यूहन्ना 14:30 - बिलासपुरी नौआं नियम

³⁰ कने जादा हऊँ तुहांजो ये गल्लां नीं करी सकदा काँह्भई इस संसारा पर राज करने औणे औल़ा शैतान; माह पर तिसरा कोई अधिकार नींआ।

यूहन्ना 14:30 ပူးပေါင်းရင်းမြစ်များ

लूका 1:35

इसा गल्ला पर स्वर्गदूते तिसाजो जबाब दित्या, “पवित्र आत्मा तेरे ऊपर उतरना, कने परमप्रधान परमेशरा री महान सामर्थ तू पर छाणी। इस खातर तेरते सै जे न्याणा जमणा सै पवित्र हूणा, कने सै परमेशरा रा पुत्र कहलाया जाणा।

लूका 22:53

ताहली जे हऊँ हर रोज मन्दरा च तुहांजो सौगी हुआं था, तां तुहें तिस बगत मिन्जो काँह नीं पकड़या? पर ये तुहांरा बगत आ, सै बगत, ताहली जे अन्धेरे री ताकत काम्म कराँ इ।”

यूहन्ना 12:31

हुण इस संसारा रे लोकां रा न्याय करने रा वगत आईगरा, कने हुण परमेशरा इस संसारा पर राज करने औल़े शैतान्ना रिया शक्तिया जो खत्म करी देणा;

प्रेरितां 1:3

यीशुये रे दुख सैहणे कने क्रूसा पर लटकाये जाणे ते बाद कई सारे पक्कयां सबूतां ने अप्पूँजो प्रेरितां रे सामणे ज्यूंदा परगट कित्या, कने चाल़ियां दिनां तक सै तिन्हांजो दुसदा रैया, कने परमेशर माहणुआं पर कियां राज कराँ ये गल्लां दस्सियां।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

इफिसियां 6:12

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

1 पतरस 1:19

पर निर्दोष कने कलंक रहित मेमने यनि मसीह रे कीमती खून्ना ते हुई।

1 पतरस 2:22

पवित्रशास्त्र बोलां, मसीहे कदी कोई पाप नीं कित्या, कने तिने कदीं कोई झूठ नीं बोल्या।

1 यूहन्ना 4:4

मेरे प्यारे बच्चो, तुहें परमेशरा रे लोक ये, कने तुहें झूट्ठे भविष्यवक्तयां पर जीत पाईरी; काँह्भई सै पवित्र आत्मा जे तुहां चा, सै संसारा च रैहणे औल़े शैतान्ना ते महान आ।

1 यूहन्ना 5:18

अहें जाणाँ ये भई सै जे कोई परमेशरा बच्चा, सै पाप नीं करदा; पर परमेशरा रा पुत्र यीशु मसीह तिसजो बचाईने रक्खां, कने शैतान तिसजो छुई नीं पान्दा।

1 यूहन्ना 5:19

अहें जाणाँ ये भई अहें परमेशरा रे बच्चे, कने सारा संसार तिस शैतान्ना रे बशा चा।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।