यूहन्ना 14:24 - बिलासपुरी नौआं नियम

²⁴ सै जे मेरने प्यार नीं करदा सै मेरिया शिक्षा जो नीं मनदा; तिस बचना जो जे तुहें सुणा यें सै मेरा बचन निआं पर पिता रा, तिने जे मिन्जो भेजीरा।

यूहन्ना 14:24 ပူးပေါင်းရင်းမြစ်များ

मत्ती 19:21

यीशुये तिसने गलाया, “जे तू सिद्ध हूणा चाँह, तां जा, अपणा सब किछ बेच्चीने गरीबां जो बंडी दे; कने तिज्जो स्वर्गा च धन मिलणा; कने आईने मेरा चेला बण।”

यूहन्ना 14:10

क्या तुहांजो ये विश्वास निआं भई हऊँ पिता ने सौगी आ कने पिता मेरे सौगी आ? सै जे बचन हऊँ तुहांजो बोलां सै हऊँ अपणे खा ते नीं बोलदा; पर पिता सै जे मेरे सौगी आ हर बगत अपणा काम्म करदा रैयां।

यूहन्ना 14:15

“जे तुहें मेरने प्यार कराँ ये, तां तुहां मेरयां हुक्मां जो मनणा।

यूहन्ना 14:25

“तदुआं तका जे हऊँ तुहांजो सौगी आ तदुआं तका इ मांह तुहांजो ये गल्लां करनियां।

यूहन्ना 3:11

हऊँ तुहांजो सच्च बोलां, भई अहें सै जे जाणाँ ए सैई बोलां ए, कने अहें सै जे देक्खीरा तिसरी ही गवाही दें, कने सै जे अहें बोलां ए तिस पर तुहें विश्वास नीं करदे।

यूहन्ना 3:34

काँह्भई तिस्सो जे परमेशरे भेज्जीरा, सै परमेशरा रियां इ गल्लां बोलां; काँह्भई ये सैई आ तिसजो जे परमेशरे पवित्र आत्मा पूरे तरिके ने देई दित्तिरा।

यूहन्ना 5:19

इस पर यीशुये तिन्हांजो गलाया, “हऊँ तुहांजो सच्चाई दस्सां, भई पुत्र यनि हऊँ खुद अपणे आप किछ मनी करी सकदा, सै सिर्फ तियां कराँ तेढ़ा जे सै पिता परमेशरा जो करदे देक्खां; काँह्भई तिन्हां-तिन्हां कम्मां जो जे सै कराँ तिन्हांजो हऊँ पुत्र बी तियां इ कराँ।

यूहन्ना 5:38

कने पिता परमेशरा रा बचन अपणे अन्दर नीं रखदे, काँह्भई तिस्सो जे पिता परमेशरे भेज्जिरा तुहें तिस पर विश्वास नीं करदे।

यूहन्ना 7:16

यीशुये तिन्हांजो जबाब दित्या, “सै उपदेश जे हऊँ देआं सै मेरा अपणा निआं, पर ये परमेशरा रिया तरफा ते आ, तिने जे हऊँ भेज्जिरा।

यूहन्ना 7:28

फेरी यीशुये मन्दरा रे अंगणा च उपदेश देन्दे हुये जोरा ने गलाया, “तुहें मिन्जो जाणाँ ये, कने ये बी जाणाँ ये भई हऊँ कित्तिरा। हऊँ त अपणिया मर्जिया ते नीं आईरा, पर मिन्जो भेजणे औल़ा सच्चा, तिस्सो तुहें नीं जाणदे।

यूहन्ना 8:26

तुहांरे बारे च गलाणे जो कने तुहांरा न्याय करने जो मेरले बौहत किछ आ; पर मेरा भेजणे औल़ा सच्चा, कने जो किछ हऊँ तिसते सुणां, सैई संसारा ने बोलां।”

यूहन्ना 8:28

फेरी यीशुये गलाया, “ताहली जे तुहें लोक माहणुये रे पुत्रा जो यनि मिन्जो ऊच्चिया ठारी चढ़ांगे, तां जाणगे भई हऊँ सैई आ; कने हऊँ अपणिया तरफा ते किछ नीं करदा, पर तियां जे मेरे पिता परमेशरे मिन्जो सखाईरा, हऊँ तियां इ ये गल्लां बोलां।

यूहन्ना 8:38

हऊँ सैई बोलां सै जे मैं अपणे पिता ले देख्या; कने तुहें बी सैई करदे रैं सै जे तुहें अपणे पिता ते सुणीरा हुआं।”

यूहन्ना 8:42

यीशुये तिन्हाजो जबाब दित्या, “जे परमेशर तुहांरा पिता हुन्दा, तां तुहें मेरने प्यार रखदे; काँह्भई हऊँ तुहांले परमेशरा रिया तरफा ते आईरा; हऊँ येत्थी अपणिया मर्जिया ने नीं आईरा, पर तिने मिन्जो भेज्जिरा।