यूहन्ना 16:21 - बिलासपुरी नौआं नियम

²¹ ताहली जे जनाना बच्चा जणने लगां इ, तां तिसाजो बौहत पीड़ हुआं इ, काँह्भई तिसारी दर्दां लगणे री घड़ी आई गरी हुआं इ, पर ताहली जे सै तिस बच्चे जो जणी देईं, कने तिसाते संसारा च इक माहणुये रे औणे री खुशिया च सै इतणी खुश हुई जाईं भई सै सारियां पीड़ा जो भुल्ली जाईं।

यूहन्ना 16:21 ပူးပေါင်းရင်းမြစ်များ

गलातियां 4:27

काँह्भई पवित्रशास्त्रा च लिखिरा : “अरे बांझ औरत, खुशी मना, तैं किसी बच्चे जो नीं जणया, खुशिया ने चीख, तैं बच्चा जणने री पीड़ नीं अनुभव कित्ती, काँह्भई सुहागणां रिया अपेक्षा छड्डी रिया जनाना रे बच्चे जादा हुणे।”

1 थिस्सलुनीकियां 5:3

तंजे लोक बोलदे हुणे, “सारे कुशल मंगल ये, कने किछ डर निआं, तां तिस वगत अचानक परमेशरा तिन्हांजो दर्दनाक सजा देणे खातर औणा! तियां जे भारहत्थिया जनाना जो पीड़ पौंई कने तदुआं तक जे सै बच्चा नीं जणी लैन्दी, तदुआं तक पीड़ नीं रुकदी; तियां इ विनाश औणा कने लोकां किसी रीति नीं बचणा।