यूहन्ना 19:35 - बिलासपुरी नौआं नियम

³⁵ तिने माहणुये जे ये गल्लां हुन्दे हुये देखियां, तिने इ इस बारे च गवाही दित्ति, ताकि तुहें बी यीशुये पर विश्वास करी सक्को। तिसरी ये गवाही सच्ची, कने सै जाणाँ भई तिने सच्च बोल्या।

यूहन्ना 19:35 ပူးပေါင်းရင်းမြစ်များ

यूहन्ना 11:15

कने हऊँ तुहांरिया वजह ने फैदे च रैया भई हऊँ तित्थी नीं था; काँह्भई हुण तुहें मांह पर विश्वास करी सक्को। औआ हुण अहें तिसलौ चलिये।”

यूहन्ना 11:42

हऊँ जाणा भई तू सदा मेरी सुणा, पर सै जे भीड़ चऊँ पासयां खढ़िरी थी, ये तिन्हां रिया वजह ते मैं तिन्हांरे खातर ऊच्चिया अवाजा च बोल्या, तिसते जे सै ये विश्वास करी सक्को भई तैं मिन्जो भेज्जिरा।”

यूहन्ना 14:29

ये सब गल्लां हुणे ते पैहले इ मैं तुहां दस्सीत्या काँह्भई ताहली जे ये गल्लां पूरियां हुणे लगो तां तुहां मांह पर विश्वास करना।

यूहन्ना 15:27

कने तुहांजो बी मेरे बारे च दुज्यां जो दसणा चाहिन्दा काँह्भई तुहें शुरु ते ही मेरने सौगी रै।

यूहन्ना 19:26

तंजे यीशुये अपणी माता कने अपणे प्यारे चेले जो तित्थी खढ़िरे देख्या, तां अपणिया माता ने बोल्या, “माता, ये तेरा पुत्र आ।”

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

यूहन्ना 21:24

ये सैई चेला सै जे इन्हां सारियां गल्लां रा गवाह कने तिने जे ये गल्लां लिखियां; अहें जाणाँ ये भई तिसरी गवाही सच्ची।

प्रेरितां 10:39

“अहें तिन्हां कम्मां रे गवाह ये; सै जे तिन्हें यहूदिया रे प्रदेशा कने यरूशलेम नगरा च बी कित्ते, कने यहूदी अगुवेयां यीशुये जो लकड़िया रे क्रूसा पर लटकाईने मारीत्या।

रोमियो 15:4

हर गल्ल सै जे पवित्रशास्त्रा च पैहले ते लिखिरी, सै अहांजो शिक्षा देणे खातर थी भई सै तसल्ली कने हिम्मत जे अहांजो पवित्रशास्त्रा ते मिलाँ इ, अहें तिसते आशा पाई सक्को।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 यूहन्ना 5:13

परमेशरा रे पुत्रा पर विश्वास रखणे औल़यो, ये गल्लां तुहांजो हऊँ इस खातर लिखिराँ तिसते जे तुहें ये जाणी लो, भई अनन्त जीवन तुहांरा।

3 यूहन्ना 1:12

कलीसिया रे सारे लोक बोलां ये भई दिमेत्रियुस इक खरा माहणु आ; काँह्भई सै सच्चाईया रे मुतावक जीवन जीआं। अहें बी बोलां ये भई सै इक खरा माहणु आ कने तू जाणाँ भई सै जे अहें बोलां ये सै सच्च आ।