यूहन्ना 18:30 - बिलासपुरी नौआं नियम

³⁰ तिन्हें जबाब दित्या, “जे ये अपराधी नीं हुंदा, तां अहें इस्सो तेरे हवाले नीं करदे।”

यूहन्ना 18:30 ပူးပေါင်းရင်းမြစ်များ

मरकुस 10:33

“देक्खा, अहें यरूशलेम जो जाया रायें, कने माहणुये रा पुत्र यनि हऊँ मुखियायाजकां कने यहूदी शास्त्रियां रे हत्थां पकड़वाया जाणा, कने तिन्हां तिस्सो मारने लायक ठैहराणा, कने अन्यजातियां रे हात्था च देणा।

मरकुस 15:3

मुखियायाजक तिस परा मतियां गल्लां रा दोष लगाये राँ थे।

लूका 24:7

भई, माहणुये रे पुत्रा जो यनि मिन्जो पापियां रे हत्थें पकड़वाया जाणा, फेरी सै क्रूसा पर लटकाया जाणा, कने तिज्जे दिन तिस फेरी भीं ते जिऊंदे हुई जाणा, ये सब जरूरी आ?”

यूहन्ना 18:29

इस खातर राजपाल पिलातुस बाहर आईने तिन्हांने मिलया कने बोल्या, “इस माहणुये रा क्या दोष आ?”

यूहन्ना 18:31

पिलातुसे तिन्हांजो गलाया, “तुहें लोक इसजो लईजो कने अपणिया व्यवस्था रे मुतावक इसरा न्याय करा।” यहूदी अगुवेयां तिस्सो जबाब दित्या, “अहांले किसी जो मारने रा कोई अधिकार नींआ।”

यूहन्ना 19:12

ये सुणीने पिलातुस यीशुये जो छडणे री होर बी कोशिश करने लगया। यहूदी लोक चिखणे इ लगीगे, जे तैं इस्सो छडया तां तू बादशाह कैसरा रा मित्र निआं, सै जे अप्पूँजो राजा हुणे रा दावा करो, तां सै कैसरा रा बरोधी आ।

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

2 तिमुथियुस 2:9

तिसरे खातर जे हऊँ अपराधिये साई दुख सैया राँ, येत्थी तक भई हऊँ जंजीरा च जकड़ी रा। पर कोई बी माहणु लोकां जो परमेशरा रे वचना रा प्रचार करने ते रोकी नीं सकदा।

1 पतरस 4:15

किसी बी तरिके ने तुहां च कोई खूनी, चोर, दुष्टता रा काम्म करने औल़ा, कने दुज्जे रे कम्मां च दखल देणे औल़ा होणे रिया वजह ते दुख नीं पाओ।