यूहन्ना 17:11 - बिलासपुरी नौआं नियम

¹¹ हुण मांह इस संसारा च नीं रैहणा, पर सै संसारा ची रैहणे, कने पवित्र पिता, हऊँ तेरे लौ आया रां, तू अपणिया सामर्था ने तिन्हांरी हिफाजत कर, तिसते जे सै इक हुईजो तियां जे अहें इक ये।

यूहन्ना 17:11 ပူးပေါင်းရင်းမြစ်များ

मत्ती 10:16

खबरदार! हऊँ तुहांजो असहाय भेड्डां साई लोकां रे बिच भेज्जां सै जे भेड़िये साई खतरनाक ये। इस खातर सर्पां साई चलाक कने समझदारिया ने काम्म करा, कने कबूतरां साई भोल़े-भाल़े कने खरयां गुणां जो परगट करा।

मत्ती 5:48

तुहौं तिन्हां लोकां ने प्रेम करने री जरूरत इ सै जे तुहांजो प्यार नीं करदे, इस इ तरिके ने तुहां सिद्ध हूणा तियां जे स्वर्गा च रैहणे औल़ा तुहांरा पिता परमेशर सिद्ध आ।”

मत्ती 6:9

“तुहें इस तरिके ने प्राथना करया करा : “ ‘हे अहांरे पिता, तू स्वर्गा च बिराजमान आ; लोक तेरा आदर करो काँह्भई तू पवित्र परमेशर आ।

यूहन्ना 13:1

फसह रे त्योहारा ते पैहले, यीशुये जाणील्या भई, सै बगत नेड़े आ ताहली जे तिस इस संसारा जो छड्डिने पिता परमेशरा लौ चली जाणा। तिने संसारा च सै जे तिसरे अपणे लोक थे कने सै जे तिसने प्यार कराँ थे, तिन्हांने बौहत सारा प्यार जताया।

यूहन्ना 13:3

यीशु ये जाणा था भई पिता परमेशरे सारा अधिकार तिस्सो दई तरा कने सै परमेशरा लाते आईरा, कने पिता परमेशरा लौ इ वापस जाईराँ।

यूहन्ना 14:20

तिस बगत ये साफ हुई जाण भई हऊँ अपणे पिता सौगी आ कने तुहें मेरे सौगी ये कने हऊँ तुहां सौगी आ; कने तिस जे मिन्जो प्यार करना पिता बी तिस्सो प्यार करना।

यूहन्ना 16:28

हऊँ पिता परमेशरा ते प्रगट हुईने इस संसारा च आया; हुण फेरी भीं, हऊँ इस संसारा जो छड्डिने पिता परमेशरा लौ जाईराँ।”

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

यूहन्ना 17:23

मांह तिन्हां च रैहणा कने तू मांह च, भई सै पूरे तरीके ने इक हुईजो, तिसते जे संसारा जो ये पता लगी जो, भई मिन्जो तैंइ भेज्या, कने तुहें तिन्हांने बी तेढ़ा इ प्यार कित्या, तेढ़ा जे तैं माहने कित्या।”

यूहन्ना 17:25

“हे धर्मी पिता, संसारा रे लोकें तिज्जो नीं जाणया, पर हऊँ तिज्जो जाणाँ, कने ये चेले बी जाणाँ ये भई तैं मिन्जो भेज्जिरा;

यूहन्ना 17:6

“तैं तिन्हां लोकां जो जे संसारा चते चुणीने मिन्जो दित्या, तिन्हांजो मैं तेरे बारे च दस्या। सै सारे तेरे थे पर तैं सै लोक मिन्जो देईते, कने तिन्हें तेरे उपदेशा रा पालन कित्या।

यूहन्ना 7:33

इस पर यीशुये गलाया, “हऊँ होर थोड़िया देरा तक तुहां सौगी आ, तिसते बाद माह तिसलौ बापस चली जाणा तिने जे हऊँ भेज्जिरा।

प्रेरितां 3:21

जरूरी आ भई यीशु स्वर्गा च तिस बगता तक रौ तदुआं तका जे सब्बीं गल्लां रा सुधार नीं करी लो, तिसरे बारे च जे पुराणे वगता ते परमेशरे अपणे पवित्र भविष्यवक्तयां रे मुँआं ते दस्सीरा।

रोमियो 12:5

तियां इ हलाँकि अहें बौहत सारे, पर मसीह च अहें इक जिस्मा रे रुपा च हुई जायें, इस तरिके ने अहें सारे मसीह विश्वासी इक दुज्जे सौगी जिस्मा रे अंगा साई जुड़ी जायें।

रोमियो 9:17

काँह्भई पवित्रशास्त्रा च परमेशरे मिस्र देशा रे राजे (फिरौन) जो गलाया था, “मैं तिज्जो इस खातर राजा बणाया था भई तेरा इस्तेमाल करीने हऊँ सब्बीं जो अपणी सामर्थ दस्सी सक्कूं, कने मेरा नौं हर जगह तित्थी जे लोक ये तिन्हौं प्रचार कित्या जाओ।”

1 कुरिन्थियों 1:10

अरे साथी विश्वासियो, हऊँ अहांरे प्रभु यीशु मसीह रे अधिकारा ने तुहांजो विनती कराँ, भई तुहें सब इक दूये ने सैहमत रौआ, कने लग-लग टोलियां नीं बणावा, बल्कि सारे इक मन कने इक सोच रक्खीने इक जुट रौआ।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

इफिसियां 4:4

जिस्म इक आ कने पवित्र आत्मा बी इक आ, इयां इ ताहली जे तुहांजो बी सद्दया गया तां इक इ आस्सा च हिस्सेदार हुणे रे खातर सद्दया गया।

फिलिप्पियां 2:9

इस खातर परमेशरे तिस्सो सब्बींते ऊच्ची पदवी दित्ति कने तिस्सो सै नौं दित्या तिसरा जे सारयां नौंवां ते जादा आदर कने अधिकार आ।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

इब्रानियों 9:24

मसीहे माहणुआं रे बणाईरे तिस परमपवित्र स्थाना च प्रवेश नीं कित्या, सै जे सच्चे परमपवित्र स्थाना री सिर्फ इक नकल थी। पर तिने त खुद स्वर्गा ची प्रवेश कित्तिरा ताकि हुण सै अहांरे खातर अप्पूँजो परमेशरा रे सामणे मौजूद करो।

याकूब 4:4

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।

1 पतरस 1:5

परमेशर अपणिया सामर्था रे जरिये तुहांजो सुरक्षित रखां, काँह्भई तुहें मसीह पर विश्वास कराँ ये कने तिस तुहांजो लगातार आखिरी दिना तक सुरक्षित रखी रखणा, फेरी तुहां जाणना भई परमेशरे तुहांरा पूरे तरिके ने पापाँ ते कने मौती ते छुटकारा कित्तिरा।

1 यूहन्ना 3:12

कने आदम रे पुत्र कैना साई नीं बणा, सै जे शैतान्ना ते था, कने तिने जे अपणे भाईये री हत्या कित्ती; कने तिने अपणे भाईये जो किसा वजह ने मारया? तिसरी ये वजह थी भई तिसरे काम्म बुरे थे, कने तिसरे भाईये रे काम्म भलाईया रे थे।

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।

प्रकाशितवाक्य 15:4

“हे प्रभु, कुण तेरते नीं डरगा? कने तेरे नौआं री महिमा नीं करगा? काँह्भई सिर्फ तूई पवित्र आ। सारियां जातियां आईने तेरी अराधना करनी, काँह्भई तेरे न्याय रे काम्म प्रगट हुई चुक्कीरे।”

प्रकाशितवाक्य 19:12

तिसरियां आक्खीं अग्गी रियां लपटां साई, कने तिसरे सिरा पर बौहत सारे मुकुट ये। कने तिसरा इक नौं तिस पर लिख्या हुया, तिसजो जे तिसते इलावा होर कोई नीं जाणदा।

प्रकाशितवाक्य 4:8

इन्हां चऊँ जिऊंदा प्राणियां रे छे-छे फंग थे, कने चऊँ पासयां अन्दर बाहर आक्खीं इ आक्खीं थिआं। कने सै रात-दिन बिणा रुके ये बोलदे रैं, “पवित्र, पवित्र, पवित्र प्रभु परमेशर, सर्वशक्तिमान, सै जे था, सै जे हया कने सै जे औणे औल़ा।”