यूहन्ना 18:20 - बिलासपुरी नौआं नियम

²⁰ यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।

यूहन्ना 18:20 ပူးပေါင်းရင်းမြစ်များ

मत्ती 24:26

इस खातर जे सै तुहांजो बोल्लो, देक्खा, सै जंगला चा, तां तित्थी देक्खां जान्दे; कने जे सै बोल्लो, देक्खा, सै तिन्हां कमरयां अन्दर लुखिरा, तां तिन्हांरा विश्वास नीं करना।

मत्ती 26:55

तिस बगत यीशुये भीड़ा जो गलाया, “तुहें मिन्जो पकड़ने तलवारां कने डन्डयां लेईने इयां आये तियां जे किसी चोरा जो पकड़ने आईरे? हऊँ हर रोज मन्दरा च बैठीने उपदेश देआं था, पर ताहली तुहें हऊँ काँह नीं पकड़या।

मत्ती 26:65

महायाजक येढ़ा सुणी ने इतणा गुस्सा हुईग्या भई सै अपणे कपड़े फाड़दे हुये बोलणे लगया, “इने परमेशरा री निंध्या किति, हुण अहांजो होर गवाह नीं चाहिन्दे? तुहें सारयां इसजो परमेशरा रे बरोधा च बोलदे हुये सुणया।

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

मत्ती 9:35

फेरी यीशु कने तिसरे चेले गलील प्रदेशा रे बौहत सारे नगराँ कने गाँवां च गये कने तिन्हां रयां यहूदी सभा घराँ च उपदेश करदा, कने परमेशरा रे राज्जा री खुशखबरिया रा प्रचार करदा, कने हरेक किस्मा रियां बमारियां कने कमजोरियां जो दूर करदा रैया।

मरकुस 8:32

तिने ये गल्ल तिन्हांने साफ-साफ बोल्ली ती। इस पर पतरस तिस्सो कण्डे नेईने डांटणे लगया;

लूका 21:37

हर रोज यीशु मन्दरा च जाईने उपदेश देआं था, कने संजके जुन्ना ऊत्थीते निकल़ीने जैतून नौआं रे पहाड़ा पर रात विताँ था।

लूका 4:15

कने सै तिन्हां इ यहूदी सभा घराँ च उपदेश करदा रैया, कने सब लोक तिसरी बडयाई करदे रैये।

यूहन्ना 18:21

फेरी तू मेरते काँह ये स्वाल पुच्छया राँ? तिन्हांते पुछ, मैं क्या-क्या गलाया, तिन्हें जे मिन्जो सुणया। मैं जो किछ गलाया, मेरे सुणने औल़े ही दस्सी सक्कां ये।”

यूहन्ना 6:59

ये गल्लां तिने कफरनहूम नगरा रे इक्की यहूदी सभा घर च उपदेश देन्दे बगत बोल्ली।

यूहन्ना 7:14

ताहली जे त्योहारा रे अधे दिन बितिगे; तां यीशु मन्दरा च जाईने उपदेश देणे लगया।

यूहन्ना 7:26

मगर देक्खा, सै त सारयां लोकां ने निधड़क गलाई बोलीराँ कने कोई तिसजो किछ नीं गलाईरां। क्या यहूदी अगुवेयां सच्चीजो जाणील्या भई येई मसीह आ?

यूहन्ना 7:28

फेरी यीशुये मन्दरा रे अंगणा च उपदेश देन्दे हुये जोरा ने गलाया, “तुहें मिन्जो जाणाँ ये, कने ये बी जाणाँ ये भई हऊँ कित्तिरा। हऊँ त अपणिया मर्जिया ते नीं आईरा, पर मिन्जो भेजणे औल़ा सच्चा, तिस्सो तुहें नीं जाणदे।

यूहन्ना 7:4

काँह्भई येढ़ा कोई नीं हूणा सै जे मशहूर हूणा चाओ, कने लुक्खीने काम्म करो। जे तू चमत्कारा रे काम्म कराँ, तां अप्पूँजो सारे संसारा रे सामणे परगट कर।”

यूहन्ना 8:2

कने अगले दिन तड़के इ सै फेरी मन्दरा रे अंगणा च आया; बौहत लोक तिसलौ आये कने सै बैठीने तिन्हौं उपदेश देणे लगया।

यूहन्ना 8:26

तुहांरे बारे च गलाणे जो कने तुहांरा न्याय करने जो मेरले बौहत किछ आ; पर मेरा भेजणे औल़ा सच्चा, कने जो किछ हऊँ तिसते सुणां, सैई संसारा ने बोलां।”

प्रेरितां 26:26

राजा बी ये गल्लां जाणाँ, तिसरे सामणे जे हऊँ निडर हुईने गलाया राँ; कने मिन्जो विश्वास आ, भई इन्हां गल्लां चते कोई बी तिसते छिपीरी नीं, काँह्भई ये घटना सारयां लोके सुणिरी भई यीशु मसीह सौगी क्या हुईरा।