यूहन्ना 16:16 - बिलासपुरी नौआं नियम

¹⁶ “थोड़े बगता तक तुहां मिन्जो नीं देखणा, कने तिसते बाद, थोड़े बगता बाद तुहां मिन्जो फेरी देखणे लगणा।”

यूहन्ना 16:16 ပူးပေါင်းရင်းမြစ်များ

मरकुस 16:19

तिन्हांने गल्लां करने ते बाद परमेशर प्रभु यीशुये जो स्वर्ग लेईग्या, कने अपणे संघासणा रे सज्जे पासे बठाया।

यूहन्ना 12:35

फेरी यीशुये तिन्हांने बोल्या, “जोति तुहांरे बिच हल्तियें किछ वगत होर रैहणी, तदुआं तका जे जोति तुहांले इ अग्गे बधदे रौआ, किति येढ़ा नीं हो भई अन्धेरा तुहांजो घेरी लो; सै जे अन्धेरे च चलां सै नीं जाणदा भई सै कितो जाया राँ।

यूहन्ना 13:3

यीशु ये जाणा था भई पिता परमेशरे सारा अधिकार तिस्सो दई तरा कने सै परमेशरा लाते आईरा, कने पिता परमेशरा लौ इ वापस जाईराँ।

यूहन्ना 13:33

“मेरे बच्चयो हऊँ थोड़िया देरा तका जो तुहांजो सौगी आ। इसते बाद तुहां मिन्जो टोल़णा, कने तियां जे मैं यहूदी अगुवेयां ने गलाया था, ‘तित्थी जे हऊँ जां, तित्थी तुहें नीं आई सकदे,’ सैई हऊँ हुण तुहांजो बोलां।

यूहन्ना 16:10

धार्मिकता रे बारे च इस खातर काँह्भई हुण हऊँ परमेशर पिता लौ जाईराँ कने तुहां मिन्जो नीं देखणा।

यूहन्ना 16:22

ठीक इयां इ हुण तुहांजो बी दुख हुणा: पर मांह तुहांजो फेरी मिलणा, कने तुहांरे दिल खुशियां ने भरी जाणे, कने तुहांजो तिसा खुशिया जो मनाणे ते कोई बी रोकी नीं सकदा।

यूहन्ना 16:28

हऊँ पिता परमेशरा ते प्रगट हुईने इस संसारा च आया; हुण फेरी भीं, हऊँ इस संसारा जो छड्डिने पिता परमेशरा लौ जाईराँ।”

यूहन्ना 16:5

हुण हऊँ अपणे भेजणे औल़े परमेशरा ले जाया राँ; हुण तुहां चते कोई बी मेरते ये नीं पुछी सकदा, भई हऊँ कितो जाईराँ?

यूहन्ना 17:13

पर हुण हऊँ तेरले आया रां। ये गल्लां हऊँ संसारा च हुंदे हुए गलाया राँ, भई सै मेरे आनन्दा ने पूरे भरी जो।

यूहन्ना 17:5

हुण तू, हे पिता अपणिया उपस्थितिया च मिन्जो तिसा महिमा ते महिमामय कर, सै महिमा जे मेरी संसारा रिया सृष्टिया ते पैहले तुहां सौगी थी।

यूहन्ना 7:33

इस पर यीशुये गलाया, “हऊँ होर थोड़िया देरा तक तुहां सौगी आ, तिसते बाद माह तिसलौ बापस चली जाणा तिने जे हऊँ भेज्जिरा।

प्रेरितां 1:3

यीशुये रे दुख सैहणे कने क्रूसा पर लटकाये जाणे ते बाद कई सारे पक्कयां सबूतां ने अप्पूँजो प्रेरितां रे सामणे ज्यूंदा परगट कित्या, कने चाल़ियां दिनां तक सै तिन्हांजो दुसदा रैया, कने परमेशर माहणुआं पर कियां राज कराँ ये गल्लां दस्सियां।

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।