यूहन्ना 14:26 - बिलासपुरी नौआं नियम

²⁶ पर सहायक, यनि पवित्र आत्मा, तिस्सो जे पिता मेरे नौआं ते भेजणा, तिस सब गल्लां तुहांजो सखाणियां कने जो किछ मैं तुहांजो गलाया सै सब गल्लां याद कराणियां।

यूहन्ना 14:26 ပူးပေါင်းရင်းမြစ်များ

मत्ती 1:18

यीशु मसीह रा जन्म इस तरिके ने हुया था : ताहली जे तिसरी माता मरियमा री मंगणी यूसुफा सौगी हुई थी, पर तिन्हांरे ब्याह ते पैहले ताहली जे सै कवारी थी पवित्र आत्मा रिया सामर्था ते भारहत्थी हुई।

मत्ती 1:20

पर ताहली जे यूसुफ इस बारे च सोच्ची कराँ था, तां परमेशरा रा इक दूत सपने च तिसरे सामणे आया कने तिसने बोलणे लगया, “ओ यूसुफ! तू सै जे दाऊद राजे रे खानदाना ते आ, मरियमा जो अपणी घरा औल़ी बनाणे ते मत डर, काँह्भई सै बच्चा जे तिसारे पेट्टा चा सै पवित्र आत्मा रिया सामर्था ते आ।

मत्ती 28:19

इस खातर तुहें जाईने सारी जातियां रे लोकां जो चेला बणावा; कने तिन्हांजो पिता, पुत्र, कने पवित्र आत्मा रे नौआं ते बपतिस्मा देआ,

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

मरकुस 12:36

राजा दाऊदे अप्पूँ इ पवित्र आत्मा च हुईने मसीह रे बारे च बोल्या : “ ‘परमेशरे मेरे प्रभुये ने गलाया, “मेरे सज्ज़े पासे बैठ, तदुआं तकौ जे भई हऊँ तेरे सारयां दुश्मणां जो, तेरे बशा च नीं करी दूँ।” ’

मरकुस 13:11

ताहली जे तुहांजो गिरफ्तार करील्या जाओ कने अदालता च लेई जाया जाओ, तां पैहले ते चिन्ता देखां करदे, भई अहां क्या बोलणा। पर सै जे किछ तुहांजो तिस वगत दस्या जाणा, सैई बोलणा; काँह्भई बोलणे औल़े तुहें नींये, पर पवित्र आत्मा।”

लूका 1:15

तिस परमेशरा रे खातर खास काम्म करना। तिस कदीं बी अंगूरां रा रस कने कोई नशीली चीज़ नीं पीणी; कने तिस अपणी मौआ रे गर्भा ची पवित्र आत्मा ते भरी जाणा।

लूका 1:35

इसा गल्ला पर स्वर्गदूते तिसाजो जबाब दित्या, “पवित्र आत्मा तेरे ऊपर उतरना, कने परमप्रधान परमेशरा री महान सामर्थ तू पर छाणी। इस खातर तेरते सै जे न्याणा जमणा सै पवित्र हूणा, कने सै परमेशरा रा पुत्र कहलाया जाणा।

लूका 1:41

येढ़ा हुया भई जियां जे इलिशिबे, मरियमा री नमस्ते सुणी, तियां इ न्याणा तिसारे गर्भा च फुरने लगया, कने इलिशिबा पवित्र आत्मा ने भरीगी।

लूका 1:67

यूहन्ना रा पिता जकर्याह पवित्र आत्मा ने भरीग्या कने तिने येढ़ि भविष्यवाणी किति :

लूका 11:13

जे तुहें बुरे हुईने अपणयां बच्चयां जो खरियां चिज़ां देणा जाणाँ ये, तां स्वर्गीय पिता अपणे मंगणे औल़यां जो पवित्र आत्मा काँह नीं देंगा।”

लूका 2:25

तिस वगत यरूशलेम नगरा च शमौन नौआं रा इक माहणु था। कने सै परमेशरा जो मनणे औल़ा कने तिसरा भगत था; सै जे इस्राएल जो शान्ति दवाणे खातर मसीह रा इन्तजार करया राँ था, कने पवित्र आत्मा तिस सौगी था।

लूका 24:49

कने तिसरा वायदा जे मेरे पिता माहने कित्तिरा, तियां इ मांह बी तुहांरे खातर पवित्र आत्मा भेजणा, पर तदुआं तक जे परमेशर तुहांजो पवित्र आत्मा रिया सामर्था ने भरी नीं दो, तदुआं तक तुहें यरूशलेम ची रैयों।”

लूका 3:22

कने पवित्र आत्मा शरीर रे रुपा च कबूतरा साई तिस पर उतरया, कने स्वर्गा ते ये अवाज़ आई : भई, “तू मेरा प्यारा पुत्र आ, हऊँ तेरते बड़ा खुश आ।”

यूहन्ना 1:33

हऊँ त तिस्सो पछयाणदा बी नीं था, भई सै मसीह था, पर तिने जे मिन्जो पाणिये ते बपतिस्मा देणे जो भेज्जिरा, तिने इ माहने गलाया, ‘तिसरे ऊपर जे तू पवित्र आत्मा जो औंदे कने टिकदे देक्खो, सैई पवित्र आत्मा ते बपतिस्मा देणे औल़ा।’

यूहन्ना 12:16

तिसरे चेले ये गल्लां पैहले नीं समझे थे, पर तंजे यीशुये री महिमा प्रगट हुई तां तिन्हांजो याद आया भई ये गल्लां तिसरे बारे च लिखी रियां थिआं, कने होरीं लोकें तिसने इस तरिके राई बर्ताब कित्या था।

यूहन्ना 14:16

कने मांह तुहांरे खातर पिता ने प्राथना करनी, कने तिस तुहांजो इक सहायक देणा तिस जे तुहांजो सदा रैहणा,

यूहन्ना 14:25

“तदुआं तका जे हऊँ तुहांजो सौगी आ तदुआं तका इ मांह तुहांजो ये गल्लां करनियां।

यूहन्ना 15:26

पर तिस बगत जे सहायक औणा, ये सै पवित्र आत्मा सै जे पिता परमेशरा रिया तरफा ते औआं कने सै जे सच्च आ तिस्सो प्रगट करां। ताहली जे तिस औणा, तां तिस तुहांजो मेरे बारे च दसणा।

यूहन्ना 16:7

जो किछ हऊँ बोल्या राँ सै सच्च आ: मेरा जाणा तुहांरे भले रे खातर आ: जे हऊँ तुहांते दूर नीं जांगा, तां पवित्र आत्मा सै जे तुहांरा मददगार आ तुहांले नीं औणा; पर जे हऊँ जांगा, तां मांह तिस्सो तुहांलौ भेजी देणा।

यूहन्ना 2:22

पर ताहली जे सै मूईरयां चते भीं ते जिऊंदा हुया तां तिसरे चेलयां जो याद आया भई यीशुये येढ़ा बोलीरा था; कने तिन्हे पवित्रशास्त्र सै जे मसीह रे मरने ते बाद जिऊंदा हुणे रे बारे च दस्सां यीशुये रियां गल्लां पर विश्वास कित्या।

यूहन्ना 20:22

येढ़ा बोलीने तिने तिन्हां पर फूक मारी, कने गलाया, “पवित्र आत्मा जो ग्रहण करा।

यूहन्ना 6:45

भविष्यवक्तयां रे लेक्खां च ये लिखिरा : भई ‘सै सारे परमेशरा रे सखाईरे हुणे।’ तिन्हे किन्हिये जे पिता ते सुणया कने सिक्खया सै मेरले औआं।

यूहन्ना 7:39

तिने ये बचन पवित्र आत्मा रे बारे च गलाया, तिस्सो जे तिस पर विश्वास करने औल़े पाणे औल़े इ थे; सै आत्मा हल्तियें किसी पर बी उतरी रा नीं था, काँह्भई यीशु हल्तियें अपणिया महिमा च नीं आईरा था।

प्रेरितां 1:2

तिस दिना तक तदुआं तका जे यीशुये जो परमेशर स्वर्गा च लेईने नीं गया। पर स्वर्ग जाणे ते पैहले तिने अपणे प्रेरितां जो तिन्हांजो जे तिने चुणया था पवित्र आत्मा रिया अगुवाईया ते हुक्म दित्या था।

प्रेरितां 1:4

इक मौके पर, ताहली जे यीशु अपणे चेलयां सौगी रोटी खाया राँ था, तां तिने तिन्हांजो ये हुक्म दित्या, “यरूशलेम नगरा जो मता छडदे, पर पिता रे तिस वायदे रे पूरा हुणे रा इन्तजार करदे रौआ, तिसरे बारे च जे तुहें मेरते सुणी चुक्कीरे।

प्रेरितां 1:8

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

प्रेरितां 11:16

तां मिन्जो प्रभुये रा ये वचन याद आया; सै जे तिने गलाया, ‘यूहन्ने त पाणिये ने बपतिस्मा दित्या, पर तुहां पवित्र आत्मा ते बपतिस्मा पाणा।’

प्रेरितां 13:2

तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।”

प्रेरितां 13:4

इस खातर पवित्र आत्मा रे भेजीरे शाऊल कने बरनबास अन्ताकिया नगरा ते सिलूकिया बन्दरगाह जो गये; कने तित्थी जे जहाज़ा पर चढ़ीने साइप्रस टापुये जो चले;

प्रेरितां 15:28

पवित्र आत्मा जो कने अहां जोये ठीक लगया भई इन्हां जरूरी गल्लां जो छड्डिने, तुहां परा कने बजन नीं पाईये;

प्रेरितां 15:8

मना रे जाँचणे औल़े परमेशरे तिन्हांजो बी अहां साई पवित्र आत्मा देईने ये साबित कित्या भई तिने तिन्हांजो अपणयां लोकां साई ग्रहण कित्या;

प्रेरितां 16:6

सै फ्रूगिया कने गलातिया प्रदेशा चते हुईने गये, काँह्भई पवित्र आत्मे तिन्हांजो आसिया प्रदेशा च वचन सुनाणे ते मना कित्या।

प्रेरितां 2:33

इयां इ परमेशरा रे सज्जे हत्था ते सब्बींते ऊच्ची जगह पाईने, कने पिता ते सै पवित्र आत्मा पाईने तिसरी प्रतिज्ञा जे कित्तिरी थी, तिने ये भेज्जी दित्तिरा सै जे तुहें देख्या कने सुणया रायें।

प्रेरितां 2:4

सै सब पवित्र आत्मा ने भरीगे, कने तियां जे आत्मा तिन्हांजो बोलणे री सामर्थ देयां था, सै लग-लग भाषा बोलणे लगे।

प्रेरितां 20:28

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

प्रेरितां 20:35

मैं तुहांजो सब किछ करीने दस्या भई इयां-इयां मेहणत करीने कमजोराँ जो संभाल़णा कने प्रभु यीशुये रे वचन याद रखणे जरूरी ये, सै जे तिने अप्पूँ इ बोलीरा : ‘परमेशर अहांजो बौहत आशीष देआं ताहली जे अहें अपणे खातर लेणे रे बजाय दुज्जेयां जो दें।’ ”

प्रेरितां 28:25

तां जे सै अप्पूँ चियें इक मत नीं हुये, तां पौलुसा रिया इसा गल्ला रे बोलणे पर चलीगे : “पवित्र आत्मे यशायाह भविष्यवक्ता ते तुहांरे पूर्वजां ने ठीक इ गलाया,

प्रेरितां 5:3

पतरसे गलाया, “हे हनन्याह! सै जे शैताने तेरे मना च पवित्र आत्मा ने झूट्ठ बोलणे रा विचार पाया, कने तुहें अपणी बेच्ची रिया धरतिया रे पैसयां चते थोड़े जे रखी लो?

प्रेरितां 7:51

“तुहें जिद्दी लोक ये सै जे परमेशरा रे हुक्म नीं मनदे कने तिसरियां गल्लां बी नीं सुणदे, तुहें सदा पवित्र आत्मा रा बरोध कराँ ये। तेढ़ा जे तुहांरे पूर्वज कराँ थे, तेढ़ा इ तुहें बी कराँ ये।

प्रेरितां 7:55

पर तिने पवित्र आत्मा ते भरी ने स्वर्गा खौ देख्या कने परमेशरा रे चमकदे तेज्जा जो कने यीशुये जो खबिया खौ खढ़िरे देख्या,

रोमियो 14:17

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।

रोमियो 15:13

सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।

रोमियो 15:16

ताकि हऊँ होरीं जातियां रे खातर यीशु मसीह रा सेवक हुईने इक याजका रा काम्म कराँ, तियां जे हऊँ खुशखबरिया रा प्रचार करीने सेवा कराँ। इस तरिके ने हऊँ अन्यजाति लोकां जो परमेशरा जो खुश करने औल़ी इक भेन्टा साई तिसले ल्याई सक्कूँ, काँह्भई पवित्र आत्मे तिन्हांजो पवित्र कित्तिरा।

रोमियो 5:5

कने ये आशा अहांजो निराश नीं हुणे देन्दी, काँह्भई पवित्र आत्मा सै जे परमेशरे अहांजो दित्तिरा, तिसरे जरिये परमेशरा रा प्यार अहांरे दिलां च भरी तरा।

1 कुरिन्थियों 12:3

इस खातर हऊँ तुहांजो खबरदार कराँ भई जो कोई परमेशरा रे आत्मा री अगुवाईया ने बोलां, सै नीं बोलदा भई “यीशु स्रापित आ,” कने नां कोई पवित्र आत्मा ते बिणा बोल्ली सक्कां भई “यीशु प्रभु आ।”

1 कुरिन्थियों 6:19

क्या तुहें नीं जाणदे भई तुहांरा शरीर पवित्र आत्मा रा मन्दर आ; सै जे तुहां च बसीरा कने तुहांजो परमेशरा रिया तरफा ते मिलीरा? कने तुहें अपणे नींये,

2 कुरिन्थियों 13:14

प्रभु यीशु मसीह रा अनुग्रह, परमेशरा रा प्यार कने पवित्र आत्मा री सहभागिता तुहां सब्बी ने सौगी बणीरी रौ।

2 कुरिन्थियों 6:6

पवित्रता ते, ज्ञाना ते, धीरजा ते, दयालुता ते, पवित्र आत्मा ते, सच्चे प्यारा ने,

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

इफिसियां 4:30

परमेशरा रे पवित्र आत्मा जो दुखी मत करा काँह्भई परमेशरे अपणे पवित्र आत्मा ने तुहां पर मोहर लगाईरी भई इक दिन परमेशर तुहांजो पूरे तरिके ने छुड़वांगा।

1 थिस्सलुनीकियां 4:8

इस वजह ते सै जे इसा शिक्षा जो बेकार जाणाँ, सै माहणुये जो नीं पर परमेशरा जो बेकार जाणाँ, सै जे अपणा पवित्र आत्मा तुहांजो देआं।

2 तिमुथियुस 1:14

पवित्र आत्मा रिया सामर्था रे जरिये सै जे अहां च वास कराँ तिसा सच्चाईया री रखवाल़ी कर सै जे तिज्जो सौपी गईरी।

तीतुस 3:5

तां तिने अहांरे पापां रिया सजा ते अहांजो बचाया; कने ये भलयां कम्मां रिया वजह ते नीं, सै जे अहें अप्पूँ कित्ते थे, पर अपणी दया रिया वजह ते। परमेशरे अहांजो नया जीवन दित्या कने तिने अहांरे पापां जो अहांते दूर करीने इक नये तरिके ने बर्ताव करने खातर अहांरी मदद कित्ती; तिने अहांरे अन्दर पवित्र आत्मा जो रखणे रे जरिये ये कित्या।

इब्रानियों 10:15

इसरे खातर पवित्र आत्मा बी अहांजो इस बारे च बोलां; पैहले सै बोलां,

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।

इब्रानियों 3:7

इस खातर तेढ़ा जे पवित्र आत्मा बोलां, “जे तुहें आज्ज परमेशरा री अवाज़ सुणो,

इब्रानियों 9:8

इस नियमा रे जरिये पवित्र आत्मा ये दस्सां भई तदुआं तकौ जे हल्तियें पैहला तम्बू खढ़िरा, तदुआं तक परमपवित्र जगह रा रस्ता दिखाई नीं देन्दा।

1 पतरस 1:12

पर परमेशरे इन्हां भविष्यवक्तयां जो परगट कित्या भई तिन्हांरा सन्देश तिन्हांरे फायदे रे खातर नीं था बल्कि तुहांरे खातर था। सै सन्देश यीशु मसीह री खुशखबरी आ तिसजो जे हुण तुहें सुणीरा। परमेशरे अपणे पवित्र आत्मा जो स्वर्गा ते इस खातर भेज्या ताकि सै खुशखबरिया रा प्रचार करने च लोकां री मदद करी सक्को। इन्हां गल्लां जो स्वर्गदूत बी बेसब्रिया ने देखणे री इच्छा रक्खां ये।

2 पतरस 1:21

काँह्भई कोई बी भविष्यवाणी माहणुआं रिया इच्छा ते नीं हुई, पर माहणु पवित्र आत्मा रिया अगुवाईया ते बोलां थे सै जे परमेशर तिन्हांजो दसणा चांह था।

1 यूहन्ना 2:20

पर यीशु मसीह तिने पवित्र आत्मा तुहांजो दित्या, इस खातर तुहें सारे सच्चाई जो जाणाँ ये।

1 यूहन्ना 2:27

पर तुहांरे खातर यीशु मसीह पवित्र आत्मा दित्तिरा कने सै पवित्र आत्मा तुहां चा; इस खातर सच्चाईया रे बारे च कोई होर माहणु तुहांजो सखाओ इसरी जरूरत नीं। बरन पवित्र आत्मा सारी सच्चाईया रे बारे जाणने च तुहांरी मदद करो। जो किछ पवित्र आत्मा तुहांजो सखां सै विल्कुल सच्च आ, तिसच कोई झूट्ठ निआं। इसी खातर तियां जे पवित्र आत्मा तुहांजो बोलीरा, तियां इ तुहें मसीह च बणीरे रौआ।

1 यूहन्ना 5:7

कने सै जे गवाही देआं, सै पवित्र आत्मा; काँह्भई पवित्र आत्मा सच्च बोलां।

यहूदा 1:20

पर मेरे प्यारे मित्रो, तुहांजो पवित्र विश्वासा च बधणे खातर इक्की दूये री मदद करदे रैहणा चाहिन्दा कने पवित्र आत्मा रिया अगुवाईया रे जरिये तुहांजो प्राथना करनी चाहिन्दी।

प्रकाशितवाक्य 2:11

सै जे मेरी गल्ल समझणा चाँह सै ध्यान देईने सुणो भई परमेशरा रा आत्मा कलीसियां ने क्या बोलां। सै जे जय पाओ, तिस्सो दुज्जिया मौता ते नुक्शान नीं हूणा।”