यूहन्ना 16:13 - बिलासपुरी नौआं नियम

¹³ पर ताहली जे सच्चाईया रा आत्मा औआं, तिस परमेशरा री हरेक सच्चाईया च तुहांरी अगुवाई करनी तिसरी जे तुहांजो जाणने री जरूरत इ, काँह्भई तिस अपणिया तरफा ते किछ नीं बोलणा, पर जो गल्लां सै परमेशरा ते सुणां तिस तुहांजो दसणियां, इस खातर तिस तुहांजो हुणे औल़ियां गल्लां हुणे ते पैहले दसणियां।

यूहन्ना 16:13 ပူးပေါင်းရင်းမြစ်များ

यूहन्ना 12:49

काँह्भई मैं अपणिया खा ते गल्लां नीं कित्ती यां; पर पिता तिने जे मिन्जो भेज्या तिने इ मिन्जो हुक्म दितिरा भई क्या-क्या बोलूं कने क्या-क्या नीं बोलूं?

यूहन्ना 14:17

यनिके पवित्र आत्मा तिसजो जे संसारा रे लोक ग्रहण नीं करी सकदे, काँह्भई सै नांत इस्सो जाणाँ ये कने नांई देखी सक्कां ये; पर तुहां तिसरा पता, काँह्भई तिस सदा तुहांजो रैहणा कने तुहां च वास करना।

यूहन्ना 14:26

पर सहायक, यनि पवित्र आत्मा, तिस्सो जे पिता मेरे नौआं ते भेजणा, तिस सब गल्लां तुहांजो सखाणियां कने जो किछ मैं तुहांजो गलाया सै सब गल्लां याद कराणियां।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 15:26

पर तिस बगत जे सहायक औणा, ये सै पवित्र आत्मा सै जे पिता परमेशरा रिया तरफा ते औआं कने सै जे सच्च आ तिस्सो प्रगट करां। ताहली जे तिस औणा, तां तिस तुहांजो मेरे बारे च दसणा।

यूहन्ना 16:12

“हऊँ तुहांजो होर बी बौहत सारियां गल्लां दसणा चांह, पर हल्तियें तुहें इन्हां सारियां गल्लां जो समझी नीं सकदे।

यूहन्ना 3:32

तिने सै जे किछ देख्या, कने सुणया, सै तिसरी गवाही देआं, पर बड़े घट लोक तिसरे सन्देशा जो ग्रहण करां ये।

यूहन्ना 8:38

हऊँ सैई बोलां सै जे मैं अपणे पिता ले देख्या; कने तुहें बी सैई करदे रैं सै जे तुहें अपणे पिता ते सुणीरा हुआं।”

प्रेरितां 11:28

तिन्हां चते अगबुस नौआं रे इक्की भविष्यवक्ते खड़ीने पवित्र आत्मा रिया प्रेरणा ते ये दस्या भई संसारा रे बौहत सारयां देशां च नकाल़ पौणा, कने सै नकाल़ कलौदियुस बादशाह रे बगता च हुया।

प्रेरितां 20:23

सिर्फ ये जाणाँ भई पवित्र आत्मा हर नगरा-नगरा च गवाही देईने मेरने गलाया राँ भई बन्धन कने क्लेश तेरे खातर त्यार ये।

प्रेरितां 27:24

“हे पौलुस, ‘मत डर! तेरा बादशाह कैसरा रे सामणे खड़ा हूणा जरूरी आ, देख, परमेशरे सब्बीं जो सै जे तेरे सौगी यात्रा कराँ ये, तिन्हांजो बचाईरा।’

2 थिस्सलुनीकियां 2:12

ताकि जितणयां लोकें सच्चाईया पर विश्वास नीं कित्या, पर पापां ते खुश हुये, सै सब सजा पाओ।

2 थिस्सलुनीकियां 2:3

कोई तुहांजो किसी बी तरिके ने धोखा नीं देओ, काँह्भई सै दिन तदुआं तक नीं औणा तदुआं तक जे परमेशरा रे बरोधा च बौहत लोक बिद्रोह नीं करदे, कने सै दुष्ट माहणु प्रगट हूणा तिस्सो जे पक्का परमेशरा नाश करना।

इब्रानियों 1:1

बौहत पैहले परमेशरे अहांरे पूर्वजां ने कई बार लग-लग तरीकयां ने भविष्यवक्तयां रे जरिये गल्लां कित्तियां,

1 यूहन्ना 2:20

पर यीशु मसीह तिने पवित्र आत्मा तुहांजो दित्या, इस खातर तुहें सारे सच्चाई जो जाणाँ ये।

1 यूहन्ना 2:27

पर तुहांरे खातर यीशु मसीह पवित्र आत्मा दित्तिरा कने सै पवित्र आत्मा तुहां चा; इस खातर सच्चाईया रे बारे च कोई होर माहणु तुहांजो सखाओ इसरी जरूरत नीं। बरन पवित्र आत्मा सारी सच्चाईया रे बारे जाणने च तुहांरी मदद करो। जो किछ पवित्र आत्मा तुहांजो सखां सै विल्कुल सच्च आ, तिसच कोई झूट्ठ निआं। इसी खातर तियां जे पवित्र आत्मा तुहांजो बोलीरा, तियां इ तुहें मसीह च बणीरे रौआ।

1 यूहन्ना 4:6

अहें परमेशरा रे लोक ये, इस खातर सै जे परमेशरा जो जाणाँ, सै अहांरी सुणां; कने सै जे परमेशरा जो नीं जाणदा सै अहांरी नीं सुणदा; इयां अहें सच्चे आत्मे च, कने भटकाणे औल़े आत्मे च फर्क देखीने पछयाणी लैं।

1 यूहन्ना 5:6

ये सैई यीशु मसीह आ तिसजो जे परमेशरे संसारा च भेज्या, कने तिने पाणिये ते बपतिस्मा लैया कने बाद बिच ताहली जे सै मरया तां तिसरा खून बहाया गया। न सिर्फ तिने बपतिस्मा लैया पर क्रूसा पर खून बहाई ने मरया।

प्रकाशितवाक्य 1:1

यीशु मसीह रा प्रकाशन, सै जे परमेशरे तिस्सो इस खातर दित्या ताकि सै अपणे सेवकां जो तिन्हां गल्लां जो दिखाओ, तिन्हांरा जे जल्दी हुणे रे खातर परमेशरे तैह कित्तिरा। यीशु मसीहे अपणा स्वर्गदूत भेज्जीने इन्हौं अपणे सेवक यूहन्ने जो दस्या,

प्रकाशितवाक्य 1:19

इस खातर सै गल्लां जे तैं देखियां कने सै गल्लां जे हुया राँईयां कने सै गल्लां जे इसते बाद हुणे औल़ियां इ, तिन्हां सब्बीं जो लिखी लै।