यूहन्ना 16:23 - बिलासपुरी नौआं नियम

²³ तिस वगत ताहली जे तुहां मिन्जो भीं देखणा तुहां मेरते कोई स्वाल नीं पुछणे। हऊँ तुहांजो सच-सच बोलां, भई जो किछ तुहां पिता ते मेरा चेला हुणे रे नाते मंगणा, तिस्सो सै सब किछ मिली जाणा।

यूहन्ना 16:23 ပူးပေါင်းရင်းမြစ်များ

मत्ती 21:22

कने जो किछ तुहें प्राथना च विश्वासा ने मंगगे, सै सब तुहांजो मिलणा।”

मत्ती 7:7

सै जे तुहांरियां जरूरतां इयां तिसजो परमेशरा ते मंगा, तिस सै तुहांजो देणा; टोल़गे तां तुहां पाणा, खटखटाणा जारी रखा कने दरवाजा खोल्या जाणा।

यूहन्ना 14:20

तिस बगत ये साफ हुई जाण भई हऊँ अपणे पिता सौगी आ कने तुहें मेरे सौगी ये कने हऊँ तुहां सौगी आ; कने तिस जे मिन्जो प्यार करना पिता बी तिस्सो प्यार करना।

यूहन्ना 14:22

यहूदा सै जे इस्करियोति नीं था तिसने बोलणे लगया, “ये कियां हुई सक्कां भई तू अहांजो साफ-साफ दिसणा कने संसारा रे लोका जो नीं दिसणा?”

यूहन्ना 14:5

थोमे तिस्सो गलाया, हे प्रभु, अहें नीं जाणदे, भई तू किति जाया राँ। फेरी तित्थी रा रस्ता अहें कियां जाणी सक्का यें?

यूहन्ना 15:7

जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

यूहन्ना 16:19

यीशु समझी गया भई सै मेरियां गल्लां रा मतलब पुछणा चांये, इस खातर तिने तिन्हांजो गलाया, “हऊँ तुहांजो ये जे गलाया राँ, क्या इस पर वचार करया रायें, ‘थोड़े बगता तक तुहें मिन्जो नीं देखी सकगे, कने, थोड़े बगता बाद तुहां मिन्जो फेरी देखणे लगणा?’

यूहन्ना 16:26

तिस वगत ताहली जे तुहां मेरा चेला हुणे रे नाते खुद मेरे पिता ते मंगणा: तिस बगत माह तुहांजो ये नीं बोलणा भई हऊँ तुहांरे खातर पिता ने प्राथना करगा।

यूहन्ना 16:30

हुण अहें समझीगे भई तू सब किछ जाणाँ, हुण किसी जो बी तेरते किछ बी पुछणे री जरूरत नीं, काँह्भई इसते अहांजो ये विश्वास हुईग्या भई तू परमेशरा रिया तरफा ते आईरा।”

इफिसियां 2:18

काँह्भई अहें दुईं किस्मा रे लोक इक्की आत्मा रे जरिए पिता गे पुजणे जोगे हुए।

1 यूहन्ना 2:1

मेरे प्यारे बच्चयो, ये गल्लां हऊँ तुहांजो इस खातर लिखिराँ भई तुहें पाप नीं करो, कने जे कोई पाप करो तां परमेशर पिता ले अहांरा इक सहायक आ यनिके धर्मी यीशु मसीह तिस्सो जे अहें पापां जो माफ करने रे खातर बोल्ली सक्कां ये।