यूहन्ना 13:17 - बिलासपुरी नौआं नियम

¹⁷ हुण तां जे तुहें इन्हां सब गल्लां जो जाणाँ ये, तां तिन्हांरा पालन करा, ताकि तुहांजो आशीष मिलो।

यूहन्ना 13:17 ပူးပေါင်းရင်းမြစ်များ

मत्ती 12:50

हाँ, सै जे कोई स्वर्गा च बिराजमान मेरे पिता रिया इच्छा पर चलां, सैई मेरी माता, मेरी बैहण, कने मेरे भाईये रे बराबर मिन्जो प्यारे।”

लूका 11:28

फेरी यीशुये गलाया, “पर इन्हांते बी जादा परमेशर तिन्हौ आशीष देआं, सै जे परमेशरा रा बचन सुणां ये, कने तिसरा पालन कराँ ये।”

यूहन्ना 15:14

जे तुहें मेरिया दस्सी रिया गल्ला पर चलां ये सै जे हऊँ बोलां, तां तुहें मेरे सच्चे दोस्त बणी जांये।

रोमियो 2:13

काँह्भई सै लोक जे मूसा रिया व्यवस्था जो कथा साई सुणां यें, सै परमेशरा रिया नजरा च धर्मी नींये, पर सै जे व्यवस्था रा पालन कराँ ये सै परमेशरा रिया नज़राँ च धर्मी समझे जाणे।

गलातियां 5:6

जे तुहें मसीह यीशुये रे चेले हो, तां चाये तुहें खतना या बगैर खतने औल़े हो इसरा कोई फर्क नीं पौन्दा, पर मसीह पर विश्वास करना इ मायना रखां सै जे परमेशर कने दुज्यां लोकां रे परति प्यारा रे जरिये दिखां।

याकूब 1:25

पर सै जे परमेशरा रिया तिसा उत्तम व्यवस्था जो नेड़े ते देखां, तिसते जे अजादी मिलां इ कने तिसरा इ पालन बी करदा रैयां कने सुणीने तिस्सो बिणा भुल्ले अपणे व्यवहारा च उतारदा रैआं, सैई अपणयां कम्मां रे खातर आशीषित हूणा।”

याकूब 4:17

इस खातर सै जे भलाई करना जाणाँ, पर करदा नींआ, तिसरे खातर ये पाप आ।

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।