यूहन्ना 18:4 - बिलासपुरी नौआं नियम

⁴ फेरी यीशु तिन्हां सारियां गल्लां जो सै जे तिस सौगी हुणे औल़ियां थिआं जाणीने अग्गे बधया कने सिपाईयां ते पुच्छणे लगया, “तुहें किस्सो टोले रायें?”

यूहन्ना 18:4 ပူးပေါင်းရင်းမြစ်များ

मत्ती 16:21

तिस बगत यीशु अपणे चेलयां जो दसणे लगया, भई “मिन्जो यरूशलेम जाणा चाहिन्दा कने तित्थी यहूदी शास्त्रियां, बजुर्ग यहूदी नेतयां, कने मुखियायाजकां रे जरिये बड़ा दुख सहीने; मारया जाऊँ; फेरी तिज्जे दिन मूईरयां चा ते माह जिऊंदे हुई जाणा।”

मत्ती 26:2

“तुहें लोक जाणाँ ये भई दुईं दिनां बाद फसह रा त्योहार आ, कने माहणुये रा पुत्र क्रूसा पर चढ़ाये जाणे खातर पकड़वाया जाणा।”

मत्ती 26:21

ताहली जे सै रोटी खाईराँ थे तां तिने गलाया, “हऊँ सच-सच बोलां भई तुहां चते इक्की हऊँ धोखे ने पकड़वाणा।”

मत्ती 26:31

फेरी यीशुये तिन्हांने गलाया, “आज्ज राति जो तुहां सारयां रा माह परा ते विश्वास टुटी जाणा, काँह्भई पवित्रशास्त्रा च लिखिरा : माह चरवाहा मारना, कने भेड्डां बिखरी जाणियां।

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 13:1

फसह रे त्योहारा ते पैहले, यीशुये जाणील्या भई, सै बगत नेड़े आ ताहली जे तिस इस संसारा जो छड्डिने पिता परमेशरा लौ चली जाणा। तिने संसारा च सै जे तिसरे अपणे लोक थे कने सै जे तिसने प्यार कराँ थे, तिन्हांने बौहत सारा प्यार जताया।

यूहन्ना 13:11

यीशु जाणा था भई तिस्सो पकड़वाणे औल़ा कुण आ, इसा वजह ने तिने बोल्या, भई तुहें सारे शुद्ध नींये।

यूहन्ना 18:5

तिन्हें यीशुये जो जवाब दित्या, नासरत नगरा रे यीशुये जो। यीशुये तिन्हांजो गलाया, “सै हऊँ आ।” तित्थी यहूदा खढ़िरा था, तिने जे तिस्सो धोखा दित्या।

यूहन्ना 18:7

यीशुये तिन्हांजो फेरी भीं पुच्छया, “तुहें किस्सो टोले रायें?” तिन्हें तिस्सो जवाब दित्या, नासरत रे यीशुये जो।

यूहन्ना 19:28

इसते बाद तंजे यीशुये जो पता लगीग्या भई तिसरा सारा काम्म पूरा हुईग्या, इसी खातर बी भई पवित्रशास्त्रा री गल्ल पूरी हो तिने बोल्या, मिन्जो ध्याय लगीरी,

यूहन्ना 6:64

पर तुहां च येढ़े कितणे लोक ये, सै जे विश्वास नीं करदे।” काँह्भई यीशु पैहले तेई जाणाँ था भई सै जे विश्वास नीं करदे, सै कुण ये; कने मिन्जो पकड़वाणे औल़ा कुण आ?

प्रेरितां 2:28

तैं मिन्जो जीवना रा रस्ता दस्सीरा; तू मिन्जो अपणे दर्शणा री खुशिया ने भरी देणा।’

1 पतरस 4:1

इस खातर ताहली जे भई मसीहे अपणे शरीरा च दुख सैया, तां तुहें बी हथियारा साई तिसा मनसा जो धारण करा, काँह्भई तिने जे शरीरा च दुख सैईरा, तिने पापां जो त्यागी तरा।