यूहन्ना 13:27 - बिलासपुरी नौआं नियम

²⁷ ताहलूं जे यहूदे सै रोटिया रा टुकड़ा लैया शैतान तिसच समाई गया। तां यीशुये तिस्सो बोल्या, “सै जे तू करना छोड़े कर।”

यूहन्ना 13:27 ပူးပေါင်းရင်းမြစ်များ

मत्ती 12:45

फेरी बुरीआत्मा जाईने अप्पूँ ते होर सात्त बुरीआत्मां जो अप्पूँ सौगी ली औईं सै जे तिसाते बी बुरियां हुआं इयां, फेरी सै सब आईने तिस माहणुये च रैहणे लगां इयां, कने तिस माहणुये री हालत पैहले ते बी जादा खस्ती हुई जाईं। इस जुगा रे लोकां री हालत बी येढ़ि हूणी।”

मत्ती 4:10

फेरी यीशुये तिसजो गलाया, “शैतान दूर हुई जा, काँह्भई पवित्रशास्त्रा च लिखिरा: ‘तू प्रभु अपणे परमेशरा री अराधना कर, कने सिर्फ तिसरी इ सेवा टैहल कर।’ ”

मरकुस 6:25

सै इकदम राजे ले अन्दर आई कने तिसने अरज कित्ती, “हऊँ चाँई भई तू हुण इ यूहन्ना बपतिस्मा देणे औल़े रा सिर येत्थी इक्की थाल़ा च मेरे खातर मंगवाई दे।”

लूका 22:3

फेरी शैतान यहूदा इस्करियोति च समाईया, सै जे यीशुये रे बारा चेलयां चते इक था।

यूहन्ना 13:2

तंजे यीशु कने तिसरे चेले राति जो रोटी खाया राँ थे। शैताने पैहले तेई यीशुये जो धोखा देणे रे खातर शमौना रे पुत्र यहूदा इस्करियोति रे मना च पाईतरा था।

यूहन्ना 13:28

सै जे तित्थी बैठिरे थे तिन्हां चते किसी जो बी ये समझ नीं आया, भई यीशुये तिसने ये गल्लां काँह कित्ती यां।

यूहन्ना 6:70

यीशुये तिन्हांजो जबाब दित्या, “क्या तुहां बाराँ जो मैंई नीं चुणीरा? फेरी भीं तुहां च इक माहणु शैतान रे वशा चा।”

प्रेरितां 5:3

पतरसे गलाया, “हे हनन्याह! सै जे शैताने तेरे मना च पवित्र आत्मा ने झूट्ठ बोलणे रा विचार पाया, कने तुहें अपणी बेच्ची रिया धरतिया रे पैसयां चते थोड़े जे रखी लो?