यूहन्ना 19:42 - बिलासपुरी नौआं नियम

⁴² कने सै कब्र बौहत नेड़े थी, इस खातर तिन्हे यीशुये रिया लाशा जो तिसच रखीत्या। कने ये यहूदियां रा विस्रामा रिया त्यारिया रा दिन था,

यूहन्ना 19:42 ပူးပေါင်းရင်းမြစ်များ

मत्ती 12:40

कने तियां जे योना तिन्न दिन कने तिन्न रात तिस समुद्री जीबा रे पेट्टा च रैया था, तियां इ माहणुये रे पुत्रा यनि मांज बी तिन्न दिन तिन्न रात कब्रा़ रे अन्दर रैहणा।

यूहन्ना 19:14

ये फसह रे त्योहारा रे हफ्ते रिया त्यारिया रा दिन था। ये तकरीवन दोपैहरयां री गल्ल इ। पिलातुसे यहूदी लोकां ने बोल्या, देक्खा, ये रैया तुहांरा राजा।

यूहन्ना 19:20

बौहत सारे यहूदी लोकें तिस दोष पत्रा जो पढ़या, काँह्भई तित्थी जे यीशुये जो क्रूसा पर लटकाया था, सै जगह यरूशलेम नगरा ते नेड़े थी, कने ये पत्र यूनानी, लतीनी कने इब्रानी भाषा च लिखिरा था।

यूहन्ना 19:31

हुण ये त्यारिया रा दिन था कने अगले दिन फसह रा कने विस्राम रा दिन दोन्नों इ थे। ये यहूदी लोकां रे खातर इक खास दिन था कने सै नीं चाहन्दे थे भई इस दिन किसी रा बी शरीर क्रूसा पर लटकीरा रौ। इस खातर यहूदियें पिलातुस ने विनती कित्ती भई तिन्हांरियां लत्तां तोड़ी दित्तियां जाओ ताकि तिन्हांरी मौत छोड़ हुईजो कने तिन्हांरे शब क्रूसा परा ते थल्ले उतारे जाई सक्को।

यूहन्ना 19:41

तिस जगह पर जे यीशुये जो क्रूसा पर चढ़ाईरा था, तिसरे नेड़े इक बाग बी था। कने तिस बागा च इक नौंईं कब्र थी, तिसच जे कदीं किसी रिया लाशा जो नीं रखीरा था।

प्रेरितां 13:29

कने ताहली जे तिन्हें यीशु मसीह रे बारे पवित्रशास्त्रा च लिखी रियां सब गल्लां पूरियां कित्तियां, तां तिस्सो क्रूसा पर मेखां गड्डीने मारया कने क्रूसा ते उतारी ने कब्रा च रखया।

1 कुरिन्थियों 15:4

कने गड्डया गया; कने पवित्रशास्त्रा रे मुतावक तिज्जे दिन जी उट्ठया,

कुलुस्सियां 2:12

ताहली जे तुहें बपतिस्मा लेआ था, तां मसीह साई गड्डे गये थे कने मसीह साई तुहें जी उठे थे। ये इस खातर हुया काँह्भई परमेशरे अपणिया सामर्था रे जरिये मसीह जो मरने ते बाद जिऊंदा कित्या।