यूहन्ना 15:7 - बिलासपुरी नौआं नियम

⁷ जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

यूहन्ना 15:7 ပူးပေါင်းရင်းမြစ်များ

मत्ती 7:7

सै जे तुहांरियां जरूरतां इयां तिसजो परमेशरा ते मंगा, तिस सै तुहांजो देणा; टोल़गे तां तुहां पाणा, खटखटाणा जारी रखा कने दरवाजा खोल्या जाणा।

यूहन्ना 14:13

जो किछ तुहां मेरे नौआं ते मेरते मंगणा सै माह करी देणा, ताकि पुत्रा रे जरिये पिता री महिमा हो।

यूहन्ना 15:16

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

यूहन्ना 16:23

तिस वगत ताहली जे तुहां मिन्जो भीं देखणा तुहां मेरते कोई स्वाल नीं पुछणे। हऊँ तुहांजो सच-सच बोलां, भई जो किछ तुहां पिता ते मेरा चेला हुणे रे नाते मंगणा, तिस्सो सै सब किछ मिली जाणा।

यूहन्ना 8:31

फेरी यीशु तिन्हां यहूदी अगुवेयां ने गलाणे लगया सै जे तिस पर विश्वास कराँ थे, “जे तुहें लोक मेरी सखाई रियां सारियां गल्लां जो सुणीने अपणयां सारयां कम्मां जो तिसरे मुतावक कराँ ये, तां सच्चीजो तुहें मेरे चेले हुणे।

यूहन्ना 8:37

हऊँ जाणाँ भई तुहें अब्राहम रे बंशा ते; फेरी बी तुहां मेरियां सखाई रियां गल्लां रा पालन नीं करना, इस खातर तुहें मिन्जो मारी देणा चांये।

गलातियां 4:2

सै पिता रे जरिये तैह वगता तक देखभाल करने औल़े कने जाँचणे औल़े रे अधीन रैआं।

गलातियां 5:16

पर हऊँ बोलां भई पवित्र आत्मा रे मुतावक जीआ तां तुहें अपणे पापी स्वभावा रियां इच्छां जो पूरा नीं करगे।

कुलुस्सियां 3:16

मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

1 यूहन्ना 2:14

परिपक्व विश्वासियो, मैं तुहांजो इस खातर लिखिरा, भई सै जे शुरु तेई हाया तिस्सो तुहें जाणी चुक्कीरे। नौजवानो, मैं तुहांजो इस खातर लिखिरा, भई तुहें ताकतवर ये, कने परमेशरा रा वचन तुहां च बास कराँ, कने तुहें तिस शैतान्ना जो हराई तरा।

1 यूहन्ना 2:27

पर तुहांरे खातर यीशु मसीह पवित्र आत्मा दित्तिरा कने सै पवित्र आत्मा तुहां चा; इस खातर सच्चाईया रे बारे च कोई होर माहणु तुहांजो सखाओ इसरी जरूरत नीं। बरन पवित्र आत्मा सारी सच्चाईया रे बारे जाणने च तुहांरी मदद करो। जो किछ पवित्र आत्मा तुहांजो सखां सै विल्कुल सच्च आ, तिसच कोई झूट्ठ निआं। इसी खातर तियां जे पवित्र आत्मा तुहांजो बोलीरा, तियां इ तुहें मसीह च बणीरे रौआ।

1 यूहन्ना 3:22

कने सै किछ जे अहें परमेशरा ते मंगां ये, सै अहांजो तिसते मिलां; काँह्भई अहें तिसरे हुक्मां जो मन्नां यें, कने सै जे किछ तिस्सो ठीक लगां अहें सैई कराँ ये।

1 यूहन्ना 5:14

कने अहांरा परमेशरा च ये आत्मविश्वास आ भई जे अहें तिसरिया इच्छा रे मुतावक तिसते विनती करिये, तां सै अहांरी सुणां,