यूहन्ना 2:19 - बिलासपुरी नौआं नियम

¹⁹ फेरी यीशुये तिन्हांजो जबाब दित्या, भई “इस मन्दरा जो तोड़ी दो, मांज इस्सो तिन्नां दिनां च दोबारा बणाई देणा।”

यूहन्ना 2:19 ပူးပေါင်းရင်းမြစ်များ

मत्ती 12:40

कने तियां जे योना तिन्न दिन कने तिन्न रात तिस समुद्री जीबा रे पेट्टा च रैया था, तियां इ माहणुये रे पुत्रा यनि मांज बी तिन्न दिन तिन्न रात कब्रा़ रे अन्दर रैहणा।

मत्ती 16:21

तिस बगत यीशु अपणे चेलयां जो दसणे लगया, भई “मिन्जो यरूशलेम जाणा चाहिन्दा कने तित्थी यहूदी शास्त्रियां, बजुर्ग यहूदी नेतयां, कने मुखियायाजकां रे जरिये बड़ा दुख सहीने; मारया जाऊँ; फेरी तिज्जे दिन मूईरयां चा ते माह जिऊंदे हुई जाणा।”

मत्ती 27:40

कने बोलीराँ थे, “अरे मन्दरा जो ढाईने तिज्जे दिन भीं ते बनाणे औल़े, अप्पूँजो त बचा! जे तू परमेशरा रा पुत्र आ तां क्रूसा परा ते उतरी ने थल्ले औ।”

मत्ती 27:63

तिन्हे गलाया, “महांराज, अहांजो याद आ भई तिने झूठे ताहली जे सै जिऊंदा था, गलाया था, माह तिज्जे दिन ज्यून्दे हुई जाणा।

मरकुस 14:58

“अहें इस्सो ये बोलदे सुणीरा, ‘मांह इस हत्था रे बणाईरे मन्दरा जो रुढ़ाई देणा, कने तिन्नां दिनां च दुज्जा बनाणा, सै जे हत्था ते नीं बणीरा हो।’ ”

मरकुस 15:29

कने रस्ते च जाणे औल़यां सिर हिलाए कने तिसरा अपमान कित्या, “वाह! मन्दरा जो तोड़ने औल़े कने तिन्नां दिनां च बनाणे औल़े!

मरकुस 8:31

तां यीशु चेलयां जो सखाणे लगया भई माहणुये रे पुत्रा यनि मेरे खातर जरूरी आ भई सै बौहत दुख सहो, कने यहूदी बजुर्ग, कने मुखियेयाजकां, कने शास्त्रियां तिस्सो घटिया समझीने मारी देणा, कने तिस तिज्जे दिन मूईरयां चते भीं ते जिऊंदा हुई जाणा।

यूहन्ना 11:25

यीशुये तिसाने बोल्या, “हऊँ सै आ सै जे मूईरयां लोकां जो न्याय रे दिन जीवना च वापस लैई औवां; सै जे माह पर विश्वास कराँ, भले इ सै मरी जो, तिस जिऊंदा रैहणा,

यूहन्ना 5:19

इस पर यीशुये तिन्हांजो गलाया, “हऊँ तुहांजो सच्चाई दस्सां, भई पुत्र यनि हऊँ खुद अपणे आप किछ मनी करी सकदा, सै सिर्फ तियां कराँ तेढ़ा जे सै पिता परमेशरा जो करदे देक्खां; काँह्भई तिन्हां-तिन्हां कम्मां जो जे सै कराँ तिन्हांजो हऊँ पुत्र बी तियां इ कराँ।

प्रेरितां 2:24

पर तिस्सो इ परमेशरे मौता रे बन्धना ते छुड़ाईने ज्यूंदा कित्या; काँह्भई ये कदीं मनी हुई सकदा था भई सै तिसरे बशा च रैहंदा।

प्रेरितां 2:32

इस इ यीशुये जो परमेशरे जिऊंदा कित्या, तिसरे जे अहें सारे गवाह ये।

प्रेरितां 3:15

कने तुहें अनन्त जीवन देणे औल़े जो मारीत्या, तिस्सो जे परमेशरे मूईरेयां चते ज्यूंदा कित्या, कने अहें इसा गल्ला रे गवाह थे।

प्रेरितां 3:26

परमेशरे अपणे सेवका जो मूईरयां चते जिऊंदा करीने सब्बींते पैहले तुहांले भेज्या, भई तुहां चते हर इक्की माहणु अपणियां बुराईयां जो छड्डिने परमेशरा रिया तरफा जो फिरो ताकि आशीष पाओ।”

प्रेरितां 6:14

काँह्भई अहें तिस्सो येढ़ा बोलदे सुणीरा भई नासरत नगरा रे यीशुये इस मन्दरा जो रुढ़ाई देणा, कने तिन्हां रितियां जो बदली देणा सै जे मूसे अहांजो दित्ति रियां।”

रोमियो 4:24

बल्कि अहांरे खातर बी लिखया हुया था, काँह्भई अहें बी परमेशरा पर विश्वास करने रिया वजह ने धर्मिये रे रुपा च ग्रहण कित्ते जाणे, तिने जे अहांरे प्रभु यीशु मसीह जो मूईरआं चते जिऊंदा कित्या।

रोमियो 6:4

ताहली जे अहें बपतिस्मा लेआ था, तां अहें मसीह ने सौगी मारे गये थे कने गड्डे गये थे ताकि अहें इक नई जिन्दगी जी सक्को, तियां जे मसीह पिता परमेशरा रिया महिमा रे जरिये मूईरयां चते जिऊंदा हुया था।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

1 कुरिन्थियों 15:12

हुण जे मसीह रा ये प्रचार कित्या जां, भई मसीह मूईरयां चते ज्यूंदा हुईरा, तां तुहां चते कितणे कियां बोल्ली सक्कां ये, भई मूईरयां रा भीं ते जिऊंदा हूणा इ नींआ?

कुलुस्सियां 2:12

ताहली जे तुहें बपतिस्मा लेआ था, तां मसीह साई गड्डे गये थे कने मसीह साई तुहें जी उठे थे। ये इस खातर हुया काँह्भई परमेशरे अपणिया सामर्था रे जरिये मसीह जो मरने ते बाद जिऊंदा कित्या।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।