यूहन्ना 19:23 - बिलासपुरी नौआं नियम

²³ तंजे सिपाईयें यीशुये जो क्रूसा पर लटकाईत्या, तां चऊँ सिपाईयें तिसरे कपड़े अप्पूँ चियें चऊँ हिस्यां च बंडी ले। इक्की सपाईये खातर इक हिस्सा था, तिने तिसरा चोल़ा बी त्वारील्या काँह्भई सै उपरा ते थल्ले तकौ बिणा किसी सलाई देईने बुणीरा था।

यूहन्ना 19:23 ပူးပေါင်းရင်းမြစ်များ

मत्ती 27:35

फेरी तिन्हे तिस्सो क्रूसा पर चढ़ाईत्या, कने पर्चियां पाईने तिसरे कपड़े बन्डी ले,

मरकुस 15:24

तां तिन्हें तिस्सो क्रूसा पर चढ़ाया कने तिसरे चोल़े रे खातर पर्चियां पाईयां, भई किस जो क्या मिलो, तिस्सो बन्डील्या।

लूका 23:34

यीशुये गलाया, “पिता जी, इन्हांजो माफ कर, काँह्भई ये नीं जाणदे भई ये क्या करी रायें।” फेरी सपाईयें पर्चियां पाईने अप्पूँ चियें तिसरे कपड़यां रा बन्डवारा कित्या।

प्रेरितां 12:4

हेरोदेस राजे पतरसा जो पकड़ीने जेलखान्ने च पाया, कने चार-चार सपाहियां जो चऊँ बगता ते पैहरे पर रखया; येढ़ा सोच्चीने भई फसहा रे त्योहारा ते बाद तिस्सो लोकां रे सामणे न्याय कित्या जाओ।