यूहन्ना 18:28 - बिलासपुरी नौआं नियम

²⁸ फेरी सै सवेरे रे बगत यीशुये जो कैफा रे घरा ते रोम रे राजपाल पिलातुस ले मैहला जो लईगे, पर यहूदी लोकां चते कोई बी राजपाला रे मैहला च जान्दा, तां सै अपवित्र हुई जान्दा कने तिस्सो फसह री रोटी खाणे री अनुमति नीं मिलदी।

यूहन्ना 18:28 ပူးပေါင်းရင်းမြစ်များ

मत्ती 27:27

फेरी पिलातुस राजपाला रे सपाई यीशुये जो किले च लेईये कने सपाईयां री सारी पलटन यीशुये रे चऊँ पासयां कट्ठी हुईगी,

मरकुस 15:16

फेरी पिलातुस रे सिपाही यीशुये जो मैहला रे अंगणा च (यनि तित्थी जे पिलातुस राजपाला रा मुख्याल्य) लईगे, कने तिन्हें इक सारिया पलटना जो इक साथ सद्दया।

लूका 22:66

ताहली जे दिन हुया तां मुखियायाजकां कने शास्त्रियां समेत लोकां रे बजुर्ग नेतयां री इक सभा हुई; फेरी सै लोक तिस्सो अपणी बड्डी सभा च ली आये।

यूहन्ना 11:55

यहूदियां रा फसह रा त्योहार नेड़े था, कने बौहत लोक फसह ते पैहले इ गाँवां ते यरूशलेम नगरा जो गये भई यहूदी नियमा रे मुतावक सै अप्पूँजो पवित्र करो।

यूहन्ना 18:13

कने तिस्सो बन्हीने पैहले हन्ना लौ लईगे, सै जे तिस साल्ला रे महायाजक कैफा रा ससुर था

यूहन्ना 18:15

शमौन पतरस कने इक होर चेला यीशुये रे पिच्छे आईगे। महायाजक इस चेले जो पछयाणां था इस खातर सै यीशुये सौगी महायाजका रे अंगणा तक आईग्या।

यूहन्ना 18:33

फेरी पिलातुस राजपाल्ला रे मैहला च वापस चलिग्या कने यीशुये जो मैहला रे अन्दर सद्दीने तिसते पुच्छया, क्या तू यहूदियां रा राजा?

यूहन्ना 18:39

पर तुहांरी ये रीति भई फसह रे त्योहारा पर हऊँ तुहां खातर किसी कैदिये जो छड्डी सक्कां। तां तुहें क्या चाँये भई हऊँ तुहां खातर इस यहूदियां रे राजे जो छड्डी दूँ।

यूहन्ना 19:11

यीशुये तिस्सो जबाब दित्या, “जे परमेशरा रिया तरफा ते तिज्जो अधिकार नीं दित्या हुन्दा; तां तेरा मांह पर कोई अधिकार नीं हुंदा; इस खातर तिने माहणुये जे मिन्जो तेरे हवाले कित्तिरा, तिसरा पाप जादा।”

यूहन्ना 19:14

ये फसह रे त्योहारा रे हफ्ते रिया त्यारिया रा दिन था। ये तकरीवन दोपैहरयां री गल्ल इ। पिलातुसे यहूदी लोकां ने बोल्या, देक्खा, ये रैया तुहांरा राजा।

यूहन्ना 19:9

तिने फेरी मैहला रे अन्दर जाईने, यीशुये ते पुच्छया, “तू किति तेआ?” पर यीशुये तिस्सो कोई जबाब नीं दित्या।

प्रेरितां 10:28

पतरसे तिन्हांने गलाया, “तुहें जाणाँ यें भई अन्यजातियां री संगती करना या तिन्हां ला जाणा अहां यहूदियां खातर नियमा रे खलाफ आ, पर परमेशरे मिन्जो दस्या भई किसी माहणुये जो अपवित्र या अशुद्ध नीं बोलूं।

प्रेरितां 10:32

इस खातर किसी जो याफा नगर भेज्जीने शमौन्ना जो सद्दीलै, तिस्सो जे पतरस बी बोलां ये। सै समुद्रा रे कनारे, चमड़े रा काम्म करने औल़े शमौन रे घरें मैहमान आ।’

प्रेरितां 11:3

“तेरा सिर्फ होरीं जातिया रे लोकां ले जाणा ही गल़त नींआ, पर तिन्हां सौगी खाणा बी गल़त आ।”

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,