यूहन्ना 19:28 - बिलासपुरी नौआं नियम

²⁸ इसते बाद तंजे यीशुये जो पता लगीग्या भई तिसरा सारा काम्म पूरा हुईग्या, इसी खातर बी भई पवित्रशास्त्रा री गल्ल पूरी हो तिने बोल्या, मिन्जो ध्याय लगीरी,

यूहन्ना 19:28 ပူးပေါင်းရင်းမြစ်များ

लूका 12:50

पर औणे औल़े दिनां च मिन्जो कष्टां येढ़े डुबोई देणा तियां जे बपतिस्मे च पाणी माहणुये जो डुबोई देआं, कने तदुआं तक जे सै पूरा नीं हुई जान्दा, तदुआं तक मेरा मन बड़ा व्याकुल रैहणा।

लूका 18:31

फेरी यीशुये अपणे बारा चेलयां जो सौगी लेईने तिन्हाजो गलाया, “अहें यरूशलेम जाई रायें, कने जितणियां गल्लां जे माहणुये रे पुत्रा रे खातर भविष्यवक्तयां रे जरिये लिखी रियां सै सब पूरी हुणियां।

लूका 22:37

काँह्भई हऊँ तुहांजो दस्सां भई पवित्रशास्त्रा च सै जे लिखिरा : तिस्सो अपराधियां ने सौगी गिणया गया, ये मेरे बारे च कित्ती री भविष्यवाणी थी, हुण तिसारा मांह् च पूरा हूणा जरूरी आ; काँह्भई मेरे बारे च सै जे किछ लिखिरा, सै सब किछ पूरा हूणा।”

लूका 9:31

सै तेजोमय दिस्या कराँ थे कने परमेशरा री इच्छा पूरी करने खातर यरूशलेम च यीशुये रे मरने री गल्लां करी कराँ थे।

यूहन्ना 13:1

फसह रे त्योहारा ते पैहले, यीशुये जाणील्या भई, सै बगत नेड़े आ ताहली जे तिस इस संसारा जो छड्डिने पिता परमेशरा लौ चली जाणा। तिने संसारा च सै जे तिसरे अपणे लोक थे कने सै जे तिसने प्यार कराँ थे, तिन्हांने बौहत सारा प्यार जताया।

यूहन्ना 17:4

सै जे काम्म तैं मिन्जो करने जो दित्तिरे थे, तिन्हां सब्बीं जो पूरा करीने, संसारा च मैं तेरी महिमा कित्ती।

यूहन्ना 18:4

फेरी यीशु तिन्हां सारियां गल्लां जो सै जे तिस सौगी हुणे औल़ियां थिआं जाणीने अग्गे बधया कने सिपाईयां ते पुच्छणे लगया, “तुहें किस्सो टोले रायें?”

यूहन्ना 19:24

इस खातर सिपाईयें इक्की दूये ने बोल्या, भई अहां इस्सो फाड़ना निआं, पर इस पर पर्चियां पाईने तिसरा जे नौं निकलगा तिस जोई मिलणा। काँह्भई पवित्रशास्त्रा च सै जे लिख्या गईरा सै पूरा हुईजो, तिन्हें मेरे कपड़े बी अप्पूँ चियें बंडी ले, कने मेरे कुरते खातर पर्चियां पाईयां। सिपाईयें ठीक येढ़ा इ कित्या।

यूहन्ना 19:30

फेरी तंजे यीशुये तिसजो चखीने बोल्या भई “सब किछ पूरा हुआ।” तां तिने अपणा सिर थल्ले खौ कित्या कने प्राण छड्डीते।

यूहन्ना 19:36

ये इस खातर हुआ भई, पवित्रशास्त्रा च लिखिरा वचन पूरा हुई जाओ, “तिसरी कोई बी हड्डी नीं टुटणी।”

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

प्रेरितां 13:29

कने ताहली जे तिन्हें यीशु मसीह रे बारे पवित्रशास्त्रा च लिखी रियां सब गल्लां पूरियां कित्तियां, तां तिस्सो क्रूसा पर मेखां गड्डीने मारया कने क्रूसा ते उतारी ने कब्रा च रखया।