यूहन्ना 14:22 - बिलासपुरी नौआं नियम

²² यहूदा सै जे इस्करियोति नीं था तिसने बोलणे लगया, “ये कियां हुई सक्कां भई तू अहांजो साफ-साफ दिसणा कने संसारा रे लोका जो नीं दिसणा?”

यूहन्ना 14:22 ပူးပေါင်းရင်းမြစ်များ

मत्ती 10:3

फिलिप्पुस, बरतुल्मै, थोमा, टैक्स लेणे औल़ा मत्ती, हलफई रा पुत्र याकूब कने तद्दै।

मरकुस 3:18

कने अन्द्रियास, फिलिप्पुस, बरतुल्मै, मत्ती, थोमा, हलफईया रा पुत्र याकूब, तद्दै, शमौन सै जे यहूदी दला रा इक सदस्य था सै दल जे रोमी सरकारा रे बिरोधा च लोकां जो बिद्रोह करने रे खातर उत्साहित कराँ था।

लूका 6:16

कने याकूब रा पुत्र यहूदा, कने यहूदा इस्करियोति, सै जे तिस्सो पकड़वाणे औल़ा बणया।

यूहन्ना 3:4

निकुदेमुसे तिसजो गलाया, “तां जे इक माहणु बुढा हुई जां, तां फेरी तिसरा जमणा कियां हुई सक्कां? क्या सै फेरी भीं अपणिया मौआ रे पेट्टा च जाईने दुज्जी बार जन्म लेई सक्कां?”

यूहन्ना 3:9

निकुदेमुसे यीशुये जो जबाब दित्या, भई “येढ़ा कियां हुई सक्कां?”

यूहन्ना 4:11

जनाने तिसजो गलाया, “प्रभु जी, तेरले त पाणी निकाल़णे जो कोई बी बर्तण निआं, कने खूह बड़ा डुग्गा, तां फेरी सै जीवन देणे औल़ा पाणी तेरेले किती ते आया?

यूहन्ना 6:52

इसा गल्ला पर यहूदी अगुवे ये बोलीने अप्पूँ बाटियें बैह्सणे लगे, भई “ये माहणु कियां अहांजो अपणा शरीर खाणे जो देई सक्कां?”

यूहन्ना 6:60

इस खातर तिसरे चेलयां चते कईयें इन्हां गल्लां जो सुणीने गलाया, भई “ये शिक्षा त बौहत मुश्कल इ, इस पर कुण विश्वास करी सक्कां?”

प्रेरितां 1:13

तां जे सै तित्थी पुज्जे तां सै तिस बौढ़ी रे कमरे च गये, तित्थी जे पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई रा पुत्र याकूब, शमौन जेलोतेस कने याकूब रा पुत्र यहूदा रैयां थे।

यहूदा 1:1

हऊँ यहूदा, यीशु मसीह रा सेवक कने याकूब रा भाई तुहांजो ये चिट्ठी लिख्या राँ, यनि जितने लोक परमेशरा रे जरिये सद्दे गईरे कने तिन्हौं जे अहांरा पिता परमेशर प्रेम कराँ कने यीशु मसीह रे जरिये सुरक्षित ये।