यूहन्ना 15:2 - बिलासपुरी नौआं नियम

² सै जे डाल़ी मेरे च हई कने फल़ नीं ल्यान्दी, तिस्सो सै बढी देआं। कने सै डालियां जे फल़ देईयां, तिन्हांजो सै छांगी देआं भई सै होर बौहत फल़ ल्याओ।

यूहन्ना 15:2 ပူးပေါင်းရင်းမြစ်များ

मत्ती 13:12

काँह्भई सै जे मेरिया गल्ला जो ध्याना ने सुणा कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।

मत्ती 13:33

तिने इक होर उदाहरण तिन्हांजो सणवाया : “स्वर्गा रा राज फैल्लीरे मलेड़े साई आ तिसजो किसी जनाने बौहत सारे आट्टे च मलाया कने तदुआं तक सै रखी रखया तदुआं तक जे सै सारे रा सारा आट्टा मलेड़ा नीं बणीग्या।”

मत्ती 15:13

यीशुये जबाब दित्या, “मेरे स्वर्गीय पिता तिन्हां सब्बीं जो लग करी देणा सै जे तिसरियां गल्लां ते बखरी शिक्षा दें।

मत्ती 21:19

बाट्टा रे कण्डे तिने अंजीरा रा इक डाल़ देख्या, सै तिसरे नेड़े गया, पर तिस डाल़ा पर पत्तयां ते इलावा किछ नीं मिलया, इस खातर तिने डाल़ा ने गलाया, “हुण ते तिज्जो कदीं फल़ नीं लगो।” कने सै अंजीरा रा डाल़ इकदम सुक्कीग्या।

मत्ती 25:29

काँह्भई सै जे मेरिया गल्ला जो ध्याना ने सुणा कने समझां, परमेशर तिसजो होर जादा समझणे रे लायक बणां; पर सै जे मेरिया गल्ला जो ध्याना ने नीं सुणदा कने समझदा तिस सै बी भुल्ली जाणा तिसजो जे सै पैहले ते जाणदा हो।

मत्ती 3:10

कने तियां जे इक माहणु अपणिया कुहाड़िया ने सै डाल़ जे बुरा फल़ ल्यावां तिसजो बड्डी टुक्की ने अग्गी च जल़ाणे जो त्यार आ, ठीक तियां इ परमेशर बी तुहौं तुहांरे पापां खातर सजा देणे जो त्यार आ।

मत्ती 3:12

यीशु तिस माहणुये साई आ तिसरे हत्था च जे छज आ, तिसने सै दाणयां जो भूआ ते लग करीने, अपणे ख्वाड़े ते साफ कित्तिरे सारे नाजा जो कट्ठा करीने पेड़ुये च भरी देआं, कने भूआ जो अग्गी च फुकी देआं, तियां इ परमेशरा धर्मी लोकां जो अधर्मियां ते लग करीने स्वर्गा जो लैई जाणा कने सै आग्ग जे कदीं नीं बुझदी अधर्मियां जो भूआ साई तिसा अग्गी च पाई देणा।”

मत्ती 7:19

माहणु तिन्हां सारयां पेड़ां जो बड्डी टुक्की ने अग्गी च फुकी देआं, तियां इ झूट्ठे भविष्यवक्तयां सजा पाणी।

मरकुस 4:20

पर किछ लोक उपजाऊ धरतिया पर बाहीरे ब्यूआ साई ये, सै परमेशरा रे वचना जो सुणीने ग्रहण करी लैं कने सै इस पर विश्चास बी कराँ ये। सै परमेशरा रिया इच्छा पर चलां ये। सै तिन्हां खरयां बुट्टयां साई ये तिन्हांरी पैदावार जे तीह गुणा, साठ गुणा कने सौ गुणा हुआं इ।”

लूका 8:13

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, काँह्भई सै सिर्फ थोड़े इ वगता तक विश्वास कराँ ये; सै तिन्हां पौध्यां साई ये तिन्हांरियां जड़ां जे डुग्गियां नीं हुन्दियां। ताहली जे परमेशरा रे सन्देशा पर विश्वास करने रिया वजह ने तिन्हां पर दुख कने तकलीफां औईयां, तां सै विश्वासा ते भटकीने पाप कराँ ये।

यूहन्ना 15:1

यीशुये गलाया, “हऊँ अँगूरा रिया बेली साई आ; कने मेरा पिता तिसरा माली आ।

यूहन्ना 15:16

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

यूहन्ना 15:3

तुहां लोकां जो सै जे उपदेश मैं दित्तिरा, तिसरिया वजह ते तुहें पैहले तेई सुच्चे हुईगरे।

यूहन्ना 15:6

जे कोई मांहने जुड़ीरा नीं रैंहदा तां सै टुटी रिया डालिया साई सटी दित्या जां कने सै सुकी जां। फेरी तिन्हां डालियां जो कट्ठयां करीने अग्गी च पाईने फुकी दें।

यूहन्ना 15:8

इसते मेरे पिता री बौहत बडयाई हुआं इ भई तुहें मेरे चेले बणीने बौहत फल़ पैदा करने औले हुईजो।

यूहन्ना 17:12

तदुआं तक जे हऊँ तिन्हांने सौगी रैया, तेरे तिस नौआं रिया सामर्था ते सै जे तैं मिन्जो दित्तिरी, मैं तिन्हांरी हिफाजत किति, कने तिन्हेंजे अपणे खातर भटकणा हि चुणया तिन्हांजो छड्डीने तिन्हां च कोई बी नाश नीं हुआ, ताकि पवित्रशास्त्रा च जो किछ लिखिरा सै सच्च ओ।

रोमियो 11:17

इस्राएली लोक जैतून डाल़ां रियां डाल़ियां साई ये कने पूर्वज अब्राहम, इसहाक कने याकूब डाल़ां रियां जड़ां साई ये। जे किछ डाल़ियां तोड़ी दित्तियां जाओ, कने तुहें अन्यजातियां रे लोक जंगली डाल़ां रियां डाल़ियां साई ये कने तिन्हां डाल़ां पर कलम कित्ते गईरे तां तुहें तिन्हां जैतून रे खरयां डाल़ां री जड़ां री खुराका रा हिस्सा हुईगे,

रोमियो 11:22

इस खातर तू परमेशरा रिया दया जो देख कने तिसरिया सख्तिया पर ध्यान दे। सै सख्ती तिन्हांरे खातर इ सै जे अविश्वासा रिया वजह ने गिरीगरे पर तिसरी दया तेरे खातर इ, तू अप्पूँ पर तिसरी दया बणीरी रैहणे दे, नैत डाल़ा ते तू बी बड्डीने सट्टि दित्या जाणा।

रोमियो 8:28

अहें जाणाँ ये भई परमेशर तिन्हां सारयां लोकां रे खातर अच्छी चीजां ल्यौआं सै जे तिस्सो प्यार कराँ ये; यनिके तिन्हांरे खातर सै जे तिसरिया मर्जिया रे मुतावक तिस्सो जे तिने चुणीरा।

1 कुरिन्थियों 13:1

जे हऊँ माहणुआं कने स्वर्गदूतां री बोलियां बोलूं कने प्यार नीं रखूं, तां मेरी गल्ल ठनठनांदा पीतल, कने झनझनांदी हुई झांझरा साई हूणी।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

इब्रानियों 12:15

कने ध्यान रखा, येढ़ा नीं ओ भई कोई परमेशरा रे अनुग्रह ते छुटी जाओ, या अविश्वासा री कड़वी जड़ तुहांरे बिच फुटी जो कने अपणे जहरा रे जरिये बौहत सारे लोकां जो दुख देओ कने अशुद्ध बणाये।

1 यूहन्ना 2:19

सै मसीह रा बरोध करने औल़े अहांरा साथ छड्डी ने चली गरे, पर सै अहांरे अपणे नीं थे। जे सै अहांरे अपणे हुन्दे, तां अहांने सौगी रैहन्दे। पर सै अहांजो छड्डी गरे ताकि परमेशर अहांजो ये दस्सी सक्को भई तिन्हां चते कोई बी अहांरा निआं।

प्रकाशितवाक्य 3:19

हऊँ तिस-तिसने जे प्यार कराँ, तिन्हां सब्बीं जो थिड़कीने सधेराँ; इस खातर ईमानदारिया ने अपणयां पापां ते मन फिरा।