यूहन्ना 16:4 - बिलासपुरी नौआं नियम

⁴ हऊँ तुहांजो ये गल्लां इस खातर दस्यारां भई ताहली जे सै बगत औणा, तां जो किछ मैं इन्हां लोकां रे बारे च पैहले ते बोलीरा सै तुहांजो याद औणा। “शुरु ची मैं तुहांजो ये गल्लां नीं गलाईयां काँह्भई हऊँ तुहांजो सौगी था।

यूहन्ना 16:4 ပူးပေါင်းရင်းမြစ်များ

मत्ती 10:7

कने तिन्हांजो ये उपदेश देयों भई परमेशर अहां सब्बीं लोकां पर राज करने जो बड़े जल्दी आई कराँ।

मत्ती 24:25

देक्खा, मैं पैहले तेई ये सब किछ तुहांजो गलाई तरा।

मत्ती 9:15

यीशु तिन्हांजो उदाहरण देईने ये दसणा चाँह, भई “क्या बरातिये, तदुआं तक जे लाड़ा तिन्हां सौगी आ, दुख मनाई सक्कां ये? पर सै दिन औणे भई ताहली जे लाड़ा तिन्हाते लग कित्या जाणा, तिस बगत सै दुखी हुणे कने उपवास रखणा।

मरकुस 13:23

पर तुहें खबरदार हुईने रौआ, देक्खा, मैं तुहांजो सब गल्लां पैहले तेई दस्सी तियां।

मरकुस 2:19

यीशुये तिन्हांजो जबाब दित्या, “तदुआं तकौ जे हऊँ अपणे‍ चेलेयां सौगी आ, सै उपवास कियां करी सक्कां ये? सै नीं करी सकदे, काँह्भई सै खुश ये, ठीक तियां इ जियां लाड़े रे मित्र तिस सौगी तिसरे ब्याह री खुशी मनाँ ए।

लूका 1:2

ठीक सैई गल्लां सै जे अहांजो तिन्हां लोकां ते मिलियां, तिन्हें जे इन्हां गल्लां जो यीशु मसीह रिया सेवकाईया रे शुरु तेई देख्या था कने बाद बिच सै परमेशरा रे वचना रे सेवक बणे।

यूहन्ना 13:19

येढ़ा सब हुणे ते पैहले इ हऊँ तुहांजो इस खातर दस्यारां भई ताहली जे ये गल्लां हुई जाओ तां तुहें विश्वास करो भई सै “हऊँ आ।”

यूहन्ना 14:29

ये सब गल्लां हुणे ते पैहले इ मैं तुहां दस्सीत्या काँह्भई ताहली जे ये गल्लां पूरियां हुणे लगो तां तुहां मांह पर विश्वास करना।

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

2 थिस्सलुनीकियां 2:5

क्या तुहांजो याद नींआं भई ताहली जे हऊँ तुहां सौगी था, तां तुहांजो ये गल्ल दस्सां था?

2 पतरस 1:14

काँह्भई हऊँ ये जाणाँ भई इसा दुनिया ते मेरे जाणे रा वगत नजदीक आईग्या, तियां जे अहांरे प्रभु यीशु मसीहे मिन्जो साफ तौर पर बोलीरा।