यूहन्ना 19:31 - बिलासपुरी नौआं नियम

³¹ हुण ये त्यारिया रा दिन था कने अगले दिन फसह रा कने विस्राम रा दिन दोन्नों इ थे। ये यहूदी लोकां रे खातर इक खास दिन था कने सै नीं चाहन्दे थे भई इस दिन किसी रा बी शरीर क्रूसा पर लटकीरा रौ। इस खातर यहूदियें पिलातुस ने विनती कित्ती भई तिन्हांरियां लत्तां तोड़ी दित्तियां जाओ ताकि तिन्हांरी मौत छोड़ हुईजो कने तिन्हांरे शब क्रूसा परा ते थल्ले उतारे जाई सक्को।

यूहन्ना 19:31 ပူးပေါင်းရင်းမြစ်များ

मत्ती 27:62

अगले दिन ताहली जे शुक्रवार बीतिग्या, तां मुखियायाजक कने फरीसी पिलातुसा ने मिले।

मरकुस 15:42

तिस दिन जे यीशुये जो क्रूसा पर चढ़ाया गया सै त्यारिया रा दिन था, तिसरा मतलब था भई विस्राम रे दिना ते पैहले रा दिन, कने यहूदी रीति रिवाजा रे मुताबक तिसा राति रे शुरु हुन्दे इ सै काम्म नीं करी सकदे। इस खातर ताहली जे सूरज तकरीवन घरीग्या,

यूहन्ना 19:1

फेरी पिलातुसे सिपाईयां जो हुक्म दित्या भई यीशुये जो लेई जो कने तिस्सो कोड़े मरा।

यूहन्ना 19:14

ये फसह रे त्योहारा रे हफ्ते रिया त्यारिया रा दिन था। ये तकरीवन दोपैहरयां री गल्ल इ। पिलातुसे यहूदी लोकां ने बोल्या, देक्खा, ये रैया तुहांरा राजा।

यूहन्ना 19:42

कने सै कब्र बौहत नेड़े थी, इस खातर तिन्हे यीशुये रिया लाशा जो तिसच रखीत्या। कने ये यहूदियां रा विस्रामा रिया त्यारिया रा दिन था,