यूहन्ना 14:11 - बिलासपुरी नौआं नियम

¹¹ विश्वास करा, हऊँ पिता सौगी आ कने पिता मेरे सौगी आ; निआं तां जो चमत्कार मैं कित्तिरे तिसरी बजह ते विश्वास करा।

यूहन्ना 14:11 ပူးပေါင်းရင်းမြစ်များ

यूहन्ना 10:25

यीशुये तिन्हांजो जबाब दित्या, “मैं त तुहांजो दस्सीत्या पर तुहें विश्वास इ नीं करदे। सै काम्म जे हऊँ अपणे पिता रे नौआं ते कराँ सैई मेरा गवाह,

यूहन्ना 10:32

इस पर यीशुये तिन्हांजो गलाया, “मैं तुहांजो अपणे पिता रिया तरफा ते कई भले काम्म दस्से; तिन्हां चा ते किस कम्मां खातर तुहें माह पर पत्थर मारीराँ ये?”

यूहन्ना 10:38

पर जे हऊँ कराँ, तां चाये माह पर विश्वास करा या नां करा, पर तिन्हां गल्लां पर त विश्वास करा ताकि तुहें जाणी सक्को कने समझी सक्को भई पिता माह चा कने हऊँ पिता चा।”

यूहन्ना 14:10

क्या तुहांजो ये विश्वास निआं भई हऊँ पिता ने सौगी आ कने पिता मेरे सौगी आ? सै जे बचन हऊँ तुहांजो बोलां सै हऊँ अपणे खा ते नीं बोलदा; पर पिता सै जे मेरे सौगी आ हर बगत अपणा काम्म करदा रैयां।

यूहन्ना 14:20

तिस बगत ये साफ हुई जाण भई हऊँ अपणे पिता सौगी आ कने तुहें मेरे सौगी ये कने हऊँ तुहां सौगी आ; कने तिस जे मिन्जो प्यार करना पिता बी तिस्सो प्यार करना।

यूहन्ना 5:36

पर मेरले सै जे गवाही सै यूहन्ने रिया गवाहिया ते बी बड्डी; काँह्भई सै काम्म जे पिता परमेशरे मिन्जो पूरा करने खातर सौंपीरा यनिके हऊँ तिन्हां इ कम्मां जो करी रां कने सैई काम्म मेरे गवाह ये भई पिता परमेशरे मिन्जो भेज्जिरा।

प्रेरितां 2:22

“हे इस्राएलियो, ये गल्लां सुणा: यीशु नासरी इक माहणु था तिसरा परमेशरा खा ते हुणे रा सबूत तिन्हां सामर्था रे कम्मा कने हैरानिया रे कम्मां कने चमत्काराँ ते परगट आ, सै जे परमेशरे तुहांरे बिच तिसरे जरिये करीने दस्से तिस्सो जे तुहें अप्पूँ इ जाणाँ ये।

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।