यूहन्ना 14:2 - बिलासपुरी नौआं नियम

² मेरे परमेशर रे घरा होर मती सारी रैहणे रियां जगहां इयां; अगर जे येढ़ा नीं हुंदा तां माह तुहांजो नीं बोलणा था भई हऊँ तुहांरे खातर रैहणे जो जगह बनाणे जो जाया राँ।

यूहन्ना 14:2 ပူးပေါင်းရင်းမြစ်များ

लूका 14:22

तिसते बाद तिसरे नोकरे तियां इ कित्या। फेरी तिने आईने ‘मालका, ने गलाया, अहांले होर बी लोकां रे खातर जगह इ।’

यूहन्ना 13:33

“मेरे बच्चयो हऊँ थोड़िया देरा तका जो तुहांजो सौगी आ। इसते बाद तुहां मिन्जो टोल़णा, कने तियां जे मैं यहूदी अगुवेयां ने गलाया था, ‘तित्थी जे हऊँ जां, तित्थी तुहें नीं आई सकदे,’ सैई हऊँ हुण तुहांजो बोलां।

यूहन्ना 13:36

शमौन पतरसे तिस्सो पुच्छया “प्रभु तू कितो जाया राँ?” यीशुये तिस्सो जवाब दित्या, “तित्थी जे हऊँ जाया राँ तुहें तित्थी मेरने सौगी नीं आई सकदे, पर तुहां बाद च औणा।”

यूहन्ना 14:28

“तुहें मिन्जो बोलदे, सुणयां रायें भई, ‘हऊँ जाया राँ, कने तुहां ला फेरी बी औणा,’ जे तुहें मेरने प्यार कित्या हुंदा तां तुहें खुश हुंदे काँह्भई हऊँ पिता लौ जाया राँ, काँह्भई पिता मेरते महान आ।

यूहन्ना 16:4

हऊँ तुहांजो ये गल्लां इस खातर दस्यारां भई ताहली जे सै बगत औणा, तां जो किछ मैं इन्हां लोकां रे बारे च पैहले ते बोलीरा सै तुहांजो याद औणा। “शुरु ची मैं तुहांजो ये गल्लां नीं गलाईयां काँह्भई हऊँ तुहांजो सौगी था।

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

प्रेरितां 9:16

कने माह तिस्सो दसणा भई मेरे बारे च लोकां जो गलाणे खातर तिस्सो केढ़े-केढ़े दुख सैहणे पौणे।”

2 कुरिन्थियों 5:1

काँह्भई अहें जाणाँ ये भई धरतिया पर अहांरा ये शरीर तम्बुये साई आ तिसच जे अहें रैयां ये, जे ये तम्बू नष्ट हुई जांगा, तां अहांजो परमेशरा रिया तरफा ते स्वर्गा च हमेशा खातर इक बणया-बणाया घर मिलणा सै जे माहणुआं रे हत्था ते बणाया नीं गईरा।

1 थिस्सलुनीकियां 5:9

काँह्भई परमेशरे अहौं अपणे गुस्से ते सजा देणे रे खातर अहाजों नीं चुणीरा, पर इस खातर चणीरा भई अहें अहांरे प्रभु यीशु मसीह रे जरिये छुटकारा पाओ।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

इब्रानियों 11:10

काँह्भई अब्राहम मजबूत निऊंआं औल़े नगरा च (स्वर्गा च) रैहणे रे खातर इन्तजार करया राँ था, तिस राजे रचणे औल़ा कने बनाणे औल़ा परमेशर आ।

इब्रानियों 13:14

काँह्भई ये संसार अहांरा पक्का घर नींआ, पर अहें येढ़े घरा जो पाणे री उम्मीद कराँ ये सै जे भविष्य च अहांरा हूणा।

इब्रानियों 6:20

तित्थी जे यीशुये मेलिकिसिदक याजका साई सदा काल रा महायाजक बणीने अहां खातर अगुवे साई प्रवेश कित्तिरा।

इब्रानियों 9:8

इस नियमा रे जरिये पवित्र आत्मा ये दस्सां भई तदुआं तकौ जे हल्तियें पैहला तम्बू खढ़िरा, तदुआं तक परमपवित्र जगह रा रस्ता दिखाई नीं देन्दा।

प्रकाशितवाक्य 1:5

कने यीशु मसीह रिया तरफा ते सै जे बफादार गवाह कने मूईरेयां चते जी उठणे औल़यां च पैहला कने धरतिया रे सारे राजयां रा प्रधान आ, तुहांजो अनुग्रह कने शान्ति मिलदी रौ। सै अहांने प्यार कराँ, कने तिने अपणे खून्ना ने अहांजो पापां ते छडवाईरा।

प्रकाशितवाक्य 21:2

फेरी मैं पवित्र नगर नये यरूशलेम जो अपणे दुल्हे रे खातर त्यार दुल्हना रे रुपा च स्वर्गा ते परमेशरा रे नेड़े ते थल्ले उतरदे देख्या।

प्रकाशितवाक्य 3:12

सै जे जय पाओ तिस्सो मांह अपणे परमेशरा रे मन्दरा च इक खम्भा बनाणा, तित्थी ते तिस कदीं बाहर नीं निकल़णा। कने मांह अपणे परमेशर रा नौं कने अपणे परमेशर रे नगर यनिके नये यरूशलेम रा नौं, सै जे मेरे परमेशरा रिया तरफा ते स्वर्गा ते उतरने औल़ा, कने मांह अपणा नया नौं बी तिस पर लिखणा।

प्रकाशितवाक्य 3:21

सै जे जय पाओ मांह तिस्सो अपणे सौगी अपणे संघासणा पर बठालणा, तियां जे हऊँ बी जय पाईने अपणे पिता सौगी तिसरे संघासणा पर बैठिरा।