यूहन्ना 2:16 - बिलासपुरी नौआं नियम

¹⁶ कबूतर बेचणे औल़यां जो तिने गलाया, “इन्हांजो इत्थीते बाहर लेई जवा कने मेरे पिता रे घरा जो बजार मता बणान्दे।”

यूहन्ना 2:16 ပူးပေါင်းရင်းမြစ်များ

मत्ती 21:12

फेरी यीशुये परमेशरा रे मन्दरा च जाईने तिन्हां सारयां जो, सै जे तित्थी लेण-देण करी रां थे, बाहर कड्डित्या, कने पैसयां जो बदलने औल़यां री चौकियां मुन्धियां करी ती कने कबूतर बेचणे औल़यां रे आसण पलटीते;

मत्ती 21:13

कने तिन्हाने गलाया, “पवित्र शास्त्रा च लिखिरा, मेरा घर प्राथना रा घर हूणा; पर तुहें इसजो चोराँ रा अड्डा बणाईत्या।”

मत्ती 22:5

पर तिन्हें लोकें तिस पर कोई ध्यान नीं दित्या कने सै चलीगे : कोई अपणे खेता च काम्म करने जो चलिग्या, तां कोई अपणे काम्म धन्दे पर चलिग्या।

मरकुस 11:17

कने तिने उपदेश देईने तिन्हांजो गलाया, “क्या ये नीं लिखिरा भई मेरा घर सब्बीं जातियां रे लोकां खातर प्राथना रा घर हूणा? पर तुहें इस्सो चोराँ रे छिपणे री गुफा बणाई तरा।”

लूका 2:49

फेरी यीशुये तिन्हाजो गलाया, “तुहें मिन्जो कजो टोल़ी कराँ थे? क्या तुहांजो येढ़ा पता निआं भई मेरा अपणे पिता रे घरें हूणा जरूरी आ?”

यूहन्ना 10:29

तिन्हौं जे मेरे पिते, मिन्जो दित्तिरा, सै सबनीं ते खास ये कने कोई तिन्हाजो पिता रे हत्था ते गवाई नीं सकदा।

यूहन्ना 2:15

फेरी तिने रस्सियां रा कोड़ा बणाया कने सब्बीं जो बैलां कने भेड्डां समेत परमेशरा रे मन्दरा ते बाहरौ खदेड़ीत्या, सिक्कयां जो बदलने औल़े सौदागराँ रे सिक्के खन्डेरीने तिन्हांरियां चौकियां मुन्धियां करीने सट्टीतियां,

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

यूहन्ना 5:17

इस पर यीशुये तिन्हाजो गलाया, “मेरा पिता परमेशर कदीं काम्म बन्द नीं करदा, इस खातर हऊँ बी लगातार काम्म कराँ।”

यूहन्ना 8:49

यीशुये जबाब दित्या, “माह पर कोई बुरीआत्मा नीं: पर हऊँ त अपणे पिता रा आदर कराँ, कने तुहें मेरी बेज्जति कराँ ये।

1 तिमुथियुस 6:5

कने इक्की दूये ने नीं खत्म हुणे औल़े झगड़े, कने तिन्हांरी बुद्धि भ्रष्ट हुईगरी, कने सै सच्चाईया जो नीं समझी सकदे, सै समझां ये भई परमेशरा री सेवा करना इ अमीर हुणे रा जरिया।

2 पतरस 2:3

सै बौहत लालची हुणे कने तुहांते पैसा लेणे रे खातर अपणी मन-घड़न्त कहाणियां सुणाईने तुहांजो धोखा देणा। परमेशर बौहत पैहले ते ये तैह करी चुक्कीरा भई तिस तिन्हांजो सजा देणी कने सै ये करने खातर त्यार आ। तिस पक्का तिन्हांरा नाश करना।