यूहन्ना 19:24 - बिलासपुरी नौआं नियम

²⁴ इस खातर सिपाईयें इक्की दूये ने बोल्या, भई अहां इस्सो फाड़ना निआं, पर इस पर पर्चियां पाईने तिसरा जे नौं निकलगा तिस जोई मिलणा। काँह्भई पवित्रशास्त्रा च सै जे लिख्या गईरा सै पूरा हुईजो, तिन्हें मेरे कपड़े बी अप्पूँ चियें बंडी ले, कने मेरे कुरते खातर पर्चियां पाईयां। सिपाईयें ठीक येढ़ा इ कित्या।

यूहन्ना 19:24 ပူးပေါင်းရင်းမြစ်များ

मत्ती 27:35

फेरी तिन्हे तिस्सो क्रूसा पर चढ़ाईत्या, कने पर्चियां पाईने तिसरे कपड़े बन्डी ले,

मरकुस 15:24

तां तिन्हें तिस्सो क्रूसा पर चढ़ाया कने तिसरे चोल़े रे खातर पर्चियां पाईयां, भई किस जो क्या मिलो, तिस्सो बन्डील्या।

लूका 23:34

यीशुये गलाया, “पिता जी, इन्हांजो माफ कर, काँह्भई ये नीं जाणदे भई ये क्या करी रायें।” फेरी सपाईयें पर्चियां पाईने अप्पूँ चियें तिसरे कपड़यां रा बन्डवारा कित्या।

यूहन्ना 10:35

जे परमेशरे तिस्सो ईश्वर बोल्या तिन्हाले जे परमेशरा रा बचन पुज्जया (कने पवित्रशास्त्रा री गल्ल झूट्ठ नीं हुई सकदी),

यूहन्ना 13:18

हऊँ तुहां सब्बीं रे बारे च येढ़ा नीं बोल्या करदा; मिन्जो मेरयां चेलयां रा पता, काँह्भई मैं तुहांजो चुणीलरा, पर ये इस खातर हुईरां भई पवित्रशास्त्रा च सै जे लिखिरा सै पूरा हुई जाओ, तिने जे मित्र हुईने मेरे सौगी रोटी खाद्दि सै मेरा दुश्मण बणीग्या।

यूहन्ना 19:28

इसते बाद तंजे यीशुये जो पता लगीग्या भई तिसरा सारा काम्म पूरा हुईग्या, इसी खातर बी भई पवित्रशास्त्रा री गल्ल पूरी हो तिने बोल्या, मिन्जो ध्याय लगीरी,

प्रेरितां 13:27

काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।