यूहन्ना 14:31 - बिलासपुरी नौआं नियम

³¹ ये गल्लां इस खातर पूरियां हुणियां भई संसारा जो पता लगी जाओ भई हऊँ पिता ने प्यार कराँ। पिता तेढ़ा जे हुक्म मिन्जो दितिरा, हऊँ तेढ़ा ही कराँ। हुण उट्ठा कने येत्थीते चला।”

यूहन्ना 14:31 ပူးပေါင်းရင်းမြစ်များ

मत्ती 26:39

फेरी थोड़ा अग्गे खिसकणे ते बाद सै मुँआं रे भार पैईने, प्राथना करने लगया, “हे मेरे पिता, जे हुई सक्को तां माह पर ये दुख नीं औणे दे, तां बी तेढ़ा जे हऊँ चाँह तेढ़ा नीं, पर तियां जे तू चाँह तियां इ ओ।”

मत्ती 26:46

उट्ठा, आओ चलिये; देक्खा, मिन्जो पकड़वाणे औल़ा नेड़े आई पुज्जीरा।”

लूका 12:50

पर औणे औल़े दिनां च मिन्जो कष्टां येढ़े डुबोई देणा तियां जे बपतिस्मे च पाणी माहणुये जो डुबोई देआं, कने तदुआं तक जे सै पूरा नीं हुई जान्दा, तदुआं तक मेरा मन बड़ा व्याकुल रैहणा।

यूहन्ना 10:18

इस्सो माह्ते कोई लेन्दा निआं, पर हऊँ इस्सो अपणिया इच्छा ने देआं। मिन्जो अपणी जान देणे रा बी अधिकार आ, कने तिस्सो फेरी भीं लेणे रा बी अधिकार आ; ये हुक्म मिन्जो मेरे पिता परमेशरा ते मिलीरा।”

यूहन्ना 12:27

“हुण मेरा जी घबराया राँ। इस खातर हुण हऊँ क्या बोलूं? ‘हे पिता, मिन्जो इस दुखा रिया घड़िया ते बचा?’ काँह्भई हऊँ इस इ वजह ते इस संसारा च आया ताकि दुख सहूँ।

यूहन्ना 12:49

काँह्भई मैं अपणिया खा ते गल्लां नीं कित्ती यां; पर पिता तिने जे मिन्जो भेज्या तिने इ मिन्जो हुक्म दितिरा भई क्या-क्या बोलूं कने क्या-क्या नीं बोलूं?

यूहन्ना 13:1

फसह रे त्योहारा ते पैहले, यीशुये जाणील्या भई, सै बगत नेड़े आ ताहली जे तिस इस संसारा जो छड्डिने पिता परमेशरा लौ चली जाणा। तिने संसारा च सै जे तिसरे अपणे लोक थे कने सै जे तिसने प्यार कराँ थे, तिन्हांने बौहत सारा प्यार जताया।

यूहन्ना 15:9

तियां जे मेरे पिता परमेशरे मेरने प्यार कित्या, तियां इ मैं बी तुहांजो प्यार कित्या। मेरे प्यारा च बणीरे रौआ।

यूहन्ना 18:11

तां यीशुये पतरसा जो गलाया, “अपणिया तलवारा जो मयाना च रख: क्या हऊँ पीड़ा जो नीं सऊँ सै जे पिता परमेशरे मिन्जो दित्तिरी?”

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

फिलिप्पियां 2:8

कने तिने माहणुये रे रुपा च प्रगट हुईने अप्पूँजो नम्र कित्या कने परमेशरा रा आज्ञाकारी हुईने सै मरने रे खातर त्यार हुआ, कने अपराधिये साई क्रूसा पर मरया।