यूहन्ना 16:30 - बिलासपुरी नौआं नियम

³⁰ हुण अहें समझीगे भई तू सब किछ जाणाँ, हुण किसी जो बी तेरते किछ बी पुछणे री जरूरत नीं, काँह्भई इसते अहांजो ये विश्वास हुईग्या भई तू परमेशरा रिया तरफा ते आईरा।”

यूहन्ना 16:30 ပူးပေါင်းရင်းမြစ်များ

यूहन्ना 16:17

तां तिसरे चेले अप्पूँ चियें गलाणे लगे, “ये क्या? सै जे अहांजो दस्यारां, थोड़े बगता तक तुहां मिन्जो नीं देखी सकणा; कने दवारा, थोड़े बगता बाद तुहां मिन्जो फेरी देखणे लगी जाणा, कने ये बी भई हऊँ पिता लौ जाया राँ?”

यूहन्ना 16:23

तिस वगत ताहली जे तुहां मिन्जो भीं देखणा तुहां मेरते कोई स्वाल नीं पुछणे। हऊँ तुहांजो सच-सच बोलां, भई जो किछ तुहां पिता ते मेरा चेला हुणे रे नाते मंगणा, तिस्सो सै सब किछ मिली जाणा।

यूहन्ना 16:26

तिस वगत ताहली जे तुहां मेरा चेला हुणे रे नाते खुद मेरे पिता ते मंगणा: तिस बगत माह तुहांजो ये नीं बोलणा भई हऊँ तुहांरे खातर पिता ने प्राथना करगा।

यूहन्ना 16:31

यीशुये तिन्हांजो जबाब दित्या, “क्या तुहांजो हुण विश्वास हुईग्या?

यूहन्ना 17:8

काँह्भई मैं तिन्हांजो सैई सन्देश दित्या सै जे तुहें मिन्जो दित्तिरा था, कने सै तिस्सो ग्रहण करीने सच्चीजो ये जाणीगे भई हऊँ तेरे लाते आईरा। कने तिन्हें ये विश्वास कित्या भई तैंई मिन्जो भेज्जिरा।

यूहन्ना 2:11

यीशुये गलील जिले रे काना नगरा च ये पैहला नशाण दस्सीने अपणी महिमा परगट कित्ती कने तिसरे चेलयां तिस पर विश्वास कित्या।

यूहन्ना 21:17

यीशुये फेरी तिज्जी बार पतरसा जो गलाया, “यूहन्ना रे पुत्र शमौन, क्या तू मिन्जो प्रेम कराँ?” पतरस बौहत परेशान हुईग्या भई यीशुये तिस्सो तिज्जी बार ये पुच्छया, क्या तू मिन्जो प्रेम कराँ? तां पतरसे यीशुये जो गलाया, “हे प्रभु! तू सब किछ जाणाँ, तू जाणाँ भई हऊँ तेरने प्रेम कराँ।” यीशुये तिस्सो गलाया, मेरियां भेड्डां जो चरा।

यूहन्ना 5:20

काँह्भई पिता परमेशर पुत्रा ने प्यार कराँ कने जितने काम्म जे सै खुद कराँ तिन्हां सारयां कम्मां जो सै तिस्सो दस्सां, कने पिता इन्हाते बी बड्डे काम्म तिस्सो दसणे, ताकि तुहें हैरान हुईजो।

यूहन्ना 8:42

यीशुये तिन्हाजो जबाब दित्या, “जे परमेशर तुहांरा पिता हुन्दा, तां तुहें मेरने प्यार रखदे; काँह्भई हऊँ तुहांले परमेशरा रिया तरफा ते आईरा; हऊँ येत्थी अपणिया मर्जिया ने नीं आईरा, पर तिने मिन्जो भेज्जिरा।

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।