यूहन्ना 18:32 - बिलासपुरी नौआं नियम

³² ये इस खातर हुआ भई यीशुये री ये बोल्ली रियां गल्लां सच्च साबित हुईजो तिन्हांरे जरिये जे तिने संकेत दित्या था भई तिसरी मौत किस तरीके री हुणी।

यूहन्ना 18:32 ပူးပေါင်းရင်းမြစ်များ

मत्ती 20:19

कने मिन्जो अन्यजातियां रे हवाले कित्या जाणा, भई सै मेरा मजाक डवाओ, कने कोड़े मारो, कने मिन्जो क्रूसा पर चढ़ाओ, कने मांह तिज्जे दिन मूईरयां ते जिऊंदा हुई जाणा।”

मत्ती 26:2

“तुहें लोक जाणाँ ये भई दुईं दिनां बाद फसह रा त्योहार आ, कने माहणुये रा पुत्र क्रूसा पर चढ़ाये जाणे खातर पकड़वाया जाणा।”

मरकुस 10:33

“देक्खा, अहें यरूशलेम जो जाया रायें, कने माहणुये रा पुत्र यनि हऊँ मुखियायाजकां कने यहूदी शास्त्रियां रे हत्थां पकड़वाया जाणा, कने तिन्हां तिस्सो मारने लायक ठैहराणा, कने अन्यजातियां रे हात्था च देणा।

यूहन्ना 10:31

फेरी यहूदियें तिसजो मारने खातर दोबारा पत्थर चक्के।

यूहन्ना 10:33

यहूदियें तिस्सो जबाब दित्या, “भलाईया रे कम्मां खातर अहें तिज्जो पत्थर नीं मारया करदे पर परमेशरा री निंध्या करने रिया बजह ने; कने इस खातर भई तू माहणु हुईने अप्पूँजो परमेशर बणाईराँ।”

यूहन्ना 13:18

हऊँ तुहां सब्बीं रे बारे च येढ़ा नीं बोल्या करदा; मिन्जो मेरयां चेलयां रा पता, काँह्भई मैं तुहांजो चुणीलरा, पर ये इस खातर हुईरां भई पवित्रशास्त्रा च सै जे लिखिरा सै पूरा हुई जाओ, तिने जे मित्र हुईने मेरे सौगी रोटी खाद्दि सै मेरा दुश्मण बणीग्या।

यूहन्ना 18:31

पिलातुसे तिन्हांजो गलाया, “तुहें लोक इसजो लईजो कने अपणिया व्यवस्था रे मुतावक इसरा न्याय करा।” यहूदी अगुवेयां तिस्सो जबाब दित्या, “अहांले किसी जो मारने रा कोई अधिकार नींआ।”

यूहन्ना 21:19

यीशुये ये दसणे खातर गलाया, भई पतरसा कियां मरना कने तिसरे मरने ते परमेशरा री महिमा कियां हूणी। येढ़ा गलाई ने यीशुये तिस्सो बोल्या, औ मेरा चेला बण।

यूहन्ना 3:14

कने तियां जे मूसे सुनसान जगह च पितल़ी रे बणीरे सर्पा जो ऊच्चिया ठारी टंगाया, तियां इ मेरा यनि माहणुये रे पुत्रा रा ऊच्चिया ठारी टंगया जाणा बी जरूरी आ;

यूहन्ना 8:28

फेरी यीशुये गलाया, “ताहली जे तुहें लोक माहणुये रे पुत्रा जो यनि मिन्जो ऊच्चिया ठारी चढ़ांगे, तां जाणगे भई हऊँ सैई आ; कने हऊँ अपणिया तरफा ते किछ नीं करदा, पर तियां जे मेरे पिता परमेशरे मिन्जो सखाईरा, हऊँ तियां इ ये गल्लां बोलां।

प्रेरितां 7:59

सै स्तिफनुसा पर पत्थर मारदे रै, कने सै येढ़ा बोलीने प्राथना करदा रैया, “हे प्रभु यीशु, मेरी आत्मा जो लईले।”

गलातियां 3:13

मसीह अहांरे खातर शरापित हुणे रे जरिये तिने अहांजो व्यवस्था रे शरापा ते छडवाया, तियां जे पवित्रशास्त्र बोला: “हर कोई सै जे लकड़ा पर टंगाया जां, शापित आ।”