे खातर बी कित्या।

मत्ती 25:45

फेरी मांह तिन्हांजो जबाब देणा, हऊँ तुहांजो सच्च बोलीराँ ताहली जे तुहें मांह पर विश्वास करने औल़े तिन्हांजो जे लोक खास नीं समझदे तिन्हां किसी इक्की खातर बी किछ नीं कित्या तां सै तुहें मेरे खातर बी नीं कित्या।

यूहन्ना 2:12

इसते बाद यीशु कने तिसरी माता, तिसरे भाई कने तिसरे चेले कफरनहूम नगरा जो गये कने तित्थी किछ दिन रुके।

यूहन्ना 2:17

फेरी तिसरे चेलयां जो याद आया भई पवित्रशास्त्रा च लिखिरा, “तेरे घरा खातर मेरा ये जनून मेरे अन्दर अग्गी साई भड़कां।”

यूहन्ना 2:22

पर ताहली जे सै मूईरयां चते भीं ते जिऊंदा हुया तां तिसरे चेलयां जो याद आया भई यीशुये येढ़ा बोलीरा था; कने तिन्हे पवित्रशास्त्र सै जे मसीह रे मरने ते बाद जिऊंदा हुणे रे बारे च दस्सां यीशुये रियां गल्लां पर विश्वास कित्या।

यूहन्ना 2:3

ताहली जे दाखरस घटणे लगया, तां यीशुये रिये माते तिसजो गलाया, “इन्हांले हुण होर दाखरस निआं।”

यूहन्ना 3:22

इसते बाद यीशु अपणे चेलयां सौगी यहूदिया प्रदेशा च आए; कने तित्थी सै तिन्हां सौगी रैईने लोकां जो बपतिस्मा देणे लगया।

यूहन्ना 4:2

यीशु खुद बपतिस्मा नीं देई करां था बल्कि ये काम्म तिसरे चेले करी रां थे,

यूहन्ना 4:33

इस पर तिसरे चेले अप्पूँ बाटियें इक दुज्जे ते पुछणे लगे, “क्या किन्हिये तिसजो खाणे खातर किछ लन्दीरा?”

यूहन्ना 4:8

काँह्भई तिसरे चेले तिस वगत नगरा च रोटी ल्यौणे गए थे।

यूहन्ना 6:12

ताहली जे सै रज्जीने खाई बैट्ठे तां तिने अपणे चेलयां जो गलाया, भई “जितने टुकड़े बचीरे, तिन्हांजो कट्ठा करी लो ताकि सै बेकार नीं जाओ।”

यूहन्ना 6:16

फेरी ताहली जे सांझ हुई, तां तिसरे चेले नदिया रे कण्डे गये,

यूहन्ना 6:60

इस खातर तिसरे चेलयां चते कईयें इन्हां गल्लां जो सुणीने गलाया, भई “ये शिक्षा त बौहत मुश्कल इ, इस पर कुण विश्वास करी सक्कां?”

यूहन्ना 6:66

इसा वजह ते यीशुये रे बौहत सारे चेले पिच्छे हटीगे कने तिन्हे यीशुये रा साथ देणा छडित्या।

यूहन्ना 6:67

फेरी यीशुये अपणे बारा चेलयां ने गलाया, “क्या तुहें बी जाणा चाँये?”

यूहन्ना 6:70

यीशुये तिन्हांजो जबाब दित्या, “क्या तुहां बाराँ जो मैंई नीं चुणीरा? फेरी भीं तुहां च इक माहणु शैतान रे वशा चा।”

यूहन्ना 6:71

सै शमौन इस्करियोति रे मुण्डुये यहूदा रे बारे च गल्ल करी रां था, काँह्भई सै यीशुये रा बरोधी बणीने तिस्सो धोखा देणे औल़ा था, काँह्भई सैई बाराँ चेलयां चते इक था।

यूहन्ना 6:8

तिसरे चेलयां चते शमौन पतरस रे भाई अन्द्रियासे तिसने गलाया,

यूहन्ना 7:3

इस खातर यीशुये रे भाईयें तिसजो गलाया, “तुहांजो ये जगह छड्डिने यहूदिया प्रदेशा च चली जाणा चाहिन्दा, ताकि तेरे चेले तेरे चमत्काराँ जो ऊत्थी बी देक्खी सक्को तिन्हांजे तू कराँ।

प्रेरितां 11:26

कने ताहली जे सै तिसने मिलया तां तिस्सो अन्ताकिया नगरा जो लैई आया; कने येढ़ा हुआ भई पौलुस कने बरनबास इक्की साल्ला तका कलीसिया ने सौगी मिलदे कने बौहती लोकां जो प्रभु यीशु मसीह रा उपदेश देन्दे रै; कने सब्बीं ते पैहले अन्ताकिया बिच लोकें चेलेयां जो मसीही बोल्या।

प्रेरितां 11:29

तां चेलयां ये फैसला कित्या भई सब अपणे-अपणे धना रे मुतावक यहूदिया प्रदेशा च रैहणे औल़े मसीह विश्वासिया रे खातर अपणिया सामर्थय रे मुतावक सहायता करें।

1 कुरिन्थियों 10:31

इस खातर तुहें चाये खाओ, चाये पीओ, चाये जो किछ करो, सब किछ परमेशरा रिया महिमा रे खातर करा।

1 कुरिन्थियों 7:39

तदुआं तक जे किसी जनाना रा पति ज्यूंदा, तदुआं तका सै तिसने बझीरी; पर जे तिसारा पति मरी जाओ तां सै तिसने जे चाओ तिसने ब्याह करी सक्कां इ, पर सै प्रभुये च विश्वास करने औल़ी हो।

कुलुस्सियां 3:17

वचना च या कम्मां च जो किछ बी करो सब प्रभु यीशुये रे नौआं ते करा, कने तिसरे इ जरिये हर बगत पिता परमेशरा जो धन्यवाद देन्दे रौआ।

इब्रानियों 13:4

ब्याह रा सब्बीं रे जरिये आदर हूणा चाहिन्दा, कने इक पति-पत्निया जो इक्की दूये रे इलावा किसी दुज्जे ने सम्बन्ध रखणा ठीक नींआ, काँह्भई परमेशर व्यभिचारियां, कने परस्त्रीगामियां रा न्याय करगा।

प्रकाशितवाक्य 3:20

देख, हऊँ दरवाजे पर खड़ीने भित ठल़काँ; जे कोई मेरी अवाज़ सुणी ने खोलगा, तां मांह अन्दर आईने तिसने सौगी रोटी खाणी कने तिस मेरे सौगी रोटी खाणी।