यूहन्ना 19:6 - बिलासपुरी नौआं नियम

⁶ मुखियायाजकें कने मंदरा रे पैहरेदारें तिस्सो देखदे इ रौल़ा पाया, कने बोल्या, “इस्सो क्रूसा पर चढ़ाओ! इस्सो क्रूसा पर चढ़ाओ!” पिलातुसे तिन्हांने बोल्या, इस्सो तुहें इ लईजो कने क्रूसा पर चढ़ाओ, हऊँ इसच कोई खोट नीं पान्दा।

यूहन्ना 19:6 ပူးပေါင်းရင်းမြစ်များ

मत्ती 26:58

पतरस तिसते दूर-दूर रैईने तिसते पिच्छे-पिच्छे महायाजका रे अंगणा तक चलीया, कने अन्त देखणे जो तित्थी पैहरेदाराँ सौगी तिन्हांरे बिच बैठीया।

मत्ती 27:22

तां पिलातुसे तिन्हांते पुच्छया, “फेरी यीशुये जो, सै जे मसीह कहलाया जां, तिसरा क्या करूँ?” सारयां तिसने बोल्या, “इस्सो क्रूसा पर चढ़ाओ।”

मत्ती 27:24

ताहली जे पिलातुसे देख्या भई हुण कोई फैदा निआं कने दंगा भड़कदा इ चली रा था, तां तिने थोड़ा पाणी लेआ कने भीड़ा रे सामणे अपणे हात्थ धोये कने गलाया, “हऊँ इस धर्मी माहणुये रे खून्ना ते निर्दोष आ, तुहें इ जाणा।”

लूका 23:4

फेरी पिलातुस मुखियायाजकां कने लोकां खा मुड़ीने गलाया, “मिन्जो इस माहणुये च कोई बी दोष नीं दिखदा।”

यूहन्ना 18:3

तांई यहूदा, अपणे सौगी रोमी सेना रे हथियारा औल़े माहणुआं, कने मुखियायाजकें कने फरीसियां रे भेजीरे सपाईयां जो मशालां कने हथियाराँ समेत लईने, तित्थी आईग्या।

यूहन्ना 18:31

पिलातुसे तिन्हांजो गलाया, “तुहें लोक इसजो लईजो कने अपणिया व्यवस्था रे मुतावक इसरा न्याय करा।” यहूदी अगुवेयां तिस्सो जबाब दित्या, “अहांले किसी जो मारने रा कोई अधिकार नींआ।”

यूहन्ना 18:38

पिलातुसे तिस्सो पुच्छया, सच्च क्या? कने ये बोलीने, पिलातुस बाहर आईने यहूदी अगुवेयां ले गया, कने तिन्हांने बोल्या हऊँ तिसच कोई खोट नीं कड्डी सक्कया।

यूहन्ना 19:15

फेरी सै रड़ाये, इस्सो लेई जावा, इस्सो मारी देवा, कने इस्सो क्रूसा पर चढ़ाओ! पिलातुसे तिन्हांजो बोल्या, क्या तुहें चाँह ये भई हऊँ तुहांरे राजे जो क्रूसा पर चढ़ाऊं? इस पर मुखियायाजकें जबाब दित्या, कैसरा जो छड्डिने अहांरा कोई दुज्जा राजा निआं।

यूहन्ना 19:4

पिलातुस इक बार भीं मैहला ते बाहर आया कने लोकां ने बोल्या, देक्खा, हऊँ तिस्सो तुहां लोकां रे सामणे बाहर ल्याया रां, तिसते जे तुहें ये जाणी लो भई मिन्जो तिसच कोई खोट नीं मिल्या।

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।