यूहन्ना 16:10 - बिलासपुरी नौआं नियम

¹⁰ धार्मिकता रे बारे च इस खातर काँह्भई हुण हऊँ परमेशर पिता लौ जाईराँ कने तुहां मिन्जो नीं देखणा।

यूहन्ना 16:10 ပူးပေါင်းရင်းမြစ်များ

यूहन्ना 16:28

हऊँ पिता परमेशरा ते प्रगट हुईने इस संसारा च आया; हुण फेरी भीं, हऊँ इस संसारा जो छड्डिने पिता परमेशरा लौ जाईराँ।”

यूहन्ना 16:5

हुण हऊँ अपणे भेजणे औल़े परमेशरा ले जाया राँ; हुण तुहां चते कोई बी मेरते ये नीं पुछी सकदा, भई हऊँ कितो जाईराँ?

यूहन्ना 3:14

कने तियां जे मूसे सुनसान जगह च पितल़ी रे बणीरे सर्पा जो ऊच्चिया ठारी टंगाया, तियां इ मेरा यनि माहणुये रे पुत्रा रा ऊच्चिया ठारी टंगया जाणा बी जरूरी आ;

यूहन्ना 5:32

मेरिया तरफा ते गवाही देणे औल़ा इक होर आ, कने हऊँ जाणाँ भई सै जे मेरी गवाही देआं सै सच्ची।

यूहन्ना 7:33

इस पर यीशुये गलाया, “हऊँ होर थोड़िया देरा तक तुहां सौगी आ, तिसते बाद माह तिसलौ बापस चली जाणा तिने जे हऊँ भेज्जिरा।

प्रेरितां 17:31

काँह्भई तिने इक दिन रखीरा, तिसच जे तिस माहणुये रे जरिये संसारा रा न्याय करना, तिस्सो जे तिने रखीरा, कने तिस्सो मूईरेयां चते ज्यूंदा करीने इसा गल्लां रा सबूत सारयां लोकां जो देईतरा।”

प्रेरितां 2:32

इस इ यीशुये जो परमेशरे जिऊंदा कित्या, तिसरे जे अहें सारे गवाह ये।

प्रेरितां 3:14

तुहें यीशुये रा इन्कार कित्या सै जे पवित्र कने धर्मी था कने इक हत्यारे जो तुहां खातर छडणे जो विनती कित्ती,

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।

रोमियो 1:17

काँह्भई खुशखबरी अहांजो ये दस्सां इ भई परमेशर कियां माहणुये जो अपणिया नज़राँ च धर्मी बणाँ; सै शुरु ते लेईने आखिर तक विश्वासा पर टिकिरा; तियां जे भई पवित्रशास्त्रा च लिखिरा, “धर्मी माहणु विश्वासा ते जिऊंदा रैहणा।”

1 कुरिन्थियों 1:30

पर तिसरिया वजह ने तुहें मसीह यीशुये चे सै जे परमेशरा रिया तरफा ते अहांरे खातर ज्ञान, यनि धार्मिकता कने पवित्रता, कने छुटकारा बणीग्या।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

गलातियां 5:5

पर अहौं पवित्र आत्मा रिया तरफा ते पूरा भरोसा भई परमेशर अहांजो धर्मिये रे रुपा च ग्रहण करगा, काँह्भई अहें यीशु मसीह पर विश्वास कराँ ये।

1 तिमुथियुस 3:16

इसच शक निआं भई अहांरे विश्वासा च महान भेत आ : मसीह सै जे माहणु बणीने आया, पवित्र आत्मे दिखाया भई सै सच्चमुच परमेशरा रा पुत्र था, स्वर्गदूतें तिसजो देख्या, सारी जातियां रे लोकां च तिसरे बारे रा प्रचार हुया, संसारा रे लोकें तिस पर विश्वास कित्या, कने परमेशर तिस्सो स्वर्गा च लेईग्या।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।