यूहन्ना 15:10 - बिलासपुरी नौआं नियम

¹⁰ जे तुहें मेरयां हुक्मां जो मनगे तां तुहां मेरे प्यारा च बणीरे रैहणा। तियां जे हऊँ पिता परमेशरा रे हुक्मां रा पालन करीने तिसरे प्यारा च बणीरा रैआं।

यूहन्ना 15:10 ပူးပေါင်းရင်းမြစ်များ

यूहन्ना 10:18

इस्सो माह्ते कोई लेन्दा निआं, पर हऊँ इस्सो अपणिया इच्छा ने देआं। मिन्जो अपणी जान देणे रा बी अधिकार आ, कने तिस्सो फेरी भीं लेणे रा बी अधिकार आ; ये हुक्म मिन्जो मेरे पिता परमेशरा ते मिलीरा।”

यूहन्ना 12:49

काँह्भई मैं अपणिया खा ते गल्लां नीं कित्ती यां; पर पिता तिने जे मिन्जो भेज्या तिने इ मिन्जो हुक्म दितिरा भई क्या-क्या बोलूं कने क्या-क्या नीं बोलूं?

यूहन्ना 14:15

“जे तुहें मेरने प्यार कराँ ये, तां तुहां मेरयां हुक्मां जो मनणा।

यूहन्ना 14:21

तिस जे मेरा हुक्म मनणा, कने तिन्हांरा पालन करना, तिस सचमुच मेरने प्यार करना; सै जे मेरने प्यार कराँ तिसने मेरे पिता प्यार करना मांह बी तिसने प्यार करना कने अप्पूँजो तिसरे सामणे परगट करना।”

यूहन्ना 14:23

यीशुये तिस्सो जबाब दित्या, “तिसजे मेरने प्यार करना, तिस मेरी शिक्षां जो मनणा; कने तिसने जे मेरा पिता प्यार करगा, कने अहां तिसले औणा कने तिसने सौगी रैया करना।

यूहन्ना 14:31

ये गल्लां इस खातर पूरियां हुणियां भई संसारा जो पता लगी जाओ भई हऊँ पिता ने प्यार कराँ। पिता तेढ़ा जे हुक्म मिन्जो दितिरा, हऊँ तेढ़ा ही कराँ। हुण उट्ठा कने येत्थीते चला।”

यूहन्ना 17:4

सै जे काम्म तैं मिन्जो करने जो दित्तिरे थे, तिन्हां सब्बीं जो पूरा करीने, संसारा च मैं तेरी महिमा कित्ती।

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

यूहन्ना 8:29

कने मेरा भेजणे औल़ा मेरे कन्ने आ; तिने हऊँ सुनसान जगह च नीं छड्डीरा, काँह्भई हऊँ सदा सैई काम्म कराँ तिसते जे मेरा पिता खुश हुआं।”

यूहन्ना 8:55

तुहें त तिस्सो कदीं नीं जाणया : पर हऊँ तिस्सो जाणाँ। जे हऊँ बोलूं भई हऊँ तिस्सो नीं जाणदा, तां हऊँ बी तुहां साई झूट्ठा समझया जाणा; पर हऊँ तिस्सो जाणाँ कने तिसरे हुक्मा रा पालन कराँ।

1 कुरिन्थियों 7:19

नांत खतना कराणे औल़े रा कोई महत्व हाया कने नांई बगैर खतने औल़े रा, पर परमेशरा रे हुक्मा रा पालन करना इ सब किछ आ।

1 थिस्सलुनीकियां 4:1

भाईयो, अहें तुहांते विनती कराँ ये कने तुहांजो प्रभु यीशुये च समझावांये भई तेढ़ा जे तुहें अहांते ठीक चाल चलना कने परमेशरा जो खुश करना सिखी रा, कने तेढ़े जे चलां बी ये, तेढ़े इ होर बी तरक्की करदे जाओ।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

2 पतरस 2:21

काँह्भई तिन्हांरे खातर ये भला हुन्दा भई तिन्हें भलाईया रे रस्ते जो कदीं जाणया इ नीं हुन्दा, बजाये इसरे तिस्सो जाणने ते बाद सै जे पवित्र हुक्म तिन्हौं सौपे गये थे तिन्हांते मुँह मोड़दे।

1 यूहन्ना 2:3

जे अहें परमेशरा रे हुक्मा रा पालन करगे, येई सै रस्ता तिसते जे अहांजो निश्चा भई अहांरा तिसने अच्छा सम्बन्ध आ।

1 यूहन्ना 2:5

पर जे कोई परमेशरा रे वचना रा पालन करो, तां तिसच परमेशरा रा प्यार साबित हुईरा, अहांजो इसते पता चलां, भई अहें तिस सौगी संगती रक्खां ये।

1 यूहन्ना 2:6

सै जे कोई ये बोलां भई मेरा तिसने सम्बन्ध आ, तिस्सो परमेशरा रे हुक्मा रा पालन तियां इ करना चाहिन्दा, तियां जे यीशु मसीह कित्या।

1 यूहन्ना 5:3

कने परमेशरा रा प्यार येआ, भई अहें तिसरे हुक्मां रा पालन करिये, सै जे मुश्कल नींये।

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।