यूहन्ना 14:18 - बिलासपुरी नौआं नियम

¹⁸ मांह तुहांजो दोस्ता ते बिणा नीं छडणा; मांह येत्थी जो फेरी भीं औणा।

यूहन्ना 14:18 ပူးပေါင်းရင်းမြစ်များ

मत्ती 18:20

काँह्भई तित्थी जे दो या तिन्न जणे मेरे नौआं पर परमेशरा ते सहायता खातर प्राथना करने जो कट्ठे हुआं ये, तित्थी हऊँ तिन्हारी सहायता करने खातर तिन्हारे बिच मौजूद आ।”

मत्ती 28:20

कने तिन्हांजो ये सारी गल्लां सै जे मैं तुहांजो आज्ञा दित्तिरी, मनणा सखाओ; कने याद रखा, हऊँ संसारा रे अन्ता तक सदा तुहांरिया सौगी आ।”

यूहन्ना 14:16

कने मांह तुहांरे खातर पिता ने प्राथना करनी, कने तिस तुहांजो इक सहायक देणा तिस जे तुहांजो सदा रैहणा,

यूहन्ना 14:3

जे हऊँ तित्थी जाया राँ, कने तुहां खातर रैहणे री जगह बणाऊं, तां माह फेरी येत्थी आईने तुहांजो अपणे सौगी रैहणे खातर ऊत्थी लेई जांगा, ताकि तुहें बी तित्थी रौआ तित्थी जे हऊँ रौआं।”

यूहन्ना 16:16

“थोड़े बगता तक तुहां मिन्जो नीं देखणा, कने तिसते बाद, थोड़े बगता बाद तुहां मिन्जो फेरी देखणे लगणा।”

यूहन्ना 16:33

मैं तुहांजो ये सब गल्लां इस खातर बोलियां भई तुहांजो मेरते शान्ति मिलो। संसार तुहांजो दुख देआं, हिम्मत रखा! मैं संसारा जो जित्तिल्या।”

2 थिस्सलुनीकियां 2:16

खुद अहांरे प्रभु यीशु मसीह, कने अहांरे पिता परमेशर तिने जे अहांने प्यार कित्या, कने अपणे अनुग्रह ते अनन्त प्रोत्साहन कने उत्तम आशा दित्तिरी,

इब्रानियों 2:18

काँह्भई यीशुये री परीक्षा लिति गईरी कने तिने खुद दुख भोग्या, इस खातर सै परीक्षा च पैईरे लोकां री मदद करी सक्कां।