यूहन्ना 19:29 - बिलासपुरी नौआं नियम

²⁹ तित्थी सिरके ने भरीरा इक बरतण रखीरा था। इस खातर तिन्हें सपंजा जो सिरके च डबोया, कने जूफा रे डाल़ा रा डन्डा लेईने तिस पर रक्खीने यीशुये रे मुँआं ने लाया।

यूहन्ना 19:29 ပူးပေါင်းရင်းမြစ်များ

मत्ती 27:34

तिन्हे यीशुये जो मुर्र नौआं री दवाई अंगूरी रसा च पीणे जो दित्ति, पर ताहली जे यीशुये सै चख्या तां तिने तिस्सो पीणे जो मना करित्या।

मत्ती 27:48

फेरी तिन्हां चते इक माहणु छोड़चा ने दौड़ीने सिरके च चोक्कीरा कपड़ा सरकन्डे पर टंगाईने ल्याया कने सै यीशुये जो चुसणे जो दित्या।

मत्ती 27:50

यीशुये फेरी भीं ते इक बार जोरा ने हाक पाई कने अपणा प्राण परमेशरा जो देईने मरया।

मरकुस 15:36

कने तिन्हां लोकां चते इक माह्णु दौड़ीने गया कने स्पंज लेईने सिरके च डबोया, कने बैंझा रिया सोट्ठिया पर रखीने तिस्सो चुसाया कने गलाया, “रुकी जाओ, देक्खां ये, एलिय्याह तिस्सो उतारने खातर औआं कि नीं औन्दा।”

लूका 23:36

सपाईयें बी यीशुये रा मजाक बणाया कने तिस्सो पीणे खातर पाणिये रिया जगह सिरका दित्या।