यूहन्ना 16:32 - बिलासपुरी नौआं नियम

³² सुणो, सै बगत आया रां, पर आईग्या, ताहलूं जे तुहां सब्बीं लग-लग हुई जाणा, मिन्जो कल्हे जो छड्डिने, अपणे-अपणे घराँ जो चली जाणा। फेरी भीं हऊँ कल्हा निआं, काँह्भई मेरा पिता मेरने सौगी आ।

यूहन्ना 16:32 ပူးပေါင်းရင်းမြစ်များ

मत्ती 26:31

फेरी यीशुये तिन्हांने गलाया, “आज्ज राति जो तुहां सारयां रा माह परा ते विश्वास टुटी जाणा, काँह्भई पवित्रशास्त्रा च लिखिरा : माह चरवाहा मारना, कने भेड्डां बिखरी जाणियां।

मत्ती 26:56

पर ये सब किछ इस खातर हुया भई भविष्यवक्तयां रा लिखिरा पूरा ओ।” फेरी तिसरे सारे चेले तिस्सो छड्डिने नट्ठीये।

मरकुस 14:27

ताहली जे यीशु कने तिसरे चेले रस्ते च थे, तां यीशुये तिन्हांजो गलाया, तुहां सब्बीं मिन्जो छड्डिने नट्ठी जाणा, काँह्भई पवित्र शास्त्रा च लिखिरा : मांह रखवाल़े जो मारना, कने भेड्डां बिखरी जाणा।

मरकुस 14:50

इस पर सब चेले तिस्सो छड्डिने नट्ठीगे।

यूहन्ना 12:23

पर यीशुये तिन्हांजो बोल्या, “सै वगत आई गरा भई माहणुये रे पुत्रा री महिमा हो।

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

यूहन्ना 16:25

“ये सब गल्लां मैं तुहांजो कहाणिया रे जरिये दस्सियां : पर सै बगत आयाराँ ताहली जे माह उदाहरणा च तुहांजो किछ मनी गलाणा, पर पिता परमेशरा रे बारे च सारियां गल्लां साफ-साफ दसणियां।

यूहन्ना 16:31

यीशुये तिन्हांजो जबाब दित्या, “क्या तुहांजो हुण विश्वास हुईग्या?

यूहन्ना 19:27

फेरी तिने अपणे चेले जो बोल्या, “ये तेरी माता इ।” तिस इ बगता ते सै चेला यीशुये रिया माता जो अपणे घरें लेईग्या कने अपणे पास रक्खया।

यूहन्ना 20:10

फेरी सै चेले अपणे-अपणे घरा जो चलीगे।

यूहन्ना 4:21

यीशुये तिसाजो गलाया, “ओ नारी, मेरिया गल्ला पर विश्वास कर भई सै बगत आईरां ताहली जे तुहां पिता री अराधना नांत इस पहाड़ा पर करनी, कने नांई यरूशलेम च करनी।

यूहन्ना 4:23

पर सै वगत आई चुक्कीरा, ताहली जे सच्चे भगत अहांरे पिता परमेशरा री अराधना आत्मा रिया अगुवाईया च सच्चाईया ने करगे, काँह्भई अहांरे पिता अपणे खातर येढ़े इ भगतां जो टोल़ां ये।

यूहन्ना 5:25

“हऊँ तुहांजो सच्च बोलां भई सै बगत औणे औल़ा बल्कि आई चुक्कीरा, तिसच जे आत्मिक तरिके ने मूईरयां लोकां परमेशरा रे पुत्रा रा यनि मेरा बचन सुणना, कने सै जे सुणगे तिन्हां अनन्त जीवन पाणा।

यूहन्ना 5:28

इसते चम्भा नीं करा; काँह्भई सै बगत आई कराँ भई जितने मूईरे लोक ये, तिन्हां मेरा बचन सुणीने कब्रां ते बाहर निकल़ी औणा।

यूहन्ना 8:16

कने जे हऊँ न्याय करूँ बी, तां मेरा न्याय सच्चा; काँह्भई हऊँ कल्हा निआं, पर हऊँ पिते सौगी आ, तिने जे मिन्जो भेज्जिरा।

यूहन्ना 8:29

कने मेरा भेजणे औल़ा मेरे कन्ने आ; तिने हऊँ सुनसान जगह च नीं छड्डीरा, काँह्भई हऊँ सदा सैई काम्म कराँ तिसते जे मेरा पिता खुश हुआं।”

प्रेरितां 21:6

तां इक्की दुज्जे ते विदा हुईने, अहें त जहाजा पर चढ़े कने सै अपणे-अपणे घराँ जो हट्टीगे।

प्रेरितां 8:1

शाऊल स्तिफनुस रिया हत्या च सहमत था। तिस दिन यरूशलेम नगरा री कलीसिया पर बड़ा सताव शुरु हुआ कने प्रेरितां जो छड्डिने बौहत सारे लोक यहूदिया कने सामरिया प्रदेशां च नट्ठीने बिखरी गे।