यूहन्ना 14:3 - बिलासपुरी नौआं नियम

³ जे हऊँ तित्थी जाया राँ, कने तुहां खातर रैहणे री जगह बणाऊं, तां माह फेरी येत्थी आईने तुहांजो अपणे सौगी रैहणे खातर ऊत्थी लेई जांगा, ताकि तुहें बी तित्थी रौआ तित्थी जे हऊँ रौआं।”

यूहन्ना 14:3 ပူးပေါင်းရင်းမြစ်များ

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 14:28

“तुहें मिन्जो बोलदे, सुणयां रायें भई, ‘हऊँ जाया राँ, कने तुहां ला फेरी बी औणा,’ जे तुहें मेरने प्यार कित्या हुंदा तां तुहें खुश हुंदे काँह्भई हऊँ पिता लौ जाया राँ, काँह्भई पिता मेरते महान आ।

यूहन्ना 14:4

तित्थी जे हऊँ जाया राँ, तित्थी रा रस्ता तुहें जाणाँ ये।

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

प्रेरितां 1:11

कने तिन्हांजो गलाया, “गलील प्रदेशा रे लोको, तुहें काँह हल्तियें तक खड़ीने स्वर्गा खौ देख्या रायें? सैई यीशु, तिस्सो जे परमेशर तुहां लाते स्वर्गा जो चक्कीने लेई गरा, जिस तरिके ने तुहें तिस्सो स्वर्गा जो जान्दे देख्या तियां इ तिस फेरी वापस औणा।”

रोमियो 8:17

काँह्भई अहें तिसरे बच्चे, इस खातर सै आशीष जे परमेशर अपणे लोकां खातर रखां तिसजो अहां पाणा, कने मसीह रे खातर बी सै जे परमेशरे रखीरा, तिस्सो बी अहां मसीह ने सौगी पाणा; काँह्भई जे अहें मसीह साई दुख सैं तां अहां बी तिस सौगी महिमा पाणी।

फिलिप्पियां 1:23

काँह्भई मिन्जो दुईं रे बिच चुनाव करने च कठिनाई हुई राँई। हऊँ मरना चाँह ताकि स्वर्गा च हऊँ मसीह ने सौगी रैई सक्कूँ, काँह्भई ये बौहत इ अच्छा हूणा।

2 थिस्सलुनीकियां 1:12

अहें ये प्राथना कराँ ये ताकि अहांरे परमेशरा कने प्रभु यीशु मसीह रे अनुग्रह रे मुतावक अहांरे प्रभु यीशुये रा नौं तुहां च महिमा पाओ, कने तुहां आदर पाणा काँह्भई तुहें तिसरे इ हाये।

2 तिमुथियुस 2:12

जे अहें दुख सैयें तां तिस सौगी राज बी करना। जे अहें तिसरा इन्कार करगे, तां तिस बी अहांरा इन्कार करना,

इब्रानियों 9:28

इस खातर तियां इ मसीह इक इ बार कई माहणुआं रे पापां जो दूर करने खातर बलिदान हुया था। कने सै पापां जो दूर करने रे खातर नीं, पर तिन्हां लोकां रा छुटकारा करने रे खातर मसीहे दोवारा औणा, सै जे तिसरा बेसब्रिया ने इन्तजार करया राँये।

प्रकाशितवाक्य 3:21

सै जे जय पाओ मांह तिस्सो अपणे सौगी अपणे संघासणा पर बठालणा, तियां जे हऊँ बी जय पाईने अपणे पिता सौगी तिसरे संघासणा पर बैठिरा।