यूहन्ना 15:20 - बिलासपुरी नौआं नियम

²⁰ मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

यूहन्ना 15:20 ပူးပေါင်းရင်းမြစ်များ

मत्ती 10:24

चेला अपणे गुरुये ते बड़ा खास नीं हुन्दा कने नांई कोई दास अपणे मालका ते बड़ा खास हुआं।

मरकुस 10:39

चेलयां तिस्सो गलाया, “अहांते हुई सक्कां।” यीशुये तिन्हौं गलाया, “सै दुख जे हऊँ सैहणे औल़ा; तिसजो तुहें सैई सक्कां ये; कने तिसा मौती जे हऊँ मरने जाईराँ, तिसा मौती तुहें मरी सक्कां ये!

लूका 2:34

फेरी शमौने तिन्हाजो आशीष दित्ति, कने तिने तिसरी माता मरियमा ने गलाया, “ये न्याणा परमेशरा री चुणीरी नशाणी इ। इस्राएल रे बौहत लोकां तिसरा इन्कार करना, कने सैई गल्ल कईयां रे उजड़ने री वजह बणनी, पर तिस बौहत लोकां रे खातर आशीषा री वजह बणना।

लूका 6:40

चेला अपणे गुरुये ते कदीं बड्डा नीं हुन्दा। पर जे सै पूरी शिक्षा ग्रहण करो तां अपणे गुरुये रे बराबर बणी सक्कां।

यूहन्ना 10:31

फेरी यहूदियें तिसजो मारने खातर दोबारा पत्थर चक्के।

यूहन्ना 11:57

मुखियायाजकें कने फरीसियें यीशुये जो गिरफ्तार करने रे मकसदा ने ये हुक्म दित्या था भई जे किसी माहणुये जो पता चली जो भई यीशु किति आ? तां सै इसरी सूचना अहांजो देओ, ताकि अहें तिस्सो पकड़ी सक्को।

यूहन्ना 13:16

हऊँ तुहांजो सच-सच बोलां, इक दास अपणे गुरुये ते बडा नींआ, कने नांई इक सनेहा देणे औल़ा तिसते बड्डा सै जे तिसजो भेज्जां।

यूहन्ना 5:16

इसा बजह ने यहूदी अगुवे यीशुये जो तंग करने लगे, काँह्भई सै येढ़े काम्म विस्राम रे दिन कराँ था।

यूहन्ना 7:32

फरीसियें लोकां जो यीशुये रे बारे च हौल़यां-हौल़यां ये गल्लां गलान्दे हुए सुणया; कने मुखियायाजकें कने फरीसियें तिस्सो पकड़ने जो मन्दरा रे पैहरेदार भेज्जे।

यूहन्ना 8:51

हऊँ तुहांजो सच्च बोल्लां भई जे कोई माहणु मेरियां सखाई रियां गल्लां रा पालन करगा, तिस कदीं नीं मरना।”

यूहन्ना 8:52

यहूदियें तिसने गलाया, “हुण अहें जाणीगे भई तूह च बुरीआत्मा समाईरी। अब्राहम मरीग्या, कने भविष्यवक्ते बी मरीये; कने तू बोल्लां, ‘जे कोई मेरियां सखाई रियां गल्लां रा पालन करगा, तिस कदीं नीं मरना।’

यूहन्ना 8:59

फेरी इस पर लोकें यीशुये जो मारने खातर पत्थर चक्के, पर सै तिन्हां वलाते हटया कने मन्दरा ते निकल़ीने दूर चलिग्या।

प्रेरितां 14:22

कने हरेक नगरा रे चेलयां रे मना जो मजबूत करदे रहे कने ये उपदेश देआं थे भई विश्वासा च बणीरे रौआ; कने ये बोलां थे, “अहांजो मते दुख सहीने परमेशरा रे राज्जा च जाणे मिलणा।”

1 कुरिन्थियों 4:12

कने अहें अपणे हात्थां ने अप्पूँ मेहणत कराँ ये। ताहली जे लोक अहांजो गाल़ी दें, तां अहें तिन्हांजो आशीष देआंये; ताहली जे लोक अहांजो सतायें, तां अहें सही लैं।

2 कुरिन्थियों 4:9

सताये त जायें; पर त्यागे नीं जान्दे, अहें झुकाईरे त हाये, पर नाश नीं हुन्दे।

1 थिस्सलुनीकियां 2:15

तिन्हें जे प्रभु यीशुये जो मारया कने भविष्यवक्तयां जो बाहर खदेड़ीत्या, कने अहांजो सताया, सै परमेशरा जो नीं खुश करदे, कने सै सारे माहणुआं रा वरोध कराँ ये।

2 तिमुथियुस 3:12

असल च, जो बी मसीह यीशुये च भगतिया रा जीवन जीणा चांये सै सारे सताये जाणे।