यूहन्ना 16:25 - बिलासपुरी नौआं नियम

²⁵ “ये सब गल्लां मैं तुहांजो कहाणिया रे जरिये दस्सियां : पर सै बगत आयाराँ ताहली जे माह उदाहरणा च तुहांजो किछ मनी गलाणा, पर पिता परमेशरा रे बारे च सारियां गल्लां साफ-साफ दसणियां।

यूहन्ना 16:25 ပူးပေါင်းရင်းမြစ်များ

मरकुस 4:13

फेरी यीशुये तिन्हांने गलाया, “पर जे तुहें इस उदाहरणा जो नीं समझी सकदे तां फेरी होरीं सब्बीं उदाहरणां जो कियाँ समझगे सै जे हऊँ दसणे औल़ा?

मरकुस 4:34

ताहली जे यीशु अपणयां चेलयां ने गल्लां था, तां सै सदा उदाहरणां रा इस्तेमाल कराँ था; पर ताहली जे सै एकान्त च अपणे चेलयां सौगी हुआं था, तां तिन्हांजो सब्बीं गल्लां रा मतलब दस्सां था।

मरकुस 8:32

तिने ये गल्ल तिन्हांने साफ-साफ बोल्ली ती। इस पर पतरस तिस्सो कण्डे नेईने डांटणे लगया;

यूहन्ना 10:24

तिस बगत यहूदियें आईने सै घेरील्या कने बोलणे लगे, “तू अहांजो कदुआं तक सोचणे पर मजबूर करदे रैहणा? जे तू मसीह आ, तां अहांने साफ-साफ बोल्ली दे।”

यूहन्ना 10:6

यीशुये तिन्हांजो ये उदाहरण दस्या, पर सै नीं समझी पाये भई तिसरा क्या मतलब आ।

यूहन्ना 16:12

“हऊँ तुहांजो होर बी बौहत सारियां गल्लां दसणा चांह, पर हल्तियें तुहें इन्हां सारियां गल्लां जो समझी नीं सकदे।

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

यूहन्ना 16:32

सुणो, सै बगत आया रां, पर आईग्या, ताहलूं जे तुहां सब्बीं लग-लग हुई जाणा, मिन्जो कल्हे जो छड्डिने, अपणे-अपणे घराँ जो चली जाणा। फेरी भीं हऊँ कल्हा निआं, काँह्भई मेरा पिता मेरने सौगी आ।

2 कुरिन्थियों 4:2

पर अहें त शर्मनाक काम्म करने छड्डी तरे, अहें छल-कपट नीं करदे कने नांई परमेशरा रे बचनां च मिलावट कराँ ये। परमेशर अहांरा गवाह भई अहें सच्चाई बोलां ये, कने सै जे कोई ईमानदार आ तिन्हांजो ये पता।