यूहन्ना 15:15 - बिलासपुरी नौआं नियम

¹⁵ हूणा ते बाद हऊँ तुहांजो दास नीं बोलदा; काँह्भई दास नीं जाणदा भई तिन्हांरा मालक क्या-क्या करया राँ, पर हऊँ तुहांजो दोस्त बोलां, काँह्भई मैं तुहांजो सारियां गल्लां बातां दस्सी रियां, सै जे मैं अपणे पिता ते सुणी रियां।

यूहन्ना 15:15 ပူးပေါင်းရင်းမြစ်များ

मत्ती 13:11

तिने जबाब दित्या, तुहांजो परमेशरा रे राज्जा री छुपी रियां गल्लां जो समझणे री अक्कल दित्तिरी, पर तिन्हांजो नीं।

लूका 10:23

ताहली जे सै कल्हे थे, तां सै अपणे चेलयां खां मुड़ीने चुपचाप गलाया, “तुहें जो किछ बी देख्या, तिस्सो देखणे औल़े होर लोक बी धन्या हुईगे।

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 13:16

हऊँ तुहांजो सच-सच बोलां, इक दास अपणे गुरुये ते बडा नींआ, कने नांई इक सनेहा देणे औल़ा तिसते बड्डा सै जे तिसजो भेज्जां।

यूहन्ना 15:20

मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

यूहन्ना 16:12

“हऊँ तुहांजो होर बी बौहत सारियां गल्लां दसणा चांह, पर हल्तियें तुहें इन्हां सारियां गल्लां जो समझी नीं सकदे।

यूहन्ना 17:26

मैं तिन्हांजो दस्या भई तू कुण आ, कने मांह लगातार दसदे रैहणा, ताकि जिस तरिके ने तैं मेरने प्यार कित्या, तियां इ सै दुज्यां जो प्यार करी सक्को, कने हऊँ बी तिन्हांच बणीरा रऊँ।”

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

यूहन्ना 4:19

इस पर जनाने तिसने गलाया, “प्रभु जी, हऊँ समझी सक्कां इ भई तू इक भविष्यवक्ता।

यूहन्ना 8:26

तुहांरे बारे च गलाणे जो कने तुहांरा न्याय करने जो मेरले बौहत किछ आ; पर मेरा भेजणे औल़ा सच्चा, कने जो किछ हऊँ तिसते सुणां, सैई संसारा ने बोलां।”

प्रेरितां 20:27

काँह्भई हऊँ परमेशरा रियां सारियां गल्लां जो तुहां पूरिया रितिया ते दसणे जो कदीं मनी झिझक्या।

रोमियो 7:15

हऊँ नीं जाणदा भई हऊँ क्या करी रां; काँह्भई हऊँ सै जे हमेशा करना चाँह, सै करी नीं पान्दा, बल्कि हऊँ सैई कराँ, तिसते जे हऊँ नफरत कराँ।

1 कुरिन्थियों 2:16

तियां जे पवित्रशास्त्र बोलां, “काँह्भई कुण आ सै, तिने जे प्रभुये रा मन जाणील्या हो भई सै प्रभुये जो सखाई सक्को?” पर अहां च मसीह रा मन आ।

गलातियां 4:6

काँह्भई तुहें परमेशरा रे बच्चे हो, इस खातर परमेशरे अहांरे दिलां च अपणे पुत्रा री आत्मा भेज्जी, सैई आत्मा परमेशरा जो “हे अब्बा, हे पिता, बोलीने पुकाराँ।”

इफिसियां 1:9

परमेशरे अपणिया इच्छा रा भेत भली योजना रे मुतावक अहां पर परगट कित्या, सै जे तिने मसीह च तैह कित्या था।

इफिसियां 3:5

ये भेत पिछली पीढ़िया रे लोकां जो इयां नीं दस्सीरा था, तियां जे हुण पवित्र आत्मा रे जरिये परमेशरा रे पवित्र प्रेरितां कने भविष्यवक्तयां पर परगट कित्या गया।

कुलुस्सियां 1:26

परमेशरे इस भेता जो तिन्हां सारयां लोकां ते सै जे पैहले थे छुपाई ने रखीरा था, पर हुण परमेशरे अपणे पवित्र लोकां पर परगट कित्या।

फिलेमोन 1:16

पर हुण ते सै सिर्फ तेरा दास इ नीं हूणा वल्कि दास्सा ते बी बधी नेआ, काँह्भई हुण सै मसीह च प्यारा साथी विश्वासी आ। हऊँ तिस्सो बौहत प्यार कराँ, पर तिज्जो तिसने होर बी जादा प्यार करना चाहिन्दा, काँह्भई सै तेरा दास आ कने प्रभुये च तेरा साथी विश्वासी बी आ।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

याकूब 2:23

इस खातर तियां जे पवित्रशास्त्रा च लिखिरा, तियां इ हुया, “अब्राहमे परमेशरा पर विश्वास कित्या, कने तिसरे विश्वासा रिया वजह ने परमेशरे अब्राहम जो धर्मिये रे रुपा च ग्रहण कित्या, कने सै परमेशरा रा मित्र कहलाया।

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।

प्रकाशितवाक्य 1:1

यीशु मसीह रा प्रकाशन, सै जे परमेशरे तिस्सो इस खातर दित्या ताकि सै अपणे सेवकां जो तिन्हां गल्लां जो दिखाओ, तिन्हांरा जे जल्दी हुणे रे खातर परमेशरे तैह कित्तिरा। यीशु मसीहे अपणा स्वर्गदूत भेज्जीने इन्हौं अपणे सेवक यूहन्ने जो दस्या,